Bir gündə iki hadisə - 4 yaralı
04.04.2024 [10:31]
Mina qurbanlarının sayı artır
Nardar BAYRAMLI
Azərbaycan dünyada ən çox mina ilə çirkləndirilən ölkələrdən biridir. Ermənistan 30 illik işğal dövründə çoxlu sayda hərbi cinayətlər törədib ki, bunların sırasında mina terroru da əsas yerlərdən birini tutur. İkinci Qarabağ müharibəsindən sonra Azərbaycanın qarşılaşdığı ən böyük problemlərdən biri də işğaldan azad olunmuş ərazilərini minalar və partlamamış hərbi sursatlardan təmizlənməsidir. Bu problemi hökumət strukturları, xüsusilə də dövlətimizin başçısı, vətəndaş cəmiyyəti təsisatları, qeyri-hökumət təşkilatları, mətbuat daim diqqət mərkəzində saxlayır və bütün müvafiq platformalarda Azərbaycanın qarşılaşdığı problem beynəlxalq aləmə çatdırılır. Azərbaycan ərazilərində kütləvi şəkildə minalar və digər partlayıcı qurğuların yerləşdirilməsi bərpa və yenidənqurma işlərinin əngəlsiz şəkildə irəliləməsi üçün ciddi maneə olaraq qalır. Bu, otuz illik məcburi köçkünlükdən sonra öz evlərinə qayıdan şəxslər üçün təhlükə yaradır.
Cəmi 25 faiz dəqiqlik...
Məlumdur ki, müharibə başa çatandan sonra Ermənistan mina xəritələrinin bir hissəsini Azərbaycan tərəfinə təhvil vermişdi. Lakin araşdırmalar nəticəsində məlum oldu ki, erməni tərəfinin təqdim etdiyi xəritələrin cəmi 25 faizi düzgündür. Rəsmi Bakı dəfələrlə Ermənistana düzgün xəritələrin verilməsi ilə bağlı çağırış edib. Fevralın 12-də isə Azərbaycan Respublikası Minatəmizləmə Agentliyindən (ANAMA) verilən məlumata görə, Ermənistan tərəfi Azərbaycanın işğaldan azad olunmuş ərazilərində mövcud olan mina sahələrinə dair 8 ədəd formulyarı Azərbaycan tərəfinə təqdim edib. Təqdim olunan formulyarlar əsasən Kəlbəcər rayonu Murovdağ silsiləsini əhatə edən minalanmış ərazilərə dair qeydlərdən ibarətdir. Məlumatda qeyd edilib ki, normativ texniki qaydalara əsasən mina sahələrinin formulyarlarında istinad nöqtələri, basdırılmış minaların növləri, sayları, ara məsafələri, basdırılma və gizlətmə üsullarına dair məlumatlar qeyd olunur. Lakin əvvəl olduğu kimi son təqdim edilən formulyarlarda da məlumatlar qeyri-dəqiq, etibarsız və natamam əks olunub. Formulyarlar üzərində təhlil və emal işləri aparıldıqdan sonra qeyd edilən məlumatların real mina sahələri ilə uzlaşmadığı, istinad nöqtələrinin koordinatlarının yanlış və yararsız olduğu müəyyən edilib.
Ağdam və Tərtərdə mina partlayışı
Ümumilikdə mina sahələrinə dair Ermənistan tərəfindən təqdim edilən formulyarlar keçmiş təmas xətti boyu ərazilərin bir qismini əhatə edir. Keçmiş təmas xəttinin Xocavənd, Tərtər və Goranboy rayonları ərazisindən keçən hissəsi, habelə 2020-ci ilin noyabr ayında geri çəkilən zaman Ermənistan hərbi birləşmələri tərəfindən minalanmış ərazilər barədə məlumatlar hələ də təqdim edilməyib.
Məhz bu səbəbdən də, mina qurbanlarının sayı artmaqda davam edir. Belə ki, aprelin 2-də mina partlaması nəticəsində Ağdam rayonunun işğaldan azad edilmiş Sarıcalı kəndi ərazisində mina təmizləmə işləri aparan Azərbaycan Respublikası Minatəmizləmə Agentliyinin (ANAMA) əməkdaşı 1987-ci il təvəllüdlü Əliyev Xəyyam Qəmbər oğlu xəsarət alıb və istifadə olunan texnikaya maddi ziyan dəyib. Hazırda Xəyyam Əliyevin vəziyyəti qənaətbəxşdir. Ağdam rayon prokurorluğunun əməkdaşları tərəfindən hadisə yerinə baxış keçirilib, digər zəruri prosessual hərəkətlər aparılıb. Faktla bağlı araşdırma aparılır.
Həmin gün Tərtər rayonunun Çaylı kəndi ərazisində də mina hadisəsi baş verib, 3 nəfər xəsarət alıb. Bu barədə Azərbaycan Respublikası Daxili İşlər Nazirliyi (DİN), Baş Prokurorluğu və Minatəmizləmə Agentliyinin (ANAMA) mətbuat xidmətlərinin yaydığı birgə məlumatda qeyd olunub ki, 1969-cu il təvəllüdlü İsmayılov Polad Alış oğlu, 1992-ci il təvəllüdlü Tağızadə Arzuman Əhliman oğlu və 2006-cı il təvəllüdlü Bağırov Elmir Elnur oğlu keçmiş təmas xəttində, minalardan təmizlənməmiş ərazidə heyvan otararkən baş verən mina partlayışı nəticəsində xəsarət alıblar. Faktla bağlı Tərtər Rayon Prokurorluğunda araşdırma aparılır.
DİN, Baş Prokurorluq və ANAMA bir daha vətəndaşları təhlükəsizlik qaydalarına riayət etməyə, bələd olmadıqları ərazilərə daxil olmamağa və təhlükə bildirən bütün əlamətlərə diqqətlə yanaşmağa çağırıb.
Mina qurbanlarının sayı 350 nəfərə çatdı
Mina hadisəsi ilə bağlı Azərbaycan Xarici İşlər Nazirliyinin “X” hesabında paylaşım edilib. Bildirilib ki, Ermənistan tərəfinin vaxtilə işğal etdiyi ərazilərimizdə yerləşdirdiyi minaların partlaması 2020-ci ildəki 44 günlük Vətən müharibəsindən sonra 350 günahsız insanı mina qurbanına çevirib. “Bu gün daha 4 nəfər minanın qurbanı olub. Ermənistan tərəfinin minalanmış ərazilərin dəqiq xəritələrini verməkdən imtina etməsi Azərbaycan ərazilərində genişmiqyaslı təmir-bərpa işlərinin aparılması ilə yanaşı, məcburi köçkünlərin öz evlərinə qayıtmasına mane olur, o cümlədən regionda sülhyaratma prosesinə xələl gətirir. Beynəlxalq ictimaiyyət Azərbaycanda minaların yaratdığı təhlükənin aradan qaldırılması üçün gücünü birləşdirməlidir”, - deyə XİN-dən bildirilib.
Ombudsman: Beynəlxalq ictimaiyyət Ermənistanın mina terroruna səssiz qalmamalıdır
Azərbaycanın İnsan hüquqları üzrə müvəkkili (ombudsman) Səbinə Əliyeva isə Tərtər və Ağdamdakı mina partlayışları ilə əlaqədar bildirib ki, beynəlxalq ictimaiyyət Ermənistanın mina terroruna səssiz qalmamalı, dəqiq mina xəritələrinin Azərbaycana təqdim edilməsi üçün bu ölkəyə ciddi təzyiq göstərməlidir. “Ermənistanın otuz illik işğal dövründə torpaqlarımızda basdırdığı minalar insanların həyatına və sağlamlığına təhlükə yaratmaqda davam edir. Növbəti mina terroru nəticəsində dörd nəfər mülki şəxs yaralanmışdır. Ümumilikdə İkinci Qarabağ müharibəsindən bugünədək 350 nəfər minadan zərər çəkib”, - deyə ombudsman qeyd edib.
Mülki təyinatlı ərazilərin kütləvi şəkildə minalanması beynəlxalq hüquq normalarının ciddi şəkildə pozulması ilə yanaşı, insanlıq əleyhinə törədilən cinayətdir. Ona görə də, müvafiq beynəlxalq təşkilatlar, bütövlükdə dünya ictimaiyyəti Azərbaycanın çağırışlarına adekvat cavab verməli və bütünlüklə dəqiq mina xəritələrinin ölkəmizə təhvil verilməsi üçün rəsmi İrəvana təzyiq göstərilməlidir.
Xəbər lenti
Hamısına baxGündəm
21 May 21:15
Xəbər lenti
21 May 19:42
Xəbər lenti
21 May 19:40
Gündəm
21 May 18:07
Xəbər lenti
21 May 17:48
Xəbər lenti
21 May 17:16
İdman
21 May 16:59
Xəbər lenti
21 May 16:36
Xəbər lenti
21 May 16:33
Siyasət
21 May 16:28
Xəbər lenti
21 May 16:11
YAP xəbərləri
21 May 16:09
Xəbər lenti
21 May 15:43
Xəbər lenti
21 May 15:26
Dünya
21 May 15:19
Xəbər lenti
21 May 15:12
Xəbər lenti
21 May 14:54
Xəbər lenti
21 May 14:52
Xəbər lenti
21 May 14:48
Sosial
21 May 14:41
Dünya
21 May 14:30
Dünya
21 May 14:00
Xəbər lenti
21 May 13:36
İqtisadiyyat
21 May 13:34
Gündəm
21 May 13:27
Xəbər lenti
21 May 13:23
Xəbər lenti
21 May 13:21
Xəbər lenti
21 May 13:14
Avropa
21 May 13:03
Xəbər lenti
21 May 13:01
Siyasət
21 May 12:59
Xəbər lenti
21 May 12:30
Xəbər lenti
21 May 12:16
Xəbər lenti
21 May 12:11
Xəbər lenti
21 May 12:03
Xəbər lenti
21 May 11:46
Xəbər lenti
21 May 11:40
Müsahibə
21 May 11:36
Dünya
21 May 11:26
Xəbər lenti
21 May 11:19
Maraqlı
21 May 11:10
Mədəniyyət
21 May 11:04
MEDİA
21 May 11:00
İqtisadiyyat
21 May 10:55
Sosial
21 May 10:55
İqtisadiyyat
21 May 10:50
Turizm
21 May 10:45
Siyasət
21 May 10:40
Xəbər lenti
21 May 10:39
Siyasət
21 May 10:38
Siyasət
21 May 10:35
Siyasət
21 May 10:30
Analitik
21 May 10:20
Xəbər lenti
21 May 10:10
Gündəm
21 May 10:00
Siyasət
21 May 09:50
Xəbər lenti
21 May 09:35
Xəbər lenti
21 May 09:29
Xəbər lenti
20 May 23:18
Gündəm
20 May 20:42
Siyasət
20 May 20:18
Xəbər lenti
20 May 19:38
İqtisadiyyat
20 May 18:31
Xəbər lenti
20 May 17:50
Xəbər lenti
20 May 17:48
Xəbər lenti
20 May 17:10
Xəbər lenti
20 May 17:04
Xəbər lenti
20 May 16:59
Sosial
20 May 16:55
Asiya
20 May 16:52