Ana səhifə »  Müəlliflər »  Bir səfərin təəssüratları, yaxud milli qürur və sevincin bölüşüldüyü tarixi anlar
A+   Yenilə  A-
Bir səfərin təəssüratları, yaxud milli qürur və sevincin bölüşüldüyü tarixi anlar
Yazdı: Hikmət BABAOĞLU

Martın 13-də Azərbaycan Respublikası Prezidentinin tapşırığına əsasən, media və QHT rəhbərlərinin, bloggerlər və ictimai fəalların işğaldan azad edilmiş Ağdam rayonuna səfəri baş tutdu. Səfər iştirakçılarını Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev müşayiət edirdi.

27 il sonra azad etdiyimiz Ağdama qayıtmışıq!

Təbii ki, Prezident, Müzəffər Ali Baş Komandanımız cənab İlham Əliyevin rəhbərliyi ilə Azərbaycanın 44 günlük müharibədə möhtəşəm tarixi qələbə qazanmasından sonra təşkil edilən bu səfərin fonunda keçirdiyimiz hissləri təsvir etmək o qədər də asan deyil. Hər şeydən öncə, bütün hisslərimizə üstün gələn bir hiss var idi - bu, əldə etdiyimiz qələbənin və torpaqlarımızın işğaldan azad olunmasının bizə bəxş etdiyi sevinc hissi idi. Səfər zamanı hamımızda bu hisslərdən qaynaqlanan bir coşqu və qürur var idi. Amma eyni zamanda, biz bir insanın ən doğmasının reanimasiyada olduğu vaxt yanına gələrkən keçirdiyi hissləri yaşayırdıq. Bu, təbii idi. Çünki Ağdam yaralıdır, Ağdamımızı xarabazara çeviriblər, torpağına, daşına qədər tarimar ediblər. Bu, insanda, əlbəttə ki, acı hisslər yaradır. Ancaq insanda dərhal bir qürur da yaranır ki, biz 27 il sonra Ağdamı azad etmişik, Ağdama qayıtmışıq. Bu, xalqımızın əldə etdiyi tarixi zəfərdir, möhtəşəm qələbədir.

Ağdam rayonunun ərazisi 1150 kvadratkilomertdir. Bu, kifayət qədər böyük bir ərazidir. Relyef etibarilə Ağdam dəniz səviyyəsindən 350 metr yüksəklikdən başlayır, 1300 metrə qədər fərqli yüksəkliklərdə yerləşir. Eyni zamanda, bilirik ki, Ağdamın ərazisində müxtəlif strateji nöqtələr var və biz hələ Birinci Qarabağ müharibəsi dövründən Papravənd savaşını, ondan sonra digər ərazilərimizdə, Xramurd ətrafında olan döyüşləri xatırlayırıq. Ermənilər də yerli coğrafiyanın verdiyi strateji üstünlükləri, əslində, çox möhkəm istehkamlara çevirmişdilər. Biz belə gücləndirilmiş istehkamların necə diqqətlə inşa edildiyinin də şahidi olduq. Ərazidə bir neçə qatdan ibarət səngərlər var idi. Hələ Birinci  Qarabağ müharibəsində Ağdam rayonu 6500-dən çox şəhid verib, 5000-dən çox ağdamlı qazi olub. Və bunun hamısı o ərazidə gedən döyüşlərdə olub. Çünki orada strateji nöqtələr, məntəqələr çoxdur. Bütün bunları nəzərə alsaq, yəni orada müharibə aparmağın nə qədər çətin olduğunu, itkilərimizin nə qədər çox ola biləcəyini tarixi müqayisəli metodla yəqin edə bilərik. Ona görə də biz bir daha Azərbaycan Ordusuna, Ali Baş Komandanımıza minnətdarlığımızı bildiririk. 44 günlük müharibədə göstərilən rəşadət sayəsində işğalçı Ermənistan 3 rayonumuzu - 10 min kvadratkilometrdən artıq ərazimizi döyüşsüz qaytarmaq məcburiyyətində qaldı, kapitulyasiya aktına imza atdı.

Bu qələbə bizi yüksəltdi, mənəviyyatımızı ucaltdı, xalqımızın başını uca etdi və düşmənə çox yaxşı bir dərs oldu

Ermənilərə 1990-cı illərin əvvəllərində bir “qələbə” hədiyyə edilmişdi. Biz isə qələbəmizi özümüz əldə etdik. Bax Ağdama səfər edərkən hər birimiz, hər şeydən öncə, bu qüruru yaşayırdıq. Amma sırf insani hisslərə gəldikdə isə, əlbəttə ki, Bərdədən keçdikdən sonra biz hər an işğaldan azad olunmuş ərazilərimizə qədəm qoyacağımızı səbirsizliklə gözləyirdik. Azərbaycanın qəhrəman əsgərlərinin dayandığı səngərləri keçəndən dərhal sonra artıq biz məkrli düşmənin, işğalçı ordunun bir neçə qatdan ibarət istehkamları, səngərləri ilə qarşılaşırdıq. Və bu, əlbəttə ki, insanda bir ağrı-acı yaradırdı. Bizim torpaqlarımızı köstəbək kimi eşiblər, özlərinə səngər qurublar, möhkəmləniblər. Və bir daha bizə aydın oldu ki, onlar əsla və əsla danışıqlar yolu ilə bizim torpaqlardan çıxası deyillərmiş. Ona görə də Azərbaycan Prezidenti, Ali Baş Komandanımız hər çıxışında deyir ki, bəzən mənə deyirdilər ki, bu problemin, bu münaqişənin hərb yolu ilə həlli yoxdur. Ancaq mən deyirdim ki, bunun hərbi yolla həlli var. Məhz tarix Prezidentimizin, Müzəffər Ali Baş Komandanımızın mövqeyinin haqlı olduğunu göstərdi.

Elə burada ayrıca bir məqama toxunmaq istəyirəm. Bəlkə də, biz danışıqlar yolu ilə torpaqlarımızı işğaldan azad edə bilərdik. Müəyyən bir hissəsini, bir qədərini. Danışıqların predmetinin nə olduğunu da bilirdik. Amma o azadedilmə indiki kimi olmayacaqdı. Və torpaqlarımızın o şəkildə azad olunması bizə bu milli qüruru, bu milli sevinci yaşatmayacaqdı. Bu qələbə bizi yüksəltdi, mənəviyyatımızı ucaltdı, xalqımızın başını uca etdi və düşmənə çox yaxşı bir dərs oldu. Amma təkcə düşmənə, ermənilərə deyil, həm də onların havadarlarına dərs oldu.

Səfər proqramı olduqca zəngin idi

Bunları düşünərkən, bu hissləri keçirərkən beləcə Ağdama qədəm qoyduq. Çox yaxşı proqram tərtib olunmuşdu. İstəyirəm, burada iki məsələnin üzərində xüsusi dayanım. Birincisi, proqramın zənginliyinin, ikincisi isə, Ağdama səfər edən jurnalistlərin, media qurumlarının kontingentinin kimlərdən ibarət olmasının. Bunların ikisi də, düşünürəm ki, mühüm əhəmiyyətə malikdir.

İlk növbədə, biz orada ermənilər tərəfindən basdırılmış minaların partladılmasının şahidi olduq. Bir daha yaxından gördük və daha yaxşı hiss etdik ki, vətəndaşlarımız hələ də orada təhlükədədirlər və düşmən nə qədər məkrli olub. Az qala, hər metrdən bir strateji nöqtələrin hamısına mina yerləşdiriblər. Yeri gəlmişkən, mən vətəndaşlarımızı o ərazilərə icazəsiz səfər etməklə həyatlarını riskə atmamağa çağırıram. Hər bir vətəndaşımızın həyatı qiymətlidir. Qarşıda bizi tarixi qələbəmizin gətirdiyi böyük quruculuq işləri gözləyir. Biz öz sağlamlığımızı və enerjimizi böyük quruculuq prosesində iştirak etməyə, işğaldan azad edilmiş torpaqlarımıza qayıtmağın sevincini yaşamağa saxlayaq.

İkincisi, səfər proqramı çərçivəsində Ağdamın adı ilə simvollaşan ərazilərdə olduq. Çay evi, Ağdam Dram teatrı, Şəhidlər xiyabanı, Böyük Vətən müharibəsi qurbanlarının məzarlığı, Qarabağ xanlarının türbəsi, Şahbulaq qalası ziyarət edildi, İmarət stadionunda olduq və s. Bax bütün bunlar, əlbəttə ki, unudulmazdır və hər biri tarixdən bəri Ağdam adı ilə assosiasiya olunan milli yaddaşımıza həkk edilmiş simvolik ərazilər idi. Əlbəttə ki, artıq onlardan bir əlamət qalmayıb və yaxud sadəcə dağıdılmış yerləri qalıb. Hər halda, hamımızda bir ümid, hamının gözündə bir sevinc vardı ki, “Ağdam, sənin sahibin qayıdıb və səni bərpa edəcək”.

Bir daha milli birliyimizin və bərabərliyimizin şahidi olduq

Kontingentlə bağlı məsələyə gəldikdə isə, ətrafa qısaca nəzər salan kimi görürdük ki, tənqidi medianın, hətta vaxtilə “radikal media” kimi adlandırdığımız media mənsubları, bəzən Azərbaycanda, ölkədən kənarda baş verən hadisələri müxtəlif formada şərh edən, ən müxtəlif media mənsubları bu səfərin iştirakçılarıdır. Bu, informasiya müstəvisində milli birliyimizin yeni nümunəsi idi. Mən burada bir daha 44 günlük müharibədə göstərdiyimiz birliyin və bərabərliyin intellektual müstəvidə, yəni media müstəvisində təzahürünü gördüm. Vaxtilə bir-birini sərt tənqid edən media nümayəndələrinin, sosial şəbəkə iştirakçılarının, bloggerlərin və s. heç birinin gözündə bir-birinə qarşı kin görmədim. Qələbəmiz, milli sevincimiz hamını birləşdirmişdi və hamı bir-birinə məhəbbətlə baxırdı.

Bu, əslində, hamımız üçün yeni bir həmrəylik nümunəsi idi. Beləliklə, qeyd etdiyim kimi, bir daha milli birliyimizin, bərabərliyimizin şahidi olduq. Bu qələbəni bizə bəxş edən qəhrəman Azərbaycan əsgərinə sonsuz minnətdarlığımızı bildirir, şəhidlərimizin ruhu qarşısında baş əyirik. Müzəffər Ali Baş Komandanımıza çox minnətdarıq ki, bu tarixi zəfəri bizə - Azərbaycan xalqına yaşatdı.

Müzəffər Ali Baş Komandanımız cənab İlham Əliyev yeni tarix yaratdı

Yeri gəlmişkən, məni illərdən bəri düşündürən bir suala da səfər zamanı cavab tapdım. Əslində, bu, tarixçilərin, sosioloqların mübahisə etdiyi bir məsələdir. Tarixmi şəxsiyyəti yaradır, şəxsiyyətmi tarixi yaradır...?! Və mən nəhayət, bu suala cavab tapdım. Bəli, şəxsiyyət tarixi yaradır. Tarixi şəxsiyyət olan Müzəffər Ali Baş Komandanımız cənab İlham Əliyev yeni tarix yaratdı. Bu, yeni reallıqlar tariximizdir və olduqca qürurvericidir.

Milli sevincin və qürurun bölüşüldüyü tarixi səfər

Yeri gəlmişkən, bizim getdiyimiz avtobusda Qarabağ Azadlıq Təşkilatının sədri Akif Nağı və eyni zamanda, əslən Ağdamdan olan bir nəfər vətəndaşımız da vardı. Məni yolboyu, elə Ağdama girəndə də kövrəldən onların davranışları oldu. Akif Nağı Papravənd, digər yoldaşımız isə Ağdamın başqa bir kəndindən idi. Onların hisslərinə biz də qoşulurduq - kövrəlirdik, gülümsəyirdik. Bir xatirə yada düşəndə, bir xoş hadisə danışılanda sevinirdik. Bu, milli sevincin, milli qürurun bölüşüldüyü tarixi səfər idi.

Tarixi qalalar millətimizə miras buraxılan milli irsdir

Başqa bir məqama toxunmaq istəyirəm. Ağdamda Şahbulaq dağ silsiləsi var. Təqribən 20 kilometr boyu uzanan dağ silsiləsidir. Tərnöyüt və Ağdərə arasında uzanır, simmetrik zirvələrdən ibarətdir və dəniz səviyyəsindən təqribən 1300 metr yüksəklikdə olan ərazidir. O qalaya toxunulmayıb. Düşmənlərimiz o qalanı “Tiqranakert qalası” kimi muzeyə çeviriblər. Çünki guya “Tiqranakert” şəhəri olub. Amma, əslində, bu, tam uydurmadır. Ətrafda arxeoloji qazıntılar aparıblar, vaxtilə Ağdamda olan çox mühüm arxeoloji qazıntılardan biri - Leylatəpə, Üzərliktəpə kimi yerlərdə 6-8 min il bundan öncəyə aid olan nümunələr, əmək alətləri tapılıb və s. Bunları da “ermənilərin qədim tarixi maddi mədəniyyət nümunələri” kimi təqdim edirlərmiş, eksponatlar düzüblərmiş. Bunları isə Şahbulaq qalasında nümayiş etdirirlərmiş. Mən əcdadlarımızdan miras qalan bu tarixi qalalarda müdhiş hisslər keçirdim. Daşlara toxunmaqla, sanki, onlardan informasiya almağa cəhd göstərirdim. Bəzən də mənə elə gəlir ki, doğrudan da, oradan hansısa məlumat almaq olar. Mən Azərbaycanın harasına getsəm, mütləq tarixi qalalarımızda oluram. Açığını deyim ki, gəzdiyimiz bu qədər abidələrin, qalaların heç birində mən Şahbulaq qalasında olduğu kimi hisslər keçirmədim. Çünki oraya daxil olan kimi qəribə əhval-ruhiyyə, qəribə bir rahatlıq, dinclik məni bürüdü. Yoldaşlarımız oradan qayıdıb gələndə mən, sanki, öz-özümə “buradan getmək istəmirəm” dedim. Sırf insani kontekstdə Şahbulaq qalası məndə belə bir təəssürat yaratdı.

Ondan sonra Qarabağ xanlarının türbələri olan əraziyə səfər də məni kövrəltdi. Yuxarıda qeyd etdik ki, şəxsiyyətlər tarix yaradır. Əslində, o Şahbulaq, Bayat, Şuşa qalalarını inşa edən bir nəsildən - İbrahimxəlil xandan, Pənahəli xandan söhbət gedir. Yəni onların yaratdığı bu möcüzələrdən, millətimizə miras buraxdığı milli irsdən söhbət gedir. Və insan orada necə özünü fərqli hiss etməyə bilər?! Orada necə emosional olmaya bilər?! Bax bütün bunlar bizə çox möhtəşəm hislər yaşadırdı.

Qələbə sevinci bütün hisslərin fövqündəydi

Mən ilk dəfədir ki, Ağdamda olurdum. Bu da ayrı bir hissdir, əlbəttə. 30 ildir, həsrəti ilə yaşadığımız, ağdamlı, qarabağlı dostlarımızdan eşitdiyimiz xatirələr insanın ürəyində bir yara buraxırdı. Bu yara get-gedə dərinləşirdi. Sağ olsun Müzəffər Ali Baş Komandanımız, var olsun Azərbaycan əsgəri - onların hesabına biz bu gün bax o ürəyimizdəki dərin çat-çat yaraların artıq yavaş-yavaş qaysaq bağladığını görürük.

Amma biz yenə də qəlbimizdəki sızıyla qayıtdıq. O cür möhtəşəm binalar, çörək muzeyi və digər tarixi abidələrimiz dağıdılıb. Çörək muzeyini dağıdanlar ancaq yediyi çörəyə qarşı nankor çıxanlar ola bilər. Ermənilər elə bizim çörəyimizi yeyib bizə qarşı nankorluq edənlərdir. Ancaq bu məsələdə “nankorluq” sözü ən yüngül ifadədir. Eyni zamanda, bir mədəniyyət sarayını, bir məscidi necə dağıtmaq olar?! Bax bütün bunlar, əlbəttə ki, bizdə çox acı hisslər yaradırdı, amma qələbəmizin, torpaqlarımızın azad olunması sevinci bütün hisslərin fövqündəydi.

Erməni vandalizmini dünya ictimaiyyətinə çatdırmaq hər bir media mənsubunun və ictimai fəal fərdin vəzifəsidir

İndiki mərhələdə hər bir media mənsubunun və ictimai fəal fərdin vəzifəsi erməni vandalizmini daha geniş miqyasda dünya ictimaiyyətinin diqqətinə çatdırmaqdır. Ermənilər din pərdəsi arxasında gizləniblər. Həmişə özlərini “mədəni xalq” kimi göstərməyə çalışıblar. Daim qlobal ictimai rəyə azərbaycanlıları “vandal bir xalq” kimi təqdim etməyə çalışıblar. Və biz artıq, əlbəttə, böyük ölçüdə onların bu anti-azərbaycançı, anti-türk informasiya təbliğatının qarşısını ala bilmişik. Baxın Ağdamda olan o görüntülər erməni mənəviyyatının, “erməni mədəniyyəti”nin, erməni faşizminin bariz bir nümunəsidir. Hazırda əlimizdə bax bu cür əyani faktlar var. Biz bunları bacardığımız qədər qlobal ictimai rəyin diqqətinə təqdim etməliyik. Kim hansı dili bilirsə, o dildə, kim hansı sosial platformada aktivdisə, orada, kim hansı media qurumunda işləyirsə, onun vasitəsilə. Biz bu reallıqları daha geniş auditoriyaya çatdırmaq üçün resurslarımızı səfərbər etməliyik.

150-dən çox media mənsubu bəhs olunan səfərdə iştirak edirdi. Onların böyük əksəriyyəti, əslində, bizim elə dünyaya yayılan səsimizdir. Dünyaya informasiya ötürən subyektlərimizdir. Ona görə mən bir daha o səfəri təşkil edənlərə təşəkkür edirəm. Hamımız bu milli məsələdə həmrəylik nümayiş etdirərək erməni vandalizmini bütün dünyaya çatdırmalıyıq.

Milli informasiya siyasətimizin subyektlərinin üzərinə mühüm vəzifə və məsuliyyət düşür

Ən mühüm məsələlərdən biri budur ki, təhrif olunmuş yer adlarımızın qlobal media resurslarında bərpası istiqamətində ardıcıl və məqsədyönlü işlər görməliyik. “Google” axtarış sistemində axtarış apardıqda hələ də Ağdamın adının “Akna”, Şahbulaq qalasının “Tiqranakert” qalası çıxdığını görürük. Qlobal miqyasda ümumi ictimai rəyi formalaşdıran internet resurslarında, vikipediyada və digər belə klassik mənbələrdə təhrif olunmuş məlumatların aradan qaldırılması ilə bağlı ümumi strategiya tətbiq olunmalıdır. Burada milli informasiya siyasətimizin subyektlərinin üzərinə mühüm vəzifə və məsuliyyət düşür. Ümumiyyətlə, hamımız Azərbaycan həqiqətlərini, erməni vandalizmini, tarixi qələbəmizin əhəmiyyətini və nəticələrini dünyaya çatdırmalıyıq. Bu, bizim ümummilli vəzifəmizdir!

Hikmət BABAOĞLU

“Yeni Azərbaycan” qəzetinin baş redaktoru, Milli Məclisin deputatı

Bakı-Ağdam-Bakı

 
  • Oxunub:  3540  |  
  • Tarix:  16-03-2021  |  
  •    Çap et   |  
Azərbaycan və Belarus prezidentlərinin səyləri sayəsində iki ölkə arasında dostluq münasibətləri uğurla inkişaf edir

19 Aprel 19:39
“Din və ideoloji təhlükəsizlik” kitabının onlayn formatda təqdimatı keçirilib
19 Aprel 19:29
Avronest PA-nın 9-cu sessiyası çərçivəsində Enerji təhlükəsizliyi komitəsinin iclası keçirilib
19 Aprel 19:04
Azərbaycan İslam Əməkdaşlıq Təşkilatı ölkələrindən ən çox Türkiyəyə məhsul göndərib
19 Aprel 19:01
Peşə təhsili üzrə “Dərs vaxtı” proqramının aprelin 20-nə olan cədvəli
19 Aprel 19:00
“Dərs vaxtı”nda cədvələ uyğun mövzular təqdim olunub
19 Aprel 18:51
Avronest PA-nın 9-cu sessiyasında sosial məsələlər müzakirə olunub
19 Aprel 18:25
Milli Məclisin deputatları Avronest PA-nın 9-cu sessiyasında iştirak ediblər
19 Aprel 18:19
Sevinc Fətəliyeva: AŞPA-ya üzv dövlətlər minaların xəritəsini Azərbaycana verməsi üçün Ermənistana təzyiqlər etməlidirlər
19 Aprel 18:09
Ərəb KİV-lərində Hərbi Qənimətlər Parkı haqqında məqalə dərc olunub
19 Aprel 17:29
Üçüncü Könüllü Milli Hesabatın ictimai dinləmələri keçirilib
19 Aprel 17:25
Azərbaycan-Belarus əlaqələrinin hazırkı vəziyyəti təhlil olunub
19 Aprel 17:20
Ramazan bayramı ilə əlaqədar iş günlərinə və karantin rejiminə dəyişiklik edilib
19 Aprel 17:18
Təhsil Nazirliyi: Vətən müharibəsi iştirakçılarının ailə üzvləri dövlət ümumi təhsil müəssisələrində işə qəbul olunub
19 Aprel 17:16
Beynəlxalq Abidələr və Tarixi Yerlər Gününə həsr olunmuş videokonfrans keçirilib
19 Aprel 17:05
Hansı ağrıkəsici dərman təhlükə mənbəyidir?
19 Aprel 17:04
Azərbaycanın əsas məqsədi perspektivdə bütün regionun inkişafına nail olmaqdır
19 Aprel 17:00
Azərbaycanda yeni koronavirusa qarşı ikinci mərhələ üzrə peyvənd olunanların sayı 448 min 148 nəfərdir
19 Aprel 16:56
Tibbi ehtiyacların ödənilməsi üzrə işlər davam etdirilir
19 Aprel 16:55
Milli Məclisin deputatı Albaniyada keçiriləcək parlament seçkilərini müşahidə edəcək
19 Aprel 16:40
Azərbaycanda koronavirusa 995 yeni yoluxma faktı qeydə alınıb
19 Aprel 16:11
Milli Məclis sədrinin müavini Vətən müharibəsi dövründə arxa cəbhədə xidmət göstərən şəxslər və fəal gənclər ilə görüşüb
19 Aprel 16:07
Türkdilli Dövlətlərin Əməkdaşlıq Şurasına üzv ölkələrin yüksək vəzifəli nümayəndələri “ASAN xidmət”də
19 Aprel 16:01
Yaz bitkiləri və onların insan orqanizminə faydaları...
19 Aprel 15:57
“Modern Diplomacy”: İkinci Qarabağ müharibəsi Ermənistan üçün ciddi iqtisadi problemlər yaradıb
19 Aprel 15:42
Azərbaycan bütün məsələlərdə konstruktiv mövqe sərgiləyib və beynəlxalq hüququ əsas götürüb
19 Aprel 15:32
Baş infeksionist: O zaman rahat olacağıq ki, yoluxma hallarının sayı kəskin azalacaq və epidemik proses qırılacaq
19 Aprel 15:22
Azərbaycan əsasən hansı ölkələrə qeyri-neft məhsulları ixrac edir?
19 Aprel 15:15
Üç ayda Gürcüstanla Azərbaycanın ticarət dövriyyəsi 250,2 milyon dollar olub
19 Aprel 15:06
Paytaxtda və regionlarda dayanma-durma və parklanma qaydalarını pozan sürücülərə qarşı mübarizə tədbirləri davam etdirilir
19 Aprel 14:52
Vergi Xidmətinin nümayəndələri IOTA-nın Baş Əlaqələndiricilər Forumunda iştirak ediblər
19 Aprel 14:48
ANAMA: İşğaldan azad olunmuş ərazilərdə ötən həftə piyada əleyhinə 115, tank əleyhinə 63 mina aşkarlanıb
19 Aprel 14:42
Sabah bəzi bölgələrdə 30° isti olacaq
19 Aprel 14:41
ICESCO Beynəlxalq Abidələr Günündə İslam İrsi aylığı elan edib
19 Aprel 14:38
Avropa çempionatı: Əli Rəhimzadə startda erməni güləşçini məğlub edib
19 Aprel 14:33
Prezident İlham Əliyev xalqın xilaskarı kimi adını tarixə yazdı
19 Aprel 14:12
Gündə 3 ədəd xurma yeməyin faydası...
19 Aprel 13:55
AŞPA-nın yaz sessiyası işə başlayıb
19 Aprel 13:54
“ƏDV geri al” layihəsi çərçivəsində istehlakçılara 60,2 milyon manat geri qaytarılıb
19 Aprel 13:42
“Ağıllı şəhər” və “Ağıllı kənd” konsepsiyasının hazırlanması ilə əlaqədar İşçi qrup yaradılıb
19 Aprel 13:39
YAP Suraxanı rayon təşkilatının nümayəndələri şəhid Rüfət Əsgərovun ailəsini ziyarət ediblər
19 Aprel 13:34
YAP Samux rayon təşkilatında “Nizami Gəncəvi ili” adlı tədbir keçirilib
19 Aprel 13:32
Azərbaycanın əməkdaşlıq və tərəfdaşlıqla bağlı təşəbbüsləri tarixi fürsət kimi dəyərləndirilməlidir
19 Aprel 13:12
Vətən müharibəsində əldə olunmuş Qələbə effektiv ordu quruculuğu siyasətinin və iqtisadi inkişafın nəticəsidir
19 Aprel 12:56
Bahar Muradova: Azərbaycanda həssas qrupdan olan insanlara xüsusi diqqət və qayğı göstərilir
19 Aprel 12:41
“The Guardian” YAP-la bağlı məqaləsinə müsbət dəyişiklik etdi
19 Aprel 12:41
Ağcabədidə bir neçə yolun yenidən qurulması işləri sonuncu mərhələ üzrə davam edir
19 Aprel 12:30
Bakı Limanının yük dövriyyəsi artıb
19 Aprel 12:29
Azərbaycanda Qeyri-Hökumət Təşkilatlarına Dövlət Dəstəyi Agentliyi yaradılır
19 Aprel 12:17
Azərbaycan regionun lideri olaraq mühüm təşəbbüslərlə çıxış edir
19 Aprel 12:11
Azərbaycanın Vətən müharibəsində əldə etdiyi qələbə ölkəmizin və bütün regionun sürətli inkişafı üçün zəmin yaradıb
19 Aprel 12:09
Azərbaycan Prezidentinin ADA Universitetində keçirilmiş beynəlxalq konfransdakı çıxışı dünya mediasının gündəmində
19 Aprel 11:33
Hərbi Qənimətlər Parkı ordumuzun gücünün göstəricisidir
19 Aprel 11:32
Prezident İlham Əliyev yenidən qurulan “Hövsan” və “Maştağa” yarımstansiyalarının açılışını edib
19 Aprel 10:35
Müdafiə Nazirliyi Füzuli rayonunun Sərdarlı kəndinin videogörüntülərini paylaşıb - VİDEO
19 Aprel 10:16
Ombudsman Səbinə Əliyeva 3-cü “Fərqli Fərdlər” Konqresində iştirak edib
19 Aprel 10:12
ÜST: Dünyada koronavirusdan ölənlərin sayı 3 milyonu ötüb
18 Aprel 20:23
“YAŞAT” Fondunun əməkdaşları respublika üzrə 2 min 881 şəhid ailəsini ziyarət ediblər
18 Aprel 18:40
Nərgiz Hacıyeva: Artıq 200 hərbi qulluqçuya və şəhid ailələrinə psixoloji yardım göstərilib
18 Aprel 17:44
Bu gün koronavirus infeksiyasına qarşı 12 min 327 doza vaksin vurulub
18 Aprel 17:23
Azərbaycanda koronavirusa 2 min 144 yeni yoluxma faktı qeydə alınıb
18 Aprel 15:15
İstanbulun Taksim meydanında inşa edilən məscid Ramazan bayramınadək ibadətə açılacaq
18 Aprel 15:04
Nizami Gəncəvi Beynəlxalq Mərkəzinin İdarə Heyətinin XIX toplantısı keçirilib
18 Aprel 13:25
Azərbaycanın Vətən müharibəsində hərbi-diplomatik və tarixi Qələbəsini reallaşdıran müdrik dövlət xadimi
18 Aprel 12:05
Yaxın gələcəkdə azərbaycanlı hemofiliyalı uşaqların sağlam böyümək şansları daha da artacaq
18 Aprel 12:00
Ağdamda qoyun otaran şəxs minaya düşüb, bir ayağı amputasiya edilib
18 Aprel 11:55
Azərbaycan XİN 18 aprel - Beynəlxalq Abidələr və Tarixi Yerlər Günü ilə əlaqədar bəyanat yayıb
18 Aprel 11:49
Müdafiə Nazirliyi Qubadlı rayonunun Tarovlu kəndinin videogörüntülərini paylaşıb - VİDEO
18 Aprel 11:42
Uels milli komandasının nümayəndə heyəti Bakıda səfərdə olub
18 Aprel 11:38
“Yaşıl Marafon” layihəsi çərçivəsində Bakıda ağacəkmə aksiyası keçirilib
18 Aprel 11:35
Rəcəb Tayyib Ərdoğan: 2021-ci ili ölkəmiz və millətimiz üçün bir şahlanma ilinə çevirəcəyik

Video

 
»»»
 

»»»
ARXİV
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
HAVA HAQQINDA