Radikallar qarşı-qarşıya
23.08.2013 [09:11]
Mübariz Abdullayev
Onları “birləşdirən” və ayıran səbəblər konyuktur maraqlardan, ambisiyalardan qaynaqlanır
AXCP, “Müsavat”, ACP, ALP kimi radikal müxalifət partiyaları, qondarma “El” hərəkatı və bu qəbildən olan digərləri eyni düşərgəni paylaşsalar da, onların arasında kəskin, bir çox hallarda isə antaqonist xarakter daşıyan ziddiyyətlər var. Radikalların qarşılıqlı münasibətləri barədə düşünərkən, yada ilk növbədə, rus yazıçısı Krılovun məşhur təmsili düşür. O, mənada ki, Əli Kərimli, İsa Qəmbər, Rəsul Quliyev, Eldar Namazov və digərləri heç vaxt arabanı eyni istiqamətə çəkmək istəməyiblər. Yəni, radikallar arasında səngimək bilməyən, mühüm ictimai-siyasi hadisələr ərəfəsində daha da qızışan ixtilafları müxtəlif istiqamətlərdə təhlil etmək mümkündür.
Radikalları üz-üzə qoyan səbəblər hansılardır?
İlk baxışda təzadlı səslənsə də, deyək ki, radikalları ayıran və “birləşdirən” səbəblər eynidir. Bu səbəblər konyuktur maraqlardan qaynaqlanır. Daha dəqiq desək, müxtəlif partiyalar və onların təmsilçiləri “it yiyəsini tanımayan” radikal düşərgəyə hansısa ümumi məqsədlər naminə deyil, sırf korporativ maraqlar, ambisiyalar üzündən qatılıblar. Buna görə də, onların çabalamaları da dağıdıcı düşərgədə rəqiblərdən bir baş üstün mövqeyə yüksəlməyə və beləliklə də, əllərinin imtiyazlara (oxu: pozuculuq əməllərinin müqabilində xaricdəki antimilli dairələrdən ayrılan qrantlara, ianələrə-M.A.) daha gen-bol çatmasının təmin olunmasına xidmət edir. Bu məqsəd radikal düşərgə təmsilçilərinin kredosuna çevrilib, desək, əsl həqiqəti ifadə etmiş olarıq. Əslində, bunu radikalların özləri də etiraf edirlər. Məsələn, Müsavat Partiyasının üzvü olan Adil Qeybulla mətbuata verdiyi açıqlamasında açıq mətnlə vurğulayıb: “Müxalifətin birləşməsi” ifadəsi öz-özlüyündə absurd ifadədir. Çünki Azərbaycan müxalifətinin içərisində siyasi oriyentasiyası müxtəlif olan qüvvələr var. Bunların birliyi yalnız konyuktur məqsəd daşıya bilər. Konsensusun olmadığı, psixoloji fərqlərin olduğu, siyasi oriyentasiyaların fərqli olduğu, şəxsi münasibətlərin kifayət qədər ziddiyyətli, nifrət həddində olduğu bir yerdə hansı perspektivdən danışmaq olar?”
Əzəli rəqiblərin yeni düşmənçiliyi
“Milli şura”da özlərini radikal düşərgənin əsas güc mərkəzləri sayan AXCP və “Müsavat” arasında yaşanan gərginliyi məhz belə xarakterizə etmək mümkündür. Hər iki partiya bundan əvvəl “İctimai palata” və bu kimi digər qondarma qurumlarda sərgilədikləri “mehriban düşmənçilik” siyasətini indi də “Milli şura”da davam etdirirlər. Fərq ondadır ki, qarşıdan gələn seçkilər öncəsi “cəbhəçilər”lə “müsavat”çıların münasibətləri bir qədər də korlanıb və onlar arasında çəkişmələr daha şiddətli xarakter alıb.
AXCP ilə “Müsavat” arasında qovğaların yeni mərhələsi hər iki partiya rəhbərinin-Əli Kərimlinin və İsa Qəmbərin qondarma qurumun “vahid namizəd”liyinə iddialarda bulunmalarından qaynaqlanır. Cari seçki marafonuna bir-birlərinə yönəlik “şaxta baba” və “yolka bəzəyən” atmacaları ilə start verən “cəbhəçilər” və “müsavat”çılar iddialarında çox israrlıdırlar. “Milli şura”nın üzvü olmasına və dildə “mən də qurumun “vahid namizəd”ini dəstəkləyirəm” deməsinə rəğmən, İsa Qəmbər namizədlik iddiasından geri çəkilmir. Radikallar arasında “cəncəl”, “ortaya başıpozuqluq salan” xarizması ilə tanınan İsa Qəmbərin namizədlik iddiasından geri çəkilmək məsələsini Rüstəm İbrahimbəyov Vətənə dönənə və namizədliyini qeydə aldıranadək “dondurması” ondan xəbər verir ki, “Müsavat”ın başqanı namizədlik üçün sözün əsl mənasında sinə sürtür. Düzdür, İsa Qəmbər tez-tez “gəlin “Milli şura”ya ehtiyat “vahid namizəd” tapaq” deyir. Ancaq onun bu canfəşanlığı kənardan “Rüstəm İbrahimbəyov gəlmirsə, heç gəlməsin, mən hazır namizəd varam” istəyi kimi görünür. Şübhə yoxdur ki, “Milli şura”nın növbəti toplantısında kimsə dilucu onun ehtiyat “vahid namizəd”liyindən danışsa, “Müsavat”ın başqanı bu təklifə heç bir təvazökarlıq jesti etmədən ikiəlli “hə” deyəcək.
Lakin bəri başdan demək mümkündür ki, bu baş verməyəcək. Çünki İsa Qəmbərin qarşısında, necə deyərlər, AXCP kötüyü var. Partiyanın sədri Əli Kərimlidən zorən namizəd düzəltmək xülyalarından hələ də vaz keçməyən “cəbhəçilər”in rəqibin qondarma “Milli şura” daxilində olsa belə, üstün mövqeyə çıxmasına imkan verməyəcəkləri şübhəsizdir. Əli Kərimlinin təhriki ilə qondarma qurumda İsa Qəmbəri gözdənsalma kampaniyasına start verilməsi, ona qarşı koalisiya yaradılması deyilənlərin təsdiqidir.
“Müsavat” iki “cəbhədə” döyüşür
“Milli şura”da Əli Kərimlinin təhriki ilə İsa Qəmbərə və bütövlükdə “Müsavat”a qarşı formalaşan koalisiyada radikal düşərgədə baş verənləri okeanın o tayından izləyən Rəsul Quliyevin lideri olduğu ACP xüsusi fəallıq nümayiş etdirir. “Müsavat”ın başqanına pataloji nifrətini heç vaxt gizlətməyən Rəsul Quliyev İsa Qəmbərin namizədlik iddiasında dirəniş göstərməsinə ən sərt şəkildə münasibət sərgiləyərək onun prezidentlik keyfiyyətlərinə malik olmadığını dilə gətirib. İsa Qəmbər ACP liderinin ona qarşı apardığı əks təbliğatı “yaramazlıq” kimi səciyyələndirib. Bundan sonra, necə deyərlər, döyüş meydanına partiyaların funksionerləri atılıblar. Tərəflər mətbuat səhifələrində bir-birlərini ardı-arası kəsilmədən “buqələmun”, “parazit”, “baş mafioz” ifadələrinə “qonaq” edirlər. “Müsavat”ın funksioneri Mustafa Hacıbəyli ACP liderinin İsa Qəmbərə səslənmələrinə belə cavab verib: “Rəsul Quliyev o qədər savadsızdır ki, savadsız olduğunu özü də dərk etmir”.
Rəsul Quliyevin son günlərdə mətbuatda yayılan müraciəti isə, heç şübhəsiz ki, ACP-“Müsavat” münasibətlərinin kəskinləşməsində yeni səhifə açacaq. “Müsavat”ın başqanını “öz namizədliyinin davasını aparmaqda” qınayan, onu “oyunbaz” adlandıran Rəsul Quliyev sonda daha kəskin ittiham səsləndirir: “Yeni Müsavat” qəzeti vasitəsilə İsa Qəmbər demokratik qüvvələrə böyük təxribat hazırlayır”.
Radikal düşərgədə yeni böhran
Qondarma “Milli şura”nın sessiyasında Rüstəm İbrahimbəyova etimad limitinin tükənməsi kimi dəyərləndirilən ehtiyat “vahid namizəd” müəyyənləşdirilməsi ilə bağlı çıxarılan qərar radikallar arasında yeni böhrana rəvac verib. Bu məsələdə də təmsilçilərin mövqeləri haçalanır.
Bəzi partiyalar ehtiyat “vahid namizəd” ideyasını təqdir edirlər. Müsavat Partiyası Mərkəzi İcra Aparatının rəhbəri Arif Hacılı “Milli şura”nın avqustun 21-də keçirilən toplantısında qəbul olunan qərara münasibət bildirərkən deyib ki, əldə olunan razılaşmaya görə, Rüstəm İbrahimbəyovun ikili vətəndaşlıqla bağlı problemi avqustun 26-da həll oluna bilər. Əgər həll olmayacaqsa, ayın 26-da “Milli şura” ehtiyat “vahid namizəd” məsələsi ilə bağlı qərar qəbul edəcək. Və razılaşma əldə olundu ki, bu qərara qarşı əks təbliğat aparılmasın: “Baxmayaraq ki, seçkiyə az qalıb. Biz bu ağır şərtlə kompromisə getməli olduq. Əminəm ki, bu qərar imzatoplama və digər seçki prosedurlarında xeyli maneə yaradacaq”.
Əslində, “Müsavat”ın “Milli şura”da bu qədər kompromislərə getməsinin özü çox şübhəlidir. İsa Qəmbər burada nə isə bir biclik işlətmək istəyir. Onun Ə.Kərimli, E.Namazov və E.Quliyev kimi siyasi diletantların nazı ilə oturub-durması elə-belə məsələ deyil. Amma bir şey dəqiqdir ki, o, “tülkü həccə gedir” sayağı “Milli şura”nın üzvlərini torbaya yığmağa çalışır. Lakin necə və nə cür, bunu onun özü yaxşı bilir və yəqin ki, bu məsələdən yaxın vaxtlarda hamı xəbərdar olacaq.
“Milli şura”nın ən azı 4 təsisçisi isə sözügedən qərara qarşıdır. “El” hərəkatının rəhbərlərindən biri olan Zəfər Quliyev deyib ki, onun təmsil olunduğu təşkilatın üzvlərinin 99 faizi ehtiyat “vahid namizəd” təklifini dəstəkləmir. “El” hərəkatı “Milli şura”nin cəmi 1 səs üstünlüyü ilə qəbul olunan məlum qərarına qarşıdır. Z.Quliyev deyib ki, onlar ACP, ALP və KXCP ilə də əlaqə saxlayıblar və bu 4 təşkilat yeni “vahid namizəd” mövzusunda ortaq qərar veriblər: “Biz Rüstəm İbrahimbəyovun “vahid namizəd”liyini dəstəkləyirik. Hesab edirik ki, “Milli şura”nin məlum qərarı yanlışdır və buna görə də, həmin qərarın həyata keçməsi yönündə hər hansı bir addıma dəstək verməyəcəyik”.
Yeri gəlmişkən, “Azadlıq” qəzetinin əməkdaşı Elnur Astanbəyli də “Milli şura” daxilində yaranan yeni böhranla əlaqədar fikir ifadə edib. O, “Azadlıq” radiosuna müsahibəsində bildirib: “Milli şura”da olan 5-6 partiyanın birləşərək toplantı keçirməsi absurddur. Digər “Milli şura” üzvlərinin kənarda saxlanılaraq keçirilən bu görüş kifayət qədər şübhələr yaradır”.
O, qeyd edib ki, “Milli şura”da ikinci “vahid namizəd”in seçilməsinə qarşı çıxan dörd partiyadan üçünün rəhbəri - Rəsul Quliyev, Lalə Şövkət, Eldar Namazov vaxtı ilə hakimiyyət mövqeyində yer tutublar. Bu gün onların belə qərar vermələri, yalnız İbrahimbəyovu dəstəkləmələri təsadüfdürmü? Bu suala da onlar cavab verməlidirlər”.
Zamin Hacı isə bildirib: “Bir az ümid “Milli şura”yadır. Onun da odu sönüb, külü qalıb. Üfürürük, o da olmur”.
Əslində, Elnur Astanbəyli tam haqlıdır. Məsələyə ciddi yanaşsaq, necə olur ki, Köçəri Nağıbəyli, Zəfər Quliyev, vəzifələrindən qovulmuş Rəsul Quliyev, Eldar Namazov və s. ünsürlər “Milli şura”da təmsil olunurlar, amma gecəsini gündüzə çevirib müxalifət qəzetlərində palaz-palaz məqalələr yazan Elnur Astanbəyli yox. Elə bunun özü böyük ədalətsizlikdir. Zamin Hacıya da məsləhət görürük ki, özünün dediyi kimi, “Milli şura”nın sönmüş odunu üfürməkdən əl çəksin.
Müəllifin digər məqalələri:
Qubad İbadoğlunun növbəti manipulyasiyası
Faktları təhrif etmək, ucuz manipulyasiya...
26.06.2021 [08:29]
Terrorçu Ermənistanın müharibə cinayətləri və beynəlxalq ictimaiyyətin məsuliyyəti
Bu günlərdə ötən il 44...
09.06.2021 [09:29]
Qubad İbadoğlu faktları təhrif etməyə çalışır
Xeyli vaxtdır ki, okeanın o tayında...
03.06.2021 [08:53]
Qubad İbadoğlu yalan danışmaqda bütün sərhədləri aşır
Xaricdəki antimilli mərkəzlərin...
08.05.2021 [08:39]
Qubad İbadoğlu reallıqları təhrif etməyə çalışır
Radikal müxalifət düşərgəsində...
28.04.2021 [09:40]
Xəbər lenti
Hamısına bax
Xəbər lenti
20 Aprel 14:22
Sosial
20 Aprel 14:19
Xəbər lenti
20 Aprel 14:14
Siyasət
20 Aprel 13:18
Xəbər lenti
20 Aprel 13:15
Xəbər lenti
20 Aprel 12:54
Xəbər lenti
20 Aprel 12:24
Dünya
20 Aprel 12:22
Mədəniyyət
20 Aprel 11:50
Maraqlı
20 Aprel 11:40
Ədəbiyyat
20 Aprel 11:30
Xəbər lenti
20 Aprel 11:20
Analitik
20 Aprel 11:10
Siyasət
20 Aprel 11:00
Xəbər lenti
20 Aprel 10:55
MEDİA
20 Aprel 10:50
Siyasət
20 Aprel 10:45
Xarici siyasət
20 Aprel 10:40
Siyasət
20 Aprel 10:35
İqtisadiyyat
20 Aprel 10:30
Siyasət
20 Aprel 10:20
Gündəm
20 Aprel 10:10
Siyasət
20 Aprel 10:00
Xəbər lenti
20 Aprel 09:50
Xəbər lenti
20 Aprel 09:48
Xəbər lenti
20 Aprel 09:45
Xəbər lenti
19 Aprel 21:21
Xəbər lenti
19 Aprel 20:54
Dünya
19 Aprel 20:00
Xəbər lenti
19 Aprel 17:58
YAP xəbərləri
19 Aprel 17:44
Xəbər lenti
19 Aprel 17:38
Siyasət
19 Aprel 17:35
Xəbər lenti
19 Aprel 17:33
Gündəm
19 Aprel 17:29
Xəbər lenti
19 Aprel 17:10
Xəbər lenti
19 Aprel 16:45
Xəbər lenti
19 Aprel 16:25
Xəbər lenti
19 Aprel 15:48
Xəbər lenti
19 Aprel 15:44
Siyasət
19 Aprel 15:41
Xəbər lenti
19 Aprel 15:19
Xəbər lenti
19 Aprel 15:00
Xəbər lenti
19 Aprel 14:44
Xəbər lenti
19 Aprel 14:12
Xəbər lenti
19 Aprel 13:43
Dünya
19 Aprel 13:42
Xəbər lenti
19 Aprel 13:38
Xəbər lenti
19 Aprel 13:37
Xəbər lenti
19 Aprel 13:36
Xəbər lenti
19 Aprel 12:35
Xəbər lenti
19 Aprel 12:23
Dünya
19 Aprel 12:21
Xəbər lenti
19 Aprel 12:20
Xəbər lenti
19 Aprel 12:19
Xəbər lenti
19 Aprel 12:06
Xəbər lenti
19 Aprel 11:36
Xəbər lenti
19 Aprel 11:30
Ədəbiyyat
19 Aprel 11:18
Xəbər lenti
19 Aprel 11:07
Sosial
19 Aprel 11:00
Xəbər lenti
19 Aprel 10:55
Maraqlı
19 Aprel 10:54
Sosial
19 Aprel 10:50
Mədəniyyət
19 Aprel 10:45
Sosial
19 Aprel 10:40
İqtisadiyyat
19 Aprel 10:35
İqtisadiyyat
19 Aprel 10:32
MEDİA
19 Aprel 10:30
Xəbər lenti
19 Aprel 10:29
