Ana səhifə »  Siyasət »  Azərbaycan və Türkiyə 2023-cü ilədək ticarət dövriyyəsinin həcmini 15 milyard dollara çatdırmaq əzmindədir
A+   Yenilə  A-
Azərbaycan və Türkiyə 2023-cü ilədək ticarət dövriyyəsinin həcmini 15 milyard dollara çatdırmaq əzmindədir

Prezident İlham Əliyev: Bizim üstünlüyümüz ondadır ki, həm xalqlar, həm liderlər bir yerdədir, bir-birinə qardaş deyir
Xəbər verildiyi kimi, cari il fevralın 19-da Ankarada İqtisadi Əməkdaşlıq üzrə Azərbaycan-Türkiyə Hökumətlərarası Komissiyanın iclası keçirilib. Azərbaycan Respublikasının Baş naziri Əli Əsədovun və Türkiyə Respublikasının vitse-prezidenti Fuat Oktayın iştirakı ilə keçirilən iclasın gündəliyi kifayət qədər geniş olub. Tədbirdə qarşılıqlı əməkdaşlığa dair geniş müzakirələr aparılıb və bir sıra sənədlər imzalanıb. İclasda imzalanan sənədlərin, o cümlədən də 138 maddədən ibarət Protokolun ölkələrimiz arasında əməkdaşlıq əlaqələrinin daha da möhkəmlənməsinə xidmət edəcəyinə əminlik ifadə olunub. Əlamətdar haldır ki, müzakirəyə çıxarılan bütün məsələlərdə tərəflərin mövqeyi tam üst-üstə düşüb. Bu da onunla bağlıdır ki, həyatın müxtəlif sahələrində uğurla əməkdaşlıq edən hər iki ölkə qarşılıqlı münasibətlərini ən yüksək səviyyəyə çatdırmağı hədəfləyib. Azərbaycan-Türkiyə dostluğu tarixin sınağından çıxıb və əbədiyyətə qədər davam edəcək.
Bu gün dünyada Azərbaycan və Türkiyə qədər bir-birinə yaxın olan digər iki ölkə tapmaq çətindir
Bu gün yüksək səviyyədə olan Azərbaycan-Türkiyə müttəfiqliyi müxtəlif amillərlə şərtlənir. Burada, əlbəttə ki, tarixi amillərin, ortaq keçmişin, dil, din eyniliyinin, milli-mənəvi dəyərlərin, mədəniyyətlərin, məişət və həyat tərzinin hədsiz dərəcədə yaxınlığının rolu böyükdür. Eyni zamanda, hər iki dövlət tarixdən gələn ənənələrin qorunmasına və münasibətlərin dərinləşməsinə yüksək siyasi iradə nümayiş etdirir. Qardaş ölkələr arasında müttəfiqliyin möhkəmlənməsinə göstərilən təşəbbüslər və səylər hər iki tərəfdən gəlir. Bu müttəfiqliyin mahiyyəti hələ XX əsrin əvvəllərində Türkiyənin böyük dövlət xadimi Mustafa Kamal Atatürkün ifadə etdiyi “Azərbaycanın sevinci sevincimiz, kədəri kədərimizdir”, XX əsrin sonlarında isə dünya şöhrətli siyasətçi, böyük dövlət xadimi, Azərbaycan xalqının Ümummilli Lideri Heydər Əliyevin dilə gətirdiyi “Bir millət, iki dövlət” kəlamında ifadə olunub.
Azərbaycan Xalq Cümhuriyyətinin 28 may 1918-ci ildə müstəqilliyini elan etməsi ilə başlayan Türkiyə-Azərbaycan siyasi əlaqələri respublikamız 1991-ci ildə XX yüzillikdə ikinci dəfə müstəqillik qazandıqdan sonra yenidən bərpa olunub. Bu gün iki ölkə arasında siyasi dialoq ən yüksək səviyyəyə yüksəlib. Bunun ifadəsi olaraq Azərbaycan Prezidentinin dövlət başçısı seçildikdən sonra ilk səfərini Türkiyəyə etməsi, eləcə də Türkiyə Prezidentinin dövlət başçısı statusunda ilk səfərini respublikamıza reallaşdırması gözəl bir ənənəyə çevrilib. İki qardaş ölkənin rəhbərləri müntəzəm qaydada qarşılıqlı səfərlər edirlər, ikitərəfli və digər platformalarda davamlı olaraq görüşürlər. Prezident İlham Əliyev Türkiyə Respublikasının Prezidenti Rəcəb Tayyib Ərdoğanın Azərbaycan Respublikasına rəsmi səfəri çərçivəsində 10 dekabr 2020-ci il tarixində sənədlərin imzalanması mərasimindən sonra mətbuata verdiyi Bəyanatında ölkələrimiz arasında siyasi dialoqun yüksək səviyyədə olduğuna diqqət çəkərək vurğulayıb: “Bizim üstünlüyümüz ondadır ki, həm xalqlar, həm liderlər bir yerdədir, bir-birinə qardaş deyir”.
Azərbaycan və Türkiyənin beynəlxalq platformalarda səylərini əlaqələndirmələri və ortaq mövqedən çıxış etmələri, bir-birlərini dəstəkləmələri ölkələrimizin mövqeyini möhkəmləndirir. Qeyd etmək yerinə düşər ki, hazırda Azərbaycan və Türkiyə regional sabitliyin və təhlükəsizliyin təmin olunmasında, Ermənistanın zor tətbiq etməyə, ədalətə və qonşuluq prinsiplərinə məhəl qoyulmamasına əsaslanan siyasətinin qarşısının alınmasında mühüm rol oynayırlar. İki qardaş ölkə Xəzər-Qara dəniz hövzələri regionunun dostluq və əməkdaşlıq məkanına çevrilməsinə böyük səy göstərirlər. Prezident İlham Əliyev bəhs olunan Bəyanatında ölkələrimizi yaxınlaşdıran çoxsaylı amillərdən bəhs edərək vurğulayıb ki, bu gün Türkiyə ilə Azərbaycan birliyi təkcə xalqlarımız üçün deyil, bölgə üçün, dünya üçün çox böyük önəm daşıyır. “Bu gün dünya xəritəsinə baxsaq görərik ki, bizim qədər bir-birinə bağlı olan, bir-birinin hər zaman yanında olan ikinci ölkələr yoxdur. Bizi birləşdirən həm ortaq tarix, din, mədəniyyət, dil, ədəbiyyat, eyni zamanda, bizim siyasətimizdir”, - deyə dövlətimizin başçısı bildirib.
İki ölkə arasında iqtisadi sahədə əməkdaşlıq davamlı olaraq genişləndirilir
Azərbaycan və Türkiyə siyasi dialoqun yüksək səviyyəsinə adekvat olaraq iqtisadi sahədə əməkdaşlığı davamlı şəkildə genişləndirirlər. Məlum olduğu kimi, ötən il Bakıda keçirilmiş Yüksəksəviyyəli Strateji Əməkdaşlıq Şurasının VIII iclasında iki ölkə arasında iqtisadi əməkdaşlığın perspektiv inkişafını özündə ehtiva edən bir sıra qərarlar qəbul olunmuşdu. Həmin qərarlar uğurla icra edilir. Hökumətlərarası Komissiyanın Ankarada baş tutan son iclasında isə sənaye və texnologiya, enerji, müdafiə, mədəniyyət və turizm, nəqliyyat və kommunikasiya, kənd təsərrüfatı və qida təhlükəsizliyi, təhsil, gənclər və idman kimi sahələrdə əməkdaşlıq imkanları müzakirə edilib və bir sıra önəmli qərarlar qəbul olunub. Hökumətlərarası Komissiyanın iclasından sonra keçirilən mətbuat konfransında bildirildiyi kimi, COVID-19 pandemiyasının mənfi təsirlərinə baxmayaraq, Azərbaycan və Türkiyə arasında ikitərəfli ticarət əlaqələri 2020-ci ildə əvvəlki illə müqayisədə 14 faiz artaraq, 4,6 milyard dollara çatıb. Ölkələrimiz qarşıya 2023-cü ilədək ticarət dövriyyəsinin həcmini 15 milyard dollara çatdırmaqla bağlı real hədəf qoyublar. Mətbuat konfransında çıxış edən Azərbaycan Respublikasının Baş naziri Əli Əsədov ölkələrimiz arasında iqtisadi sahədə böyük əməkdaşlıq imkanlarının olduğunu nəzərə çatdıraraq vurğulayıb: “Qarşılıqlı sərmayələrin həcmindən məmnunluğumuzu bildirdik və qarşılıqlı sərmayə qoyuluşu bundan sonra da davam etdiriləcək. Çünki bu yatırımlar xalqlarımızın rifah halını yaxşılaşdırır. Azərbaycan və Türkiyə vətəndaşlarının təkcə şəxsiyyət vəsiqəsi ilə ölkələrimizə sərbəst şəkildə səfər etməsi barədə sənəd təsdiqlənib. Bu addım ölkələrimiz arasında əməkdaşlığın bütün sahələrinin inkişafına yeni nəfəs verəcək, ticarət dövriyyəsinin, sərmayə qoyuluşunun, turist axınının artmasına müsbət təsir göstərəcək”.
Yeri gəlmişkən, fevralın 18-də Ankarada Azərbaycan Respublikasının Baş naziri Əli Əsədovun və Türkiyə Respublikasının vitse-prezidenti Fuat Oktayın rəhbərliyi ilə keçirilən Türkiyə-Azərbaycan Biznes Forumunda da iki ölkə arasında iqtisadi sektora aid müxtəlif istiqamətlərdə əməkdaşlığın uğurla inkişaf etməsindən məmnunluq ifadə olunub. Tədbirdə vurğulanıb ki, bu gün Türkiyə ilə Azərbaycan arasındakı əməkdaşlığın dərinləşməsində Preferensial Ticarət Sazişi mühüm yer tutur. 2019-cu ildə imzalanmış Sazişi artıq Türkiyə parlamenti ratifikasiya edib. Martın 1-dən sənədin qüvvəyə minməsi iki ölkə arasında ticarət əlaqələrinin inkişafına öz töhfəsini verəcək. Mütəxəssislərin qənaətinə görə, Türkiyənin Naxçıvanda ticarət attaşesi təyin etməsi, həmçinin Prezident İlham Əliyevin Sərəncamına uyğun olaraq Azərbaycanın İstanbulda ticarət nümayəndəliyinin təsis edilməsi iqtisadi sahədə əməkdaşlığın daha səmərəli və çevik həyata keçirilməsini təmin edəcək. Biznes Forumda məlumat verilib ki, ötən il pandemiya səbəbindən yaranan çətinliklərə baxmayaraq, mühüm infrastruktur layihəsi olan Bakı-Tbilisi-Qars dəmir yolu xətti ilə daşınan yüklərin həcmi 2 dəfə artıb. Son illər, həmçinin Azərbaycan ərazisindən Türkiyə və Orta Asiyaya, eləcə də əks-istiqamətdə hərəkət edən TIR-ların sayında da əhəmiyyətli artım müşahidə edilib. 2020-ci ildə bu sahədə artım dinamikası 2019-cu illə müqayisədə 74,4 faiz olub. Türkiyə şirkətləri Azərbaycanda indiyədək 400-dən çox layihə həyata keçiriblər. Azərbaycanlı iş adamları da qardaş ölkədə yüksək fəallıq nümayiş etdirirlər. Biznes Forumda bildirildiyi kimi, hazırda Türkiyədə Azərbaycan kapitallı 2 minə yaxın şirkət fəaliyyət göstərir.
Türkiyə şirkətləri işğaldan azad edilən ərazilərdə başlanan bərpa işlərinə öz töhfələrini verirlər
Ötən il sentyabrın 27-dən noyabrın 10-dək davam edən Vətən müharibəsində Azərbaycan tarixi Zəfərə imza atdı. Müzəffər Ali Baş Komandan İlham Əliyevin rəhbərliyi ilə döyüşən Silahlı Qüvvələrimiz 44 gün ərzində düşmənin hərbi birləşmələrini bütünlüklə tar-mar etdi. Müharibədə qazanılan şanlı qələbə sayəsində ölkəmizin ərazi bütövlüyü təmin olundu.
Azərbaycanın Vətən müharibəsində şanlı qələbəsinin təmin olunmasında dost ölkələrin, o cümlədən də Türkiyənin mənəvi və siyasi dəstəyi mühüm rol oynadı. Qardaş ölkə müharibənin ilk günlərindən respublikamızın yanında olduğunu bildirdi. Bu, dünyaya, işğalçı Ermənistanın havadarlarına bir mesaj idi ki, Azərbaycan apardığı haqq davasında tək deyil. Eyni zamanda, Türkiyənin mənəvi və siyasi dəstəyi Azərbaycanın özünəinam hissini artırdı. Prezident İlham Əliyev 31 dekabr 2020-ci il tarixində Türkiyə Respublikasının Milli Müdafiə naziri Hulusi Akarın başçılıq etdiyi nümayəndə heyətini qəbul edərkən qardaş ölkənin Vətən müharibəsində respublikamıza dəstəyini yüksək dəyərləndirərək vurğulayıb: “Əlbəttə ki, Vətən müharibəsi Türkiyə-Azərbaycan əlaqələrini daha da möhkəmləndirdi və sizin iştirakınızla, əziz qardaşımın iştirakı ilə keçirilmiş hərbi parad bunu bir daha göstərdi. Siz gördünüz ki, bu, nə qədər böyük sevincə, coşquya səbəb oldu, on minlərlə, yüz minlərlə insan küçələrə axışdı və bizim Azərbaycan və türk əsgərlərini qarşıladı. Bu, bizim birliyimizin nümunəsidir”.
44 günlük Vətən müharibəsinin başa çatmasından az vaxt ötməsinə baxmayaraq, artıq işğaldan təmizlənən ərazilərdə bərpa işlərinə başlanılıb. Məlum olduğu kimi, mənfur düşmən üç onillik ərzində işğal altında saxladığı ərazilərimizdə ağlasığmaz vandalizm əməlləri törədib. Azərbaycan düşməndən təmizlənən ərazilərə əsl sahiblik hissi nümayiş etdirir və dağıdılmış yaşayış məskənlərimizi dirçəltmək əzmindədir. Qardaş Türkiyə bərpa prosesində də Azərbaycanın yanındadır. Türkiyə şirkətləri Vətən müharibəsində işğaldan azad edilən ərazilərdə başlanan bərpa işlərinə öz töhfələrini verirlər. Prezident İlham Əliyev bəhs olunan qəbulda qardaş ölkənin şirkətlərinin işğaldan azad edilən ərazilərimizdə başlanan bərpa işlərinə qoşulmalarından məmnunluğunu bildirərək “Artıq bərpa işləri başlandı, ilkin kontraktlar imzalandı. Şadam ki, ilkin tərəfdaşlarımız yenə də türk şirkətləridir. Onlar bizim üçün önəmli infrastruktur layihələrini artıq icra etməyə başlamışlar”, - deyə vurğulayıb.
Qeyd edək ki, Türkiyə şirkətləri Füzuli-Şuşa avtomobil yolunun tikintisinə cəlb olunublar. Onlar bəhs olunan layihənin icrasında Azərbaycan şirkətləri ilə birlikdə çalışırlar. Bir sıra digər layihələrin icrasında da qardaş ölkənin şirkətlərinin iştirakı təsdiqlənib. O cümlədən Kəlbəcərə yolun və tunellərin çəkilməsi Türkiyə şirkətlərinin iştirakı ilə həyata keçiriləcək.
Mübariz ABDULLAYEV

 
  • Oxunub:  3000  |  
  • Tarix:  23-02-2021  |  
  •    Çap et   |  
Prezident İlham Əliyev: Dövlət şəhid ailələri, müharibə əlilləri üçün əlindən gələni edir

07 Mart 16:42
Müdafiə Nazirliyi Ağdam rayonunun Suma kəndindən videogörüntülər yayıb - VİDEO
07 Mart 16:35
Azərbaycanda sutka ərzində koronavirusa 403 nəfər yoluxub
07 Mart 14:27
Dövlət Neft Fondu beynəlxalq arenada şəffaf imicə malik quruma çevrilib
07 Mart 14:17
Azərbaycanın rayonlarında hava şəraitinin arabir yağıntılı olacağı gözlənilir
07 Mart 13:17
YAP sözün əsl mənasında ümumxalq partiyasıdır
07 Mart 12:46
Sevinc Fətəliyeva: Yeni Azərbaycan Partiyasının VII qurultayı ölkəmizin ictimai-siyasi həyatında çox mühüm hadisədir
07 Mart 11:16
Müdafiə Nazirliyi Füzuli rayonunun Qarakollu kəndindən videogörüntülər yayıb - VİDEO
07 Mart 11:07
Ülviyyə Həmzəyeva: Yeni Azərbaycan Partiyası yeni inkişaf mərhələsinə qədəm qoyub
07 Mart 11:01
Müzəffər Azərbaycan Ordusu tarix yazdı
07 Mart 10:55
Azərbaycanın Qoşulmama Hərəkatına sədrliyi çərçivəsində COVID-19 peyvəndinə bərabər çıxışın təmin olunmasına dair sənəd qəbul olunub
07 Mart 10:50
6 siyasi partiyanın YAP-a qoşulmaq təşəbbüsü milli həmrəylik müstəvisində qiymətləndirilməlidir
06 Mart 22:31
Xarici diplomatlar və hərbi attaşelər Laçında “Güləbird” Su Elektrik Stansiyası ilə tanış olublar
06 Mart 22:21
Erməni vandalları Azərbaycanın təbiətinə ciddi ziyan vurub, ekoloji terror törədiblər
06 Mart 22:14
Diplomatik korpusun rəhbərləri Qubadlı rayonuna səfər ediblər
06 Mart 21:56
Azərbaycan Prezidentinin prinsipial mövqeyi hərb və diplomatiya meydanında olduğu kimi, informasiya məkanında da uğurlarımızı şərtləndirirdi
06 Mart 20:50
"Bu zəfər bütün türk dünyasının qələbəsidir"
06 Mart 18:58
YAP zamanın sınaqlarından çıxmış, xalqın etimadını layiqincə doğrultmuş partiyadır
06 Mart 18:10
Deputat: Altı siyasi partiyanın YAP-a qoşulması milli və siyasi həmrəyliyin nümunəsidir
06 Mart 18:02
Rüstəm Orucov cüdo üzrə “Böyük dəbilqə” turnirində bürünc medal qazanıb
06 Mart 17:57
Yeni Azərbaycan Partiyasının VII qurultayının keçirilməsi Azərbaycanda və regionda yaranmış yeni reallıqlarla bağlıdır
06 Mart 17:54
Azərbaycanda sutka ərzində koronavirusa 353 nəfər yoluxub
06 Mart 17:53
Mövlud Çavuşoğlu: Türkmənistan, Azərbaycan və Türkiyə İpək yolunun canlandırılmasında aparıcı rol oynayır
06 Mart 16:38
Azərbaycan Respublikası İqtisadi Şurasının növbəti iclası keçirilib
06 Mart 16:35
Azərbaycan İqtisadi Əməkdaşlıq Təşkilatı çərçivəsində əməkdaşlığa böyük önəm verir
06 Mart 16:30
YAP-ın qurultayı ölkəmizdə yaranan milli birlik və həmrəyliyin təzahürüdür
06 Mart 16:21
Ali Məhkəmədə informasiya texnologiyalarının daha geniş tətbiqi məqsədilə elan verilib
06 Mart 16:19
Türkiyənin xarici işlər naziri Türkmənistanda səfərdədir
06 Mart 16:17
Misir portalı Azərbaycandakı diplomatik korpusun nümayəndələrinin işğaldan azad edilmiş rayonlara səfərindən yazıb
06 Mart 16:15
“Azərbaycan Dəmir Yolları” QSC-nin “2030 Korporativ Strategiya”sına dair növbəti müzakirələr aparılıb
06 Mart 16:09
Dövlət Neft Fondu dünyanın ən şəffaf suveren fondları siyahısında ilk beşlikdə qərarlaşıb
06 Mart 15:28
Aparıcı iqtisadi-maliyyə institutları və reytinq mərkəzləri Azərbaycandakı sistemli iqtisadi siyasəti, islahatları yüksək qiymətləndirir

06 Mart 15:03
“Siyasi dialoqda qadınların rolu” mövzusunda görüş keçirilib

06 Mart 14:43
Deputat: “Prezidentin məruzəsi bütün partiya üzvləri üçün yeni vəzifələr müəyyənləşdirdi”
06 Mart 13:55
Vətən müharibəsində Qələbə Azərbaycan qadınının gənc nəsli vətənpərvərlik ruhunda tərbiyə etdiyini təsdiqlədi
06 Mart 13:21
Prezident Rəcəb Tayyib Ərdoğan 2021-ci ili Türkiyədə “Məhməd Akif və İstiqlal marşı ili” elan edib
06 Mart 12:53
Tacikistan portalı Ermənistanın üçtərəfli Bəyanata zidd əməlindən yazır
06 Mart 12:52
Britaniyanın “The Telegraph” saytı: Azərbaycanlılar Qarabağa qayıtmağı səbirsizliklə gözləyirlər
06 Mart 12:51
Qubadlı rayonu ərazisində DSX-nin Hərbi Xəstəxanası və Mühəndis-İstehkam Mərkəzi fəaliyyətə başlayıb
06 Mart 12:48
Azərbaycan islami dəyərlərin və türk dünyasının maraqlarının təmin olunduğu beynəlxalq məkandır
06 Mart 12:09
Liviyanin müvəqqəti işlər vəkili: Qarabağdakı erməni vəhşiliyinin misli-bərabəri yoxdur
06 Mart 12:08
Müdafiə Nazirliyi Zəngilan rayonunun Qaradərə kəndinin videogörüntülərini yayıb - VİDEO
06 Mart 11:38
Xarici diplomatlar və hərbi attaşelər Füzuli rayonunun işğaldan azad olunmuş Merdinli kəndində olublar
06 Mart 11:33
YAP ümumxalq partiyası olaraq, ölkəmizdə milli həmrəyliyin yeni inkişaf mərhələsinin təcəssümünə çevrilir
06 Mart 11:31
Prezident İlham Əliyev 8 Mart - Beynəlxalq Qadınlar Günü münasibətilə Azərbaycan qadınlarını təbrik edib
06 Mart 10:47
Sabah ilk peşə-ixtisas təhsili müəssisələrinin sonuncu sinfində oxuyan şagirdlər üçün buraxılış imtahanı keçiriləcək
06 Mart 10:42
“Qardaşlığımızı dünyaya göstərdik”
06 Mart 10:38
“Pakistan Beynəlxalq Hava Yolları” Bakıya birbaşa aviareyslərə başlayır
06 Mart 10:37
Diplomatik korpus nümayəndələrinin işğaldan azad edilmiş ərazilərimizə səfəri başlayıb
06 Mart 09:24
“France 24” televiziya kanalı Qarabağda aparılan quruculuq işlərinə dair reportaj yayımlayıb
06 Mart 09:20
Regional və qlobal layihələr İƏT üzvləri başda olmaqla Azərbaycanı bölgənin cazibədar iqtisadi imkanlar məkanına çevirib
06 Mart 09:10
Azərbaycan tolerant və multikultural ölkədir
06 Mart 08:49
Azərbaycandakı diplomatik korpusun nümayəndələrinin Qubadlı və Laçın rayonlarına səfəri təşkil edilib
05 Mart 21:11
Prezident: Böyük Qayıdış proqramı icra olunanda ilk növbədə, ən ağır vəziyyətdə yaşayan köçkünlərə üstünlük verilməlidir
05 Mart 20:42
Prezident İlham Əliyev: Bu il üç minə yaxın şəhid ailəsi və müharibə əlili yeni mənzillər alacaq
05 Mart 20:40
Özbəkistandan Bakı-Tbilisi-Qars dəmir yolu ilə 40 konteyner yola salınıb
05 Mart 20:36
Azərbaycanın xarici işlər naziri Avropa Şurasının Bakı ofisinin rəhbəri ilə görüşüb
05 Mart 20:27
Yeni Azərbaycan Partiyasının Sədri İlham Əliyev partiyanın yeni proqramının hazırlanması barədə tapşırıq verib
05 Mart 19:57
Prezident: Bu gün biz Avropa İttifaqı ilə bərabərhüquqlu saziş üzərində işləyirik və sazişin 90 faizi razılaşdırılıb
05 Mart 19:56
Prezident İlham Əliyev: Biz yeni dövrdə siyasi dialoqu daha da dərinləşdirməliyik
05 Mart 19:50
Canfranko Ravazi: Heydər Əliyev Fondu ilə əməkdaşlığımızın dinlərarası dialoq prizmasından bütün dünyaya nümunə olacağına inanıram
05 Mart 19:50
Azərbaycan daimi nümayəndəliyi Ermənistanın qanunsuz və təxribatçı fəaliyyətlərinə son qoyulması ilə bağlı UNESCO-ya çağırış edib
05 Mart 19:34
Prezident İlham Əliyev: Biz qonşularımızla dostluq münasibətləri qurmasaydıq İkinci Qarabağ müharibəsində çətinliklər ola bilərdi
05 Mart 19:32
Bakıda dünyada ilk tanker-muzey fəaliyyətə başlayır - VİDEO
05 Mart 19:28
Texniki Universitetdə tədbir: Azərbaycan qadını - həyatın əbədi gözəlliyi
05 Mart 19:19
Azərbaycan Ordusu xalqımızın qürur mənbəyidir
05 Mart 19:16
Azərbaycan-Fransa Ticarət və Sənaye Palatasının “İş yerlərində gender müxtəlifliyi” layihəsinə dair memorandum imzalanıb
05 Mart 18:56
Türkiyə Prezidenti ilə Almaniya Kansleri arasında videoformatda görüş keçirilib
05 Mart 18:54
Azərbaycanın tarixi Qələbəsi İƏT çərçivəsində əməkdaşlığın dərinləşməsi üçün də yeni imkanlar yaradıb
05 Mart 18:40
Prezident: Bu gün heç kimdən asılı deyilik, iqtisadi sahədə istənilən meyar üzrə ən qabaqcıl yerlərdəyik
05 Mart 18:38
Qida Təhlükəsizliyi Agentliyi ilə Beynəlxalq Donor təşkilatlarının nümayəndələri arasında görüş keçirilib

Video

 
»»»
 

»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
HAVA HAQQINDA