Heydər Əliyev
yeni azerbaycan logo

Ana səhifə / Əli Kərimlinin xarici dairələrlə əməkdaşlığı ilə bağlı sənəd istintaqa təqdim olunub

Əli Kərimlinin xarici dairələrlə əməkdaşlığı ilə bağlı sənəd istintaqa təqdim olunub

24.02.2013 [14:19]

Pərviz Sadayoğlu

Hürrü Əliyev müraciətində AXCP sədrinin xarici dairələrlə əlaqəsini aşkar edən sənədin olduğunu deyir
Radikal müxalifət düşərgəsinin təmsilçilərinin, bu düşərgədə təmsil olunan partiyaların rəhbərlərinin Azərbaycanın milli maraqlarına qarşı hər zaman xəyanətkar mövqe tutduqları, bəzi şəxsi maraqlar qarşılığında milli mənafeni satmağa hazır olduqları Azərbaycan cəmiyyətində hər kəsə bəllidir. Maraqlıdır ki, onlar tək milli, dövlət və millət maraqlarına münasibətdə deyil, bir-birilərinə qarşı münasibətdə də eyni motivli davranış sərgiləyirlər. Hər zaman guya “birlik” adı altında spekulyasiyalar edən, bununla siyasi gündəmdə qalmağı təmin etməyə çalışan dağıdıcı düşərgənin təmsilçiləri bir növ xəyanəti öz peşələri halına gətiriblər.
Yeri gəlmişkən, eks-prezident Əbülfəz Elçibəyin qardaşı oğlu, “Milli İdeya Naminə” Dövlətçiliyə Dəstək İctimai Birliyinin sədri Hürrü Əliyev KİV-ə və ictimaiyyətə ünvanladığı müraciətində AXCP sədri Əli Kərimli ilə bağlı bəzi məsələləri vurğulayıb. O mənada ki, Hürrü Əliyev müraciətində Əli Kərimlinin Elçibəyə münasibətdə sərgilədiyi mövqe ilə bağlı, o cümlədən, onun partiya daxilində etdiyi əməllərlə bağlı bir sıra faktları açıqlayıb. O, bildirib ki, AXCP-nin indiki rəhbərliyinin tutduğu siyasi kurs tamamilə milli ideologiyadan, vətən, torpaq, xalq düşüncəsindən kənardır və birlik əvəzinə parçalanma mövqeyində durur. Müraciətdə vurğulanır ki, Əli Kərimli Kələkidən Bakı şəhərinə dönəndən sonra, 1995-ci ildən etibarən, Xalq Cəbhəsini dağıtmaq, parçalamaq öhdəçiliyi götürmüşdü. Xalq Cəbhəsinin daxilində həmin dönəmdə guya “islahatçılar” qanadı adı altında, yəni, “Yurd”çular Xalq Cəbhəsində təmsil olunan əsl vətənpərvər, hərəkatçı və mübariz cəbhədaşlarına qarşı qarayaxmalar ataraq bölücülük işləri aparırdı. Partiya daxilində və cəmiyyətdə həmin insanları “qaragüruhçu” adlandıraraq ikitirəlik parçalanma toxumunu səpərək əsl amacına çatmaq üçün bir sıra iyrənc metodlardan istifadə edirdi. Əli Kərimli o dönəmdə də, indi də təşkilata edilən hər hansı maddi dəstəkləri partiyanın inkişafına deyil, yalnız öz maraq və məqsədləri üçün istifadə etməkdədir.
Hürrü Əliyev müraciətində bildirir ki, bu gün Xalq Cəbhəsinin üzvləri, xüsusilə də, gənclər meydanlarda nəyin, kimin, hansı məqsədin uğrunda mübarizə apardıqlarının, döyülüb, həbs olunduqlarının fərqində belə deyillər: “Mən onları tam məsuliyyətlə əmin edirəm ki, onlar Əli Kərimlinin oyunlarının, alverlərinin istifadə obyektləridirlər, onun apardığı siyasi oyunların sadəcə qurbanlarıdır. Mən birmənalı bildirirəm ki, onlar heç də düşünməsinlər ki, Xalq Cəbhəsi Partiyasının, milli ideologiyanın, demokratiyanın, Əbülfəz Elçibəy amalı və yolunun, torpaq, xalq, vətən, millət uğrunda deyil, Əli Kərimlinin oyunlarının siyasi sığortasının, yəni, statusunun mənfəəti uğrunda savaşırlar. Əslində, Ə.Kərimlinin məqsədi beynəlxalq aləmdə, istərsə də daxildən götürdüyü öhdəçiliklərə xidmət etmək və bu yöndə ona daha da geniş şərait yaratmaqdan ibarətdir”.
“Əli Kərimli və onun tərəfdarları öz çirkin əməlləri ilə Əbülfəz Elçibəyi partiyada gözdən salmağa, onu rəhbərlikdən uzaqlaşdırmağa səy göstərmişlər”
Əslində, Ə.Kərimlinin Elçibəyə münasibətdə fərqli düşüncə sahibi olması, öz liderinə xəyanət etməsi məsələsi zaman-zaman müzakirə mövzusuna çevrilib. O mənada ki, məhz, Ə.Kərimlinin siyasi oyunlarına etiraz edərək bu təşkilatdan ayrılan şəxslər də sonradan mətbuata müsahibələrində, açıqlamalarında Elçibəyin heç vaxt Ə.Kərimliyə etibar etmədiyini, onun başqa istiqamətlərə köklənmiş fəaliyyətlə məşğul olduğunu bildiyini demişdilər. Məsələn, bir müddət öncə KAXCP sədri Mirmahmud Mirəlioğlu da mətbuata açıqlamasında bildirmişdi ki, siyasi həyatı xəyanətlər üzərində bərqərar olan Əli Kərimlinin 1997-98-ci illərdə apardığı siyasi oyunlar məhz Elçibəyə qarşı yönləndirilmişdi. KAXCP sədri demişdi ki, Ə.Kərimlinin rəhbərliyi altında öz liderinə qarşı iyrənc bir kampaniya başladılmışdı və onlar fəaliyyətlərində açıq xətlə Elçibəyi “bitmiş bir insan” kimi qeyd edirdilər. O bildirmişdi ki, məsələ tək maliyyədə, qrantda deyildi, əsas niyyət iyrənc idi: Anti-Elçibəy, Elçibəyə xəyanət idi. M.Mirəlioğlu qeyd etmişdi ki, Ə.Kərimlinin yeganə arzusu və amalı öz nəzarətində olan mətbu ruporlarda Elçibəy barəsində təhqir dolu yazılar çap etdirməklə, partiyanın idarəçiliyini ələ almaq olub: “Hətta Elçibəyin cənazəsi bura gətirilən gün mətbuatı izləsəniz dəhşətlər, fəlakət görərsiniz. Bu insanı dayandırmaq mümkün olmayıb. Bu insanın həvəsi, qisasçılıq hissi, xəyanəti özünü büruzə verib. O, özünü bir gün belə saxlaya bilməyib”.
Bundan başqa, bir zamanlar xalq hərəkatında təmsil olunan və mərhum Elçibəylə münasibəti olan, AXC-Müsavat hakimiyyəti illərində nazir müavini işləyən millət vəkili, AVP sədri Fəzail Ağamalı da mətbuata açıqlamasında bildirmişdi ki, onun müşahidələrinə görə, Əbülfəz Elçibəy heç vaxt Əli Kərimliyə dərin inam və ya rəğbət bəsləməyib: “Hətta bildiyim qədər özünə yaxın dairələrdə o, Əli Kərimlini “komsomol” adlandırırdı. O vaxt Əbülfəz Elçibəy hərəkat dövründə hamı ilə, hətta hüquq-mühafizə orqanları ilə əməkdaşlıq edən insanlarla belə münasibət qururdu, onların resursundan istifadə etməyə çalışırdı”.
Elçibəy hakimiyyəti dövründə iqtidarda təmsil olunan, sonradan isə öz fəaliyyətini AXCP-də davam etdirən, BQP sədri, millət vəkili Fazil Mustafa bildirmişdi ki, Elçibəyə xəyanət edənlər fikirləşirdilər ki, onların yüksəlməsinə mane olan məhz Əbülfəz Elçibəydir.
Məhz Hürrü Əliyevin də müraciətində əks olunan bəzi məsələlər, bu deyilənlərlə eyni xarakteri daşıyır. Müraciət müəllifi bildirir ki, Əli Kərimli nəinki Əbülfəz Elçibəyə, yanında olan, yol getdiyi hər bir kəsə hər an xəyanət etməyi bacaran və artıq onu bir adət halına salanın biridir: “Ümumiyyətlə, Əli Kərimli və onun tərəfdarlarının öz çirkin əməlləri ilə Əbülfəz Elçibəyi həmişə bir şəxsiyyət, lider kimi nüfuzdan salmağa, onu partiyanın rəhbərliyindən uzaqlaşdırmağa səy göstərmələri, nəticədə, partiyanın parçalanmasına nail olmaları, hətta 2000-ci ildə səhhəti ilə bağlı Türkiyədə olduğu dövrlərdə öz çirkin məqsədlərindən əl çəkməyərək mətbuatda əmimin əleyhinə böhtan, təhqir, aşağılayıcı fikirlər söyləyərək geniş kampaniya aparmaları bu gün hamıya bəllidir”.
Göründüyü kimi, rəhbərinə xəyanətkar mövqe tutan Əli Kərimlinin fəaliyyətinin məhz satqınlığa kökləndiyi bu müraciətdə də əks olunur. AXCP sədrinin partiyanı ələ keçirmək üçün qurduğu oyunlar isə cəmiyyətin gözləri önündə baş verdiyi üçün bu barədə şərh verməyə ehtiyac yoxdur. Əvvəlcə, uzun illər AXCP-nin qurulmasında, fəaliyyətində zəhməti olmuş insanlar, ardınca isə elə Əli Kərimlinin öz oyununda onun “tərəfdaşı” qismində çıxış edənlərin AXCP sıralarını tərk edərək oradan ayrılması çox mətləblərdən xəbər verir. Bu isə məsələnin kökündə qaranlıq məqamların dayandığını deməyə əsas yaradır...
“Aşkar olunan sənəd sübut edir ki, Əli Kərimli Ə.Elçibəyi nüfuzdan salmaq üçün xarici dairələrin köməkliyindən istifadə etmişdir”
Hürrü Əliyevin Əli Kərimli ilə bağlı açıqladığı faktlar bununla da yekunlaşmır. Müraciətdə maraqlı bir məqam da əks olunub ki, bu məsələ də mütəmadi olaraq mətbuatın əsas müzakirə obyektlərindən biri sayıla bilər. Radikal düşərgə təmsilçilərinin xarici ölkələrlə, o cümlədən, bəzi beynəlxalq statuslu maraqlı dairələrlə əməkdaşlıq etməsi, həmin dairələrin anti-Azərbaycan planlarında radikal düşərgə təmsilçilərindən istifadə etməsi ilə bağlı məsələlər zaman-zaman elə düşərgəni təmsil edən mətbu orqanlarının da səhifələrini “bəzəyib”. Hətta bu fikirləri bəzi radikal düşərgə nümayəndələri özləri də səsləndiriblər.
Məsələn, elə bir müddət öncə Müsavat Partiyasının sədri İsa Qəmbər bəzi partiyaların “xaricdən maliyyələşdirilməsi” ilə bağlı fikir bildirmişdi. Təbii ki, onun həmin dövrdəki müttəfiqi Əli Kərimlini nəzərdə tutduğu açıq-aşkar idi. Bundan başqa, zaman-zaman fərqli kod adlar altında bəzi radikal düşərgə üzvlərinin xarici ölkələrin kəşfiyyat orqanları ilə əməkdaşlıq etməsi ilə bağlı da fikirlər səsləndirilib. Maraqlıdır ki, bu fikirlərin içində ən çox yer alan radikal düşərgə təmsilçilərindən biri elə məhz Əli Kərimli olub.
Bir müddət öncə bu barədə mətbuata açıqlamasında KAXCP sədri Mirmahmud Mirəlioğlu də AXCP sədri Əli Kərimli ilə bağlı maraqlı açıqlamalar vermişdi. Vaxtilə eyni partiyada təmsil olunan Mirəlioğlu bildirmişdi ki, Ə.Kərimli öz lideri Əbülfəz Elçibəyə xəyanət edib və onun haqqında böhtan yaymaq üçün xarici fondlardan böyük məbləğdə maddi vəsait alıb. Ə.Kərimli hər zaman xarici maliyyənin əslində əsirinə çevrilib. Bu fikirləri qeyd edən M.Mirəlioğlu əllərində bununla bağlı faktların olduğunu açıqlamışdı: “Bunun üçün AXCP daxilindəki “Yurd” İctimai Birliyinin pozuculuq fəaliyyətini yoxlayan Xüsusi Komissiyanın hesabatını nəzərdən keçirmək kifayətdir. Burada faktlar əks olunub. Ərizələrin, sənədlərin, video çəkilişlərin, audio yazıların nəticəsində hazırlanmış bu hesabatda çox faktlara toxunulub. Bunların heç biri göydən götürülməyib və heç kimin şəxsi mövqeyi, mənafeyi yoxdur. Ciddi sənəddir. Burada sənədsiz-sübutsuz heç nə yoxdur”.
Maraqlıdır ki, bu ittihamın qarşılığında Ə.Kərimli məsələyə öz adından aydınlıq gətirə bilməmişdi. Yəqin ki, həqiqətin qarşısında susmağa üstünlük vermişdi.
Bu dəfə isə analoji məqama Hürrü Əliyev öz məlum müraciətində toxunub. O, bildirib ki, onda olan məlumata görə bir sənəd mövcuddur: “Həmin sənədə əsasən “Əli” adında agentinin İranın Bakıdakı səfiri Nəhavəndianın səfirliyin diplomatları ilə müşavirə keçirərkən Azərbaycan dövlət nümayəndə heyətinin İrana rəsmi səfərinin nəticələrinin yüksək qiymətləndirməsi, Nəhavəndianın Azərbaycan rəhbərliyinin qonşu İran dövlətinin böyüklüyünü dərk edərək ona tərəf üz döndərməsi, Türkiyə siyasətinin Azərbaycanda puça çıxması, İranın nüfuzunun artması, bu imkanı əldən verməmək üçün Azərbaycana humanitar yardım kimi ərzaq və başqa istehlak malları göndərilməsi, Azərbaycan rəhbərliyinin siyasətdə naşı olmasından istifadə edərək İran-Azərbaycan vətəndaşlarının vizasız bu dövlətə gediş-gəlişi, Naxçıvan və Lənkəranda İranın baş konsulluqlarının açılması, İran televiziya proqramının birbaşa Azərbaycan televiziyasının kanallarının birində göstərilməsi, bəzi rayonlarda İranın dini məktəblərinin və mədrəsələrinin açılması, Azərbaycanın ali və orta təhsil ocaqlarında iranlıların təhsil alması, yerli həkimlərin müqavilə əsasında İrana işləməyə göndərilməsi kimi məsələlərin tezliklə həll olunacağına çalışacaqları, hal-hazırda Azərbaycanın dövlət katibi (Əli Kərimli) və Milli Məclisin sədrinin prezidentdən (Əbülfəz Elçibəy) nüfuzlu olmaları, bütün siyasi məsələləri onların həll etdikləri, bu baxımdan, həmin iki şəxslə əlaqələrin möhkəmləndirilməsinin vacib olmasını bildirməsi, Azərbaycan-İran münasibətlərində siyasi gərginlik yaranarsa “Naxçıvan” məsələsinin ortaya atılması məzmununda tərtib olunmuş 2 vərəqədən ibarət arayış aşkar etdim. Həmin sənədlə bir daha təsdiq olunurdu ki, Əli Kərimli həmin dövrlərdən başlayaraq əmimin həm ölkə daxilində, həm də ölkədən kənarda nüfuzdan salmağa cəhdlər etmiş, Bütöv Azərbaycan ideyalarına görə İranın əmim Əbülfəz Elçibəyə qarşı münasibətlərinin birmənalı olmamasından yararlanaraq Əli Kərimli hakimiyyət uğrunda apardığı mübarizədə öz məqsədlərinə nail olmaq üçün İran dövlətinin köməkliyindən istifadə etmiş, İran dövləti isə bunun nəticəsində həmin dövrdə müəyyən məqsədlərinə nail olmaq üçün konkret hərəkətlər edərək müəyyən nailiyyət əldə etmişdir”.
Hürrü Əliyev bildirib ki, həmin sənəd araşdırma aparılması üçün istintaqa təqdim edilib.

Paylaş:
Baxılıb: 1267 dəfə

Müəllifin digər məqalələri:

Əzrayılın bala paylaması...

Yaxud, Makronun “bazar...

24.09.2021 [15:29]

Ermənipərəst Sevinc Osmanqızı süni gündəm axtarışında...

Məlum olduğu kimi, bu gün...

02.06.2021 [08:56]

Qənimət Zahidin ictimai rəyi yanıltmaq və xalqı aldatmaq cəhdləri iflasa məhkumdur

İşğaldan azad olunmuş torpaqlarımızın...

28.05.2021 [10:07]

Əli Kərimlinin tükənməz erməni sevgisi

44 günlük Vətən müharibəsi...

25.05.2021 [08:49]

Cıdır düzündə Azərbaycan ruhu...

Şuşada keçirilən...

20.05.2021 [09:28]

Sevinc Osmanqızının antimilli təbliğatı

Yaxud xəyanətkar...

19.05.2021 [08:31]

Xəbər lenti

Hamısına bax

Xəbər lenti

Sosial

Bayram sonrası....

28 Mart 11:23

Analitik

Siyasət

Siyasət

Siyasət

Xəbər lenti

Siyasət

Növbəti təxribat

28 Mart 10:05

Xəbər lenti

Xəbər lenti

Xəbər lenti

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31