4-cü paket hazırdır

Bakı:

22 °C

54 %

1 m/s

Əlaqə

AZ RU EN

Ana səhifə / Siyasət / 4-cü paket hazırdır

4-cü paket hazırdır

04.03.2022 [10:13]

Sanksiyalar sərtləşdirilir...

Nicat DİLQƏMLİ

Rusiya ilə Ukrayna arasındakı müharibə səbəbindən Rusiyaya qarşı tətbiq edilən sanksiyalar daha da genişləndirilir. Bu isə Rusiya iqtisadiyyatına ciddi şəkildə zərbələr deməkdir. Yeri gəlmişkən, ABŞ Prezidenti Co Bayden dünən bununla bağlı yeni bəyanatla çıxış edib. O, Ukrayna hadisələri fonunda Rusiya tərəfinə qarşı yeni tədbirlər görüləcəyini deyib. Bundan başqa, məlumatda Avropa İttifaqının Rusiyaya qarşı tətbiq etdiyi sanksiyalara ABŞ-ın da qoşulacağı qeyd edilir. Bu, rus oliqarxlarının aktivlərinə qarşı ovlama deməkdir. Belə ki, ABŞ Konqresində çıxışı zamanı Bayden bildirib ki, Amerika tərəfi Rusiyanın təyyarələrini, yaxta və mənzillərini axtararaq “ələ keçirəcək”. Eyni zamanda, ABŞ hava məkanında Rusiya təyyarələrinin uçuşuna qadağa qoyulub.

Bununla yanaşı, Avropa İttifaqı da Rusiyaya qarşı tətbiq edilən sanksiyaların 4-cü paketini hazırlayıb. Avstriya Respublikasının Avropa və Xarici İşlər üzrə federal naziri Aleksandr Şalenberq mövzu ilə bağlı açıqlamasında yeni sanksiyaların əsasən iri iş adamlarına təsir edəcəyini diqqətə çatdırıb: “Yeni sanksiyalar “oliqarxlar (zadəgan)” adlanan Rusiyanın iri iş adamlarına təsir edəcək”. Diplomat söhbətin konkret olaraq kimlərdən getdiyini söyləməyib.

Ardınca Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Cozep Borell Aİ-nin Rusiya ilə müharibə etmədiyini, lakin hazırkı vəziyyətdə Ukraynanı dəstəklədiyini də nəzərə çatdırıb.

Sanksiyaların əvvəlki paketlərini xatırlayaq...

Rusiya-Ukrayna müharibəsi başladığı ilk günlərdən Rusiya hava məkanı blokadaya məruz qaldı - Rusiya Avropa İttifaqı, İsveçrə, Kanada və digər ölkələrin qadağaları ilə üzləşdi. Buna cavab olaraq Rusiya həmin ölkələrdən olan aviadaşıyıcıların hava məkanından istifadəsini məhdudlaşdırdı.

Daha sonra Aİ sanksiyaların ikinci paketinin tətbiqini təsdiqlədi. Sözügedən paketə maliyyə, enerji, nəqliyyat sektorları, ikili istifadə məhsulları daxildir. Avropa Komissiyasının rəhbəri Leyen mətbuat konfransında bildirib ki, məhdudiyyətlər Rusiya Federasiyasının maliyyə sektoruna qarşı yönəlib. Burada məqsəd Rusiya dövlət müəssisələrini Aİ ilə maliyyə əməliyyatları aparmaq imkanından məhrum etmək, “Rusiya elitasının” banklara 100 min avrodan artıq əmanət yerləşdirməsini qadağan etməkdən ibarət olub. AK rəhbəri Aİ-nin yarımkeçiricilər bazarına çıxışı məhdudlaşdıracağını da açıqlayıb. “Biz Rusiyanın firavan gələcəyin qurulması üçün lazım olan ən mühüm texnologiyalara, o cümlədən qabaqcıl yarımkeçirici texnologiyalara çıxışını məhdudlaşdırırıq”, - deyə AK rəhbəri bildirib. Leyenin açıqladığı digər tədbirlər arasında Rusiyadan olan diplomatların və iş adamlarının Aİ-yə imtiyazlı çıxışından məhrum edilməsi, “bütün təyyarələrin, aviasiya komponentlərinin və avadanlıqlarının Rusiyaya ixracına, satışına, tədarükünə və ya ötürülməsinə qadağa qoyulması”, o cümlədən sənaye ilə əlaqəli bütün təmir və texniki xidmətlər də yer alır.

Üçüncü paket isə maliyyə, enerji, nəqliyyat, texnologiya sektorları, eləcə də viza siyasətini əhatə edir. Aİ Rusiya Prezidentini, Baş Nazir Muşistini, xarici işlər naziri Lavrovu, daxili işlər naziri Kolokolçevi və bir sıra digər siyasətçiləri, məmurları da siyahıya əlavə edib.

Ekspertlərin fikrincə, hakimiyyətdə təmsil olunan şəxslər adətən çox nadir hallarda sanksiyalara məruz qalırlar.

Paylaş:

Baxılıb: 705 dəfə