Heydər Əliyev
yeni azerbaycan logo

Ana səhifə / YAP xəbərləri / “15 İyun - Milli Qurtuluş günü” ilə əlaqədar tədbirlər keçirilib

“15 İyun - Milli Qurtuluş günü” ilə əlaqədar tədbirlər keçirilib

11.06.2024 [16:21]

11.06.2024-cü il tarixdə Yeni Azərbaycan Partiyası Gədəbəy rayon təşkilatı Novoivanovka, Dəyəqarabulaq, Əmiraslanlı, 32 saylı Yol İstismar İdarəsi və Çanaqçı ərazi partiya təşkilatlarında “15 İyun - Milli Qurtuluş günü” ilə əlaqədar tədbirlər keçirilib.

Əvvəlcə Ulu Öndər Heydər Əliyevin və Vətən uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib. 

Çıxış edən natiqlər  çıxışlarında qeyd etdilər ki 1991-ci ilin oktyabrında Azərbaycan müstəqillik əldə etdi. Lakin müstəqilliyin ilk illəri siyasi hakimiyyət boşluğu və dövlətin əsaslarının, ordu və dövlət təhlükəsizliyi orqanları da daxil olmaqla, dövlətin bütün təsisatlarının boşluğu ilə yadda qaldı.

Vətənin bu ağır dövründə Azərbaycan Kommunist Partiyası Mərkəzi Komitəsinin birinci katibi (1969–1982) olmuş, daha sonra Sovet İttifaqı Kommunist Partiyası Mərkəzi Komitəsi Siyasi Bürosunun üzvü, SSRİ Nazirlər Soveti sədrinin birinci müavini vəzifələrində çalışmış, Moskvada istefa verdikdən sonra 1991–1993-cü illərdə Naxçıvan Muxtar Respublikası Ali Məclisinin sədri kimi bu diyarın xilası yolunda fədakarlıq nümunələri göstərən Heydər Əliyev hakimiyyətə qayıtdı. 1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi. Beləliklə, 15 iyun Azərbaycanın tarixinə Milli Qurtuluş Günü kimi daxil oldu.

Ərazi partiya təşkilatının sədrləri və digər partiya fəallarının öz çıxışlarında vurğuladılar ki, 1993-сü ilin əvvəllərindən ölkədə fəaliyyət göstərən bəzi silahlı dəstələrin yol verdikləri başıpozuq hərəkətlər, Azərbaycanın daxilində qardaş qırğını və vətəndaş müharibəsinə zəmin yaranması, ayrı-ayrı bölgələrdə isə separatçılıq və parçalanma meyllərinin baş qaldırması Azərbaycanın bir dövlət kimi varlığına birdəfəlik son qoyulması planını tam gücü ilə işə salmışdı. İki illik müstəqillik tarixinə baxmayaraq, ölkə  müstəqilliyini itirmək təhlükəsindən hələ də xilas ola bilməmişdi.

1993-cü il iyunun  4-də  Gəncədə polkovnik Surət Hüseynovun nəzarəti altında olan hərbi hissənin hakimiyyətə itaətsizliyi isə ölkəni tamamilə xaosa sürükləyirdi. Situasiyanı nəzarətə almaq üçün hakimiyyətin atdığı tələsik  addımlar  vəziyyəti düzəltmədi. Əksinə, Gəncəyə  yola  düşən dövlət nümayəndələri  girov  götürüldü.  Qiyamçı  hərbi hissənin rəhbərliyi əvvəlcə Baş nazir və Milli Məclis sədrinin, sonra isə prezidentin istefasını tələb etdi.  Vəziyyət nəzarətdən çıxır,  ətraf rayonların icra başçıları zorla dəyişdirilir,  Surət Hüseynovun qiyamı məhdud Gəncə civarlarından çıxaraq, üzü Bakıya doğru geniş miqyas alırdı. Ölənlər  və  yaralananlar var idi.  Belə bir vaxtda dövləti məhv olmaqdan xilas etmək üçün ölkə rəhbərliyi Naxçıvan Ali Məclisinin sədri Heydər Əliyevi Bakıya dəvət etmək qərarına gəldi.

   Bakıya qayıdandan sonra Surət Hüseynovla danışıqlar aparmaq məqsədilə Gəncəyə yola düşən Ümummilli lider Heydər Əliyev Milli Məclisin iclasında Gəncə hadisələri ilə bağlı xalqa arayış xarakterli məlumat verdi.  Beləliklə,  iyunun 15-də istefa vermiş İsa Qəmbərin yerinə Milli Məclisdə Heydər Əliyev parlamentin sədri seçildi.

Sonralar millət vəkilləri  15 iyun tarixinin təqvimə Azərbaycanın Qurtuluş günü kimi salınması təklifi ilə çıxış etdilər və Milli Məclis bu təklifi bəyəndi. O vaxtdan Heydər Əliyevin yenidən hakimiyyətə qayıdışı  Milli Qurtuluş günü  kimi qeyd edilir.

Hər nə qədər ki Azərbaycan xalqı mövcuddur 15 iyun tarixi yaddaşlarımızda əbədi olaraq Milli Qurtuluş günü kimi təntənə ilə qeyd ediləcəkdir. . 

Paylaş:
Baxılıb: 133 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Ədəbiyyat

Siyasət

Xarici siyasət

Xarici siyasət

Xəbər lenti

Siyasət

Gündəm

Siyasət

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30