Kanada şirkəti Türkiyə əleyhinə embarqoya görə müflis olub

Kanada şirkəti Türkiyə əleyhinə embarqoya görə müflis olub

Azərbaycanın işğal olunmuş ərazilərinin azad edilməsi uğrunda gedən 44 günlük müharibə zamanı Ermənistana dəstək məqsədilə Kanada hökumətinin qərarı ilə Türkiyəyə pilotsuz uçuş aparatlarının (PUA) mühərriklərinin tədarükünə embarqo qoymağa məcbur qalan “Telemus Systems” şirkəti müflis olmaq ərəfəsindədir. yeniazerbaycan.com-un Türkiyənin “Anadolu” agentliyinə istinadən verdiyi xəbərə görə, şirkətin iflasına səbəb onun əsas müştərisi olan “Turkish Aerospace Industries” (TAI) şirkətini itirməsi olub.

“Telemus Systems” şirkətinin rəhbərliyinin sözlərinə görə, sanksiyaların nəticələri barədə dəfələrlə xəbərdarlıq olunmasına və Kanada hakimiyyəti ilə problemin həlli edilməsi üçün cəhdlərə baxmayaraq, ölkə hökuməti öz mövqeyini dəyişməyib. Şirkət bərpası mümkün olmayan maddi ziyana uğrayıb və bu, onun iflasına səbəb olub.