Qırğızıstanın keçmiş prezidenti Əsgər Akayevdən Kumtor qızıl mədəni ətrafında korrupsiya ittihamları geri götürülüb. yeniazerbaycan.com-un Qırğızıstanın “kabarlar.org” saytına istinadən verdiyi xəbərə görə, dindirilmələr başa çatıb, Ə.Akayev dünən Moskvaya qayıdıb. Araşdırma zamanı Akayevin "Centerra"da səhmlərinin olmadığı, "Kumtor"dan gəlir əldə etmədiyi müəyyən edilib.
Qeyd edək ki, 2005-ci ildə ölkədə hakimiyyət dəyişikliyindən sonra ölkəni tərk edən Ə.Akayev bu ilin avqustun 2-də Bişkekə gəlib. “Kumtor” qızıl mədəninə dair iş üzrə respublikanın Milli Təhlükəsizlik üzrə Dövlət Komitəsində (DMTK) dindirildikdən sonra o, sərbəst buraxılıb. Bir həftə sonra Akayev Moskvaya qayıdıb.
Xatırladaq ki, dekabrın 14-də Akayev DMTK-də dindirilmədə iştirak etmək üçün Bişkekə gəlmişdi.