Yunanıstan Respublikasının Prezidenti Karolos Papulyas dünən Azərbaycan Respublikasına rəsmi səfərə gəlib. Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb. Yunanıstan Respublikasının Prezidenti Karolos Papulyası hava limanında Azərbaycan Respublikası Baş nazirinin birinci müavini Yaqub Eyyubov və digər rəsmi şəxslər qarşılayıblar. Milli geyimli uşaqlar Yunanıstan Prezidentinə gül dəstəsi təqdim ediblər. Hava limanının ali qonaqlar üçün salonunda Prezident Karolos Papulyas və Baş nazirin birinci müavini Yaqub Eyyubov arasında qısa protokol söhbəti olub.