"Qarabağ" UEFA Avropa Liqasında növbəti oyununu keçirib.
Qurban Qurbanovun baş məşqçisi olduğu komanda Bakıda Almaniyanın "Bayer 04" klubunu qəbul edib.
Tofiq Bəhramov adına Respublika stadionundakı qarşılaşma heç-heçə başa çatıb - 2:2.
26-cı dəqiqədə Yassin Benzia hesabı açıb. 45+2-ci dəqiqədə Olavio Juninyo qonaqları növbəti dəfə məyus edib.
Leverkuzen təmsilçisinin heyətində Florian Virtz 70-ci dəqiqədə fərqi azaldıb. 90+2-ci dəqiqədə Patrik Şik Almaniya klubunu məğlubiyyətdən xilas edib.
Qeyd edək ki, komandalar arasında cavab oyunu martın 14-də Leverkuzen şəhərində gerçəkləşəcək.
xxx
Avropa Liqasının 1/8 final mərhələsində Bakıda keçirilən "Qarabağ" - "Bayer 04 Leverkusen" oyununda hesab arasındakı fərq azalıb.
71-ci dəqiqədə qonaqlar hesab arasındakı fərqi azaldıb. Vits adını tabloya yazdırıb - 2:1.
xxx
UEFA Avropa Liqasının 1/8 final mərhələsində Bakıda "Qarabağ" və "Bayer" komandaları arasındakı oyunda fərq artıb.
Tofiq Bəhramov adına Respublika Stadionunda keçirilən görüşün 45+2-ci dəqiqəsində Olavio Juninyo rəqibi ikinci dəfə cəzalandırıb 2:0.
Bununla da birinci hissə başa çatıb
xxx
UEFA Avropa Liqasının 1/8 final mərhələsində Bakıda "Qarabağ" və "Bayer" komandaları arasındakı oyunda hesab açılıb.
Tofiq Bəhramov adına Respublika Stadionunda keçirilən görüşün 25-ci dəqiqəsində Yassin Benzia rəqibi cəzalandırıb - 1:0.
xxx
UEFA Avropa Liqasının 1/8 final mərhələsində Bakıda "Qarabağ" və Almaniyanın "Bayer" komandaları arasındakı ilk oyun başlayıb.
AZƏRTAC xəbər verir ki, Tofiq Bəhramov adına Respublika Stadionunda keçirilən görüş saat 21:45-də start götürüb.
Qeyd edək ki, komandalar arasında cavab qarşılaşması martın 14-də Leverkuzendə baş tutacaq.