“Vergi Məcəlləsinə dəyişikliklərin edilməsi ilə bağlı əlimizdə layihə var”.

“Report"un xəbərinə görə, bunu Medianın İnkişafı Agentliyinin (MEDİA) İcraçı direktoru Əhməd İsmayılov bir sıra media subyektlərinin rəhbər və nümayəndələri ilə görüşdə deyib.

Onun sözlərinə görə, sənəd özündə 5 illik vergi güzəştlərini ehtiva edir: “Biz istəyirik ki, sənəd “Media haqqında” qanunla birlikdə müzakirə edilərək qəbul olunsun”.

Bundan əlavə media subyektlərinin güzəştli kreditlərdən yararlanması imkanı da təmin edilə bilər, - deyə o bildirib.

Onun sözlərinə görə, KOBİA ilə də müzakirələr davam etdirilir: “Müvafiq qurumun media sahəsinnin inkişafına kömək xarakterli təklifləri dəyərləndirilməkdədir”.