Yeni Azərbaycan Partiyası (YAP) Zərdab rayon təşkilatı bələdiyyə seçkilərində gənclərin və qadınların namizədliyinə üstünlük verəcək. YAP-ın mətbuat xidmətindən SİA-ya verilən məlumata əsasən, YAP Zərdab rayon təşkilatın sədri Tofiq Zeynalov bildirib ki, bələdiyyə seçkiləri ilə bağlı fəaliyyət proqramı təsdiq olunub. Proqrama əsasən seçki qərargahının 15 üzvü arasında iş bölgüsü aparılıb. Təşkilat sədri bələdiyyələrdə gənclərin və qadınların rolunun artırılmasına üstünlük veriləcəyini deyib: “Gənclər və qadınlar ölkəmizin ictimai-siyasi həyatında fəal rol oynayırlar. Onlar yerli özünü idarəetmə sahəsində də özlərini sınamalıdırlar. Hesab edirik ki, bu sahədə səmərəli işləmək üçün gənclərin və qadınların potensialı böyükdür”.