Ombudsman Elmira Süleymanova rəhbərlik etdiyi qurumun əməkdaşlarının seçki məntəqələrində apardığı müşahidəçiliklə bağlı mətbuat konfransı keçirib. APA-nın məlumatına görə, E.Süleymanova Ombudsman Aparatının 38 əməkdaşının ölkənin müxtəlif bölgələrində müşahidəçilik etdiyini deyib. O, səhər saatlarında müşahidəçilərin hər hansı pozuntu ilə qarşılaşmadığını bildirib: “Saat 08.00-da bütün seçki məntəqələri açılıb və proseslər qanunauyğun aparılıb. Biz həm hərbi hissə, həm də cəzaçəkmə müəssisələrində müşahidələr aparmışıq. Hər hansı pozuntu ilə qarşılaşmamışıq”.
E.Süleymanova qadınların bələdiyyə seçkilərində aktiv iştirak etməsini müsbət hal kimi qiymətləndirib.