Yeni Azərbaycan Partiyasının (YAP) Sədr müavini, İcra katibi Əli Əhmədov dünən Avropa Xalq Partiyasının prezidenti cənab Vilfred Martinsin rəhbərlik etdiyi nümayəndə heyətini partiyanın mənzil qərargahında qəbul edib.
Görüşdə iki partiya arasında birgə əməkdaşlığın gələcəkdə inkişaf perspektivi və Yeni Azərbaycan Partiyasının Avropa Xalq Partiyasına müşahidəçi üzv qismində qəbul olunması haqqında söhbət açılıb, qarşılıqlı maraq doğuran digər məsələlər barədə geniş fikir mübadiləsi aparılıb.
Görüşdə Avropa Xalq Partiyasının Xarici Əlaqələr departamentinin rəhbəri Nikolas Briki, partiyanın Prezident kabinetinin rəhbəri xanım İngrid Qesensi, YAP İcra katibinin müavini Mübariz Qurbanlı və Milli Məclisin deputatı Asəf Hacıyev iştirak edib.