“Qondarma “erməni soyqırımı” ilə bağlı aparılan kampaniya qarşı önləyici tədbirlər Azərbaycan hökuməti tərəfindən davamlı olaraq həyata keçirilir”. SİA-nın məlumatına görə, bu barədə Prezident Administrasiyasının İctimai-siyasi məsələlər şöbəsinin müdiri Əli Həsənov jurnalistlərə açıqlamasında bildirib. Onun sözlərinə görə, dünyanın əksər ölkələrində Azərbaycanın səfirliklərinə, nümayəndəliklərinə, diaspor təşkilatlarına, o cümlədən Azərbaycanın Kütləvi İnformasiya Vasitələrinə (KİV) bununla bağlı müvafiq tövsiyyələr verilib və veriləcək: “Bütün bunlar qondarma “soyqırım” ətrafında aparılan təbliğatın əhəmiyyətini azaltmağa və soyqırımın əsl simasını dünya ictimaiyyətinə göstərməyə yönəlib. Eyni zamanda elektron və qeyri-elektron KİV-nə həm aprelin 24-nə qədər, həm də 24-ü günü Azərbaycanda və ölkəmizdən kənarda ermənilərin törətdiyi soyqırımın dünya ictimaiyyətinə çatdırılması məqsədilə müxtəlif dillərdə xəbər yaymaları haqda göstərişlər verilib”.