Dünən Yeni Azərbaycan Partiyasının Sədr müavini Əli Əhmədov Amerika Birləşmiş Ştatlarının ölkəmizdəki səfirliyinin siyasi məsələlər üzrə müşaviri Cohanna Qənseni partiyanın mənzil qərargahında qəbul edib. Görüşdə Azərbaycan Respublikası ilə ABŞ arasında mövcud əməkdaşlıq münasibətləri haqqında danışılıb, inkişaf perspektivləri barədə hərtərəfli fikir mübadiləsi aparılıb. Görüşdə, həmçinin, cari ilin noyabr ayında Azərbaycanda keçiriləcək parlament seçkiləri, ona hazırlıq prosesi haqqında da söhbət açılıb.