BMT xəbərdarlıq edir: AI reklamda qlobal dezinformasiya böhranını daha da ağırlaşdıra bilər

Bakı:

21 °C

76 %

4 m/s

Əlaqə

AZ RU EN

Ana səhifə / Dünya / BMT xəbərdarlıq edir: AI reklamda qlobal dezinformasiya böhranını daha da ağırlaşdıra bilər

BMT xəbərdarlıq edir: AI reklamda qlobal dezinformasiya böhranını daha da ağırlaşdıra bilər

30.04.2026 [20:48]

BMT reklamda süni intellektdən istifadə səbəbindən dezinformasiyanın artması riskləri barədə xəbərdarlıq edir.

AZƏRTAC xəbər verir ki, bu barədə BMT-nin Qlobal Kommunikasiya Departamentinin “Conscious Advertising Network” ilə birgə hazırladığı analitik qeyddə deyilir. Müəlliflər hesab edirlər ki, süni intellekt alətlərinin lazımi tənzimləmə olmadan reklam sənayesinə sürətlə daxil edilməsi qlobal dezinformasiya böhranını daha da ağırlaşdıra bilər.

Qeyd olunur ki, illik qlobal reklam xərcləri 1 trilyon dolları keçir və böyük şirkətlərin büdcə ayırma qərarları rəqəmsal mühitdə yaradılan, təbliğ edilən və pul qazanılan məzmuna birbaşa təsir göstərir. Süni intellektdən istifadənin tətbiqi ilə bu asılılıq daha da artır.

BMT-nin informasiya bütövlüyü üzrə baş məsləhətçisi Şarlotta Skaddan bildirib: “Reklam insanların gördüklərini və inandıqlarını formalaşdıran sistemləri maliyyələşdirir”. Onun sözlərinə görə, təcili təhlükəsizlik tədbirləri olmazsa, süni intellekt informasiya ekosisteminin məhvini sürətləndirə bilər.

Sənəddə reklamda süni intellektdən istifadə ilə əlaqəli əsas risklər vurğulanır. Bunlara dezinformasiyanın və nifrət ritorikasının sürətlə yayılması, saxtakarlığı asanlaşdıran alqoritmlərin qeyri-şəffaflığı, həmçinin süni intellekt tərəfindən yaradılan məzmunun artması fonunda müstəqil jurnalistikanın davamlılığına təhdidlər daxildir.

Ekspertlər vurğulayırlar ki, bu çətinliklər təkcə sosial deyil, həm də iqtisadi nəticələrə səbəb olur. Rəqəmsal platformalara auditoriyanın etibarının azalması trafikin yavaşlaması və reklam investisiyaları effektivliyinin minimum səviyyəyə düşməsinə səbəb olur. “Brendlər süni intellektdən sürətlə istifadə etmək üçün təzyiq altındadır, lakin müvafiq məhdudiyyətlər olmadan bu cür həllər bizneslərinin asılı olduğu informasiya mühitini sarsıda bilər”, - deyə “Conscious Advertising Network”un nümayəndəsi Harriet Kinqabi qeyd edib.

Müəlliflər süni intellekt və reklamın tənzimlənməsi üçün əlaqələndirilmiş beynəlxalq yanaşmaların hazırlanmasına, eləcə də hökumətlər, biznes və vətəndaş cəmiyyəti arasında daha güclü əməkdaşlığa çağırırlar. Reklamçılar süni intellekt təchizat zəncirlərinin şəffaflığını artırmağa, yüksəkkeyfiyyətli medianı dəstəkləməyə və istifadəçi təhlükəsizliyini təmin etmək üçün platformaları stimullaşdırmaq məqsədilə maliyyə mexanizmlərindən istifadə etməyə təşviq olunurlar.

Məlumatlara görə, reklam əldə olunmasında şəffaflığın artması effektivliyin ikiqat çoxalmasına səbəb ola bilər ki, bu da məsuliyyətli reklam prinsiplərinin biznesin maraqları ilə uyğun gəldiyini göstərir.

Paylaş:

Baxılıb: 399 dəfə