Türkiyə sərhədləri Ermənistanın Azərbaycan torpaqlarını işğal etdiyinə görə bağlayıb

Bakı:

33 °C

38 %

8 m/s

Əlaqə

AZ RU EN

Ana səhifə / Dünya / Türkiyə sərhədləri Ermənistanın Azərbaycan torpaqlarını işğal etdiyinə görə bağlayıb

Türkiyə sərhədləri Ermənistanın Azərbaycan torpaqlarını işğal etdiyinə görə bağlayıb

19.02.2010 [09:45]

Türkiyə ilə Ermənistan arasında sərhədlərin açılması ilə bağlı məsələ istər Türkiyə, istərsə də Azərbaycan cəmiyyətinin diqqət mərkəzindədir. Buna səbəb isə ötən ilin sonlarına doğru sərhədlərin açılacağına dair xəbərlərin yayılması, həmçinin, Sürixdə Türkiyə ilə Ermənistan arasında protokolların imzalanmasıdır. Onu da qeyd edək ki, bir neçə gün öncə bu məsələ yenidən müzakirə obyektinə çevrilib. Türkiyənin Cümhuriyyət Xalq Partiyasının lideri Dəniz Baykal partiyasının parlament fraksiyasının toplantısında Ermənistanla sərhədlərin açılması məsələsinə toxunub. Partiya lideri bildirib ki, Ermənistan dövləti qurulduqdan sonra Türkiyə onu tanıyan ilk ölkələrdən biri olub. Lakin daha sonra Ermənistan Azərbaycan torpaqlarını işğal edib. CXP sədri bildirib ki, Türkiyə rəsmi Yerevanın bu addımını qəbuledilməz sayaraq sərhədləri qapadıb: “Türkiyə sərhədi erməni xalqına əziyyət vermək, ya da düşmənçilik məqsədilə deyil, Azərbaycana qarşı törədilənlərə görə bağladı”.
D.Baykal Türkiyə ilə münasibətləri yaxşılaşdırmaq üçün Ermənistan tərəfindən hər hansı bir iradə görmədiyini də bildirib: “İsveçrədə toplantılar keçirildi, “tarixi fürsət yaranıb” dedilər. Protokollar imzalandı və yola çıxdılar. Biz “belə etməyin, Azərbaycanı küsdürəcəksiniz, Azərbaycan sizin düşündüyünüzdən daha önəmlidir, Azərbaycan torpaqlarının işğalını legitimləşdirəcəksiniz”-deyə xəbərdarlıq etdik, işğala son qoyulmadan protokolların təsdiqlənməsinə imkan verməyəcəyimizi söylədik. Azərbaycan da çox şiddətli reaksiya göstərdi. Bundan sonra, Baş nazir Azərbaycana getdi və “işğala son qoyulmadan sərhədi açmarıq” dedi. Protokollarda çox şeyin olduğunu bildirdilər. “Ermənistan bizim sərhədlərimizi tanımırdı, bundan vaz keçir, soyqırım məsələsində mövqeyini yumşaldır” dedilər. Amma bunları görmədik”.
D.Baykal Türkiyə-Ermənistan yaxınlaşmasının dalana dirəndiyini vurğulayıb: “24 aprel gəlir. Türkiyə yenə sıxışdırılacaq. Bu hökumətin “sıfır problem” siyasətinin Ermənistanla bağlı nəticəsi tam bir fiaskodur. Heç nə əldə edilmədi, amma çox şey itirildi. Azərbaycanın dostluğu itirildi. “Sıfır problem” deyirdilər, Ermənistanla problemləri həll edə bilmədilər, üstəlik, Azərbaycanla problem yaratdılar”.
Əslində, imzalanan gündən birmənalı qarşılanmayan Ermənistan-Türkiyə razılaşmasının nə ilə nəticələnəcəyini zaman göstərəcək. D.Baykalın da qeyd etdiyi kimi, sərhədlər Ermənistanın Dağlıq Qarabağı işğal etməsi səbəbilə bağlanıbsa, məntiqlə sərhədlərin açılması da işğal faktının sona çatması ilə müşayiət olunmalıdır. Bu məqam Türkiyə rəsmiləri tərəfindən dəfələrlə səsləndirilsə də, Ermənistan tərəfi hələlik sözügedən tələbi yerinə yetirmək istəmir. Bu arada bəzi ekspertlər Ermənistanın beynəlxalq təzyiq vasitəsilə Türkiyəni qondarma “soyqırımı”nın qondarma “ildönümünə” qədər sərhədləri açmağa məcbur edəcəyinə dair ehtimallar səsləndirirlər. Hələlik isə həm Türkiyə, həm də Azərbaycan cəmiyyəti hadisələrin gedişini izləyir. Türkiyə hakimiyyəti isə məhz yuxarıda qeyd edildiyi kimi, bu məsələnin Azərbaycan tərəfindən olduqca həssas qarşılandığını bilir. Elə bu səbəbdən də, Türkiyənin qardaş ölkə kimi Azərbaycanın maraqlarını Ermənistanın işğalçı rejiminə qurban verəcəyini düşünmək çətindir.
Digər tərəfdən, Azərbaycan hökuməti hər zaman qətiyyətlə vurğulayıb ki, ölkəmiz Dağlıq Qarabağ münaqişəsinin həlli üçün bütün vasitələrdən istifadə etməyə hazırdır. O baxımdan, Türkiyənin sərhədləri açması belə hər şeyin sonu kimi dəyərləndirilə bilməz.
Pərviz SADAYOÄžLU

Paylaş:

Baxılıb: 1607 dəfə