Prezident İlham Əliyev MDB Dövlət Başçıları Şurasının Kişinyovda keçirilən iclasında iştirak edib

Bakı:

24 °C

78 %

8 m/s

Əlaqə

AZ RU EN

Ana səhifə / Gündəm / Prezident İlham Əliyev MDB Dövlət Başçıları Şurasının Kişinyovda keçirilən iclasında iştirak edib

Prezident İlham Əliyev MDB Dövlət Başçıları Şurasının Kişinyovda keçirilən iclasında iştirak edib

10.10.2009 [09:57]

Dünən Azərbaycan Prezidenti İlham Əliyev MDB Dövlət Başçıları Şurasının Kişinyovda keçirilən iclasında iştirak edib. Prezident İlham Əliyev və digər dövlət başçıları MDB Dövlət Başçıları Şurasının iclasının keçirildiyi Respublika sarayına gəliblər. Moldova parlamentinin sədri, Prezidentin vəzifəsini icra edən Mixay Qimpu və digər yüksək vəzifəli şəxslər Prezident İlham Əliyevi sarayın önündə hörmət və ehtiramla qarşılayıblar. Dövlət başçıları xatirə şəkli çəkdiriblər. Sonra MDB Dövlət Başçıları Şurasının məhdud tərkibdə iclası keçirilib.
Moldova Prezidentinin vəzifəsini icra edən Mixay Qimpu iclasın gündəliyini elan edib.
İclasda dünya maliyyə böhranının nəticələrinin aradan qaldırılması, təhlükəsizliyin təmin olunması, habelə MDB qurumlarının fəaliyyətinin optimallaşdırılması qaydalarına dair Birlik dövlətlərinin əməkdaşlığının fəallaşdırılması ilə əlaqədar sənəd layihələri müzakirə edilib. Daha sonra MDB çərçivəsində çoxsahəli əməkdaşlığın, o cümlədən, iqtisadiyyat, enerji, miqrasiya məsələlərində işbirliyinin genişləndirilməsinə dair qəbul olunan qərarların səmərəliliyinin artırılması ilə bağlı təkliflər ətrafında fikir mübadiləsi aparılıb. Dövlət başçıları fövqəladə halların nəticələrinin aradan qaldırılmasında birgə fəaliyyət, humanitar sahədə inteqrasiya proseslərinin dərinləşdirilməsi, 1941-1945-ci illər müharibəsində Qələbənin 65 illiyinin qeyd olunmasına hazırlıq və yubileylə əlaqədar dünya ölkələrinə müraciətin qəbul olunması, 2010-cu ilin Müharibə Veteranları İli elan edilməsi məsələlərini də nəzərdən keçiriblər.
Şuranın geniş tərkibdə iclası olub. Müzakirələrdən sonra iclasın yekun sənədləri imzalanıb.
Daha sonra mətbuat konfransı keçirilib. Bildirilib ki, MDB-də sədrlik gələn ilin yanvarında Rusiya Federasiyasına keçəcək. MDB Dövlət Başçıları Şurasının növbəti iclası isə 2010-cu ilin dekabrında Moskvada keçiriləcək.
Bununla da iclas işini yekunlaşdırıb.
* * *
Dünən MDB Dövlət Başçıları Şurasının iclasında iştirak edən Azərbaycan Prezidenti İlham Əliyevin Moldovaya səfəri başa çatıb.
* * *
Dövlətimizin başçısı həmin gün axşam Bakıya qayıdıb. Azərbaycan Prezidentini Heydər Əliyev adına Beynəlxalq hava limanında Baş nazir Artur Rasizadə, Prezident Administrasiyasının rəhbəri Ramiz Mehdiyev, Bakı Şəhər İcra Hakimiyyətinin başçısı Hacıbala Abutalıbov qarşılayıblar.

Paylaş:

Baxılıb: 1448 dəfə