Zəfər ayının dördüncü günü

Bakı:

21 °C

49 %

1 m/s

Əlaqə

AZ RU EN

Ana səhifə / Gündəm / Zəfər ayının dördüncü günü

Zəfər ayının dördüncü günü

04.11.2021 [09:58]

Ötən il Zəfər ayının 4-cü günündə Prezident İlham Əliyev özünün “Twitter” hesabında Azərbaycan Ordusunun Cəbrayıl, Zəngilan və Qubadlı rayonlarının daha 7 kəndini işğaldan azad etdiyini bildirib: "Müzəffər Azərbaycan Ordusu Cəbrayıl rayonunun Mirək, Kavdar, Zəngilan rayonunun Məşədiismayıllı, Şəfibəyli, Qubadlı rayonunun Başarat, Qarakişilər, Qaracallı kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!"

***

Ötən il zəfər ayının 4-cü günündə Prezident İlham Əliyev İtaliyanın “La Repubblica” qəzetinə müsahibə verib

***

…Xarici işlər naziri Ceyhun Bayramov Avropa Şurası Nazirlər Komitəsinin 130-cu iclasında iştirak edib.

***

… Türkiyə Xarici İşlər naziri Mövlud Çavuşoğlu Avropa Komissiyasının 130-cu toplantısındakı çıxışında bildirib ki, Azərbaycanın ərazi bütövlüyü hər kəs tərəfindən qeyd-şərtsiz dəstəklənməlidir. Terrorun bütün formalarını qınayır və hər kəsdən eyni münasibəti gözləyirik.

***

…Müdafiə Nazirliyinin məlumatında bildirilib ki, Azərbaycana məxsus iki ədəd pilotsuz uçuş aparatının (PUA) Ermənistan HHM bölmələri tərəfindən vurulması barədə düşmən tərəfinin yaydığı məlumat yalandır.

***

…Müdafiə Nazirliyinin mətbuat xidmətinin məlumatında qeyd edilib ki, Ermənistan ərazisindən Zəngilan istiqamətindəki bölmələrimizə qarşı düşmənin diversiya cəhdinin qarşısı alınıb.

***

… Hərbi İnformasiya Mərkəzində keçirilən brifinqdə çıxış edən Müdafiə Nazirliyinin mətbuat katibi polkovnik-leytenant Anar Eyvazov bildirib ki, düşmənin bölmələri Ermənistanın Berd rayonu istiqamətindən Tovuz və Ağstafa rayonlarında yerləşən mövqelərimizi və cəbhənin müxtəlif istiqamətlərində ordumuzun digər mövqelərini, o cümlədən Ağdam, Ağcabədi, Tərtərdəki yaşayış məntəqələrimizi atıcı silahlardan, top və minaatanlardan atəşə tutub. Döyüş əməliyyatları əsasən cəbhənin Ağdərə, Tərtər, Ağdam, Xocavənd, Zəngilan və Qubadlı istiqamətlərində davam edib.

Mətbuat katibi deyib ki, Ağdərə, Ağdam və Xocavənd istiqamətlərində hücuma keçməyə cəhd edən düşmən bölmələrimizin qəti cavab tədbirləri nəticəsində şəxsi heyət və hərbi texnika baxımından itkilər verərək geri çəkilməyə məcbur edilib. Aparılan əməliyyatlar nəticəsində düşmənin 10-cu dağatıcı və 37-ci atıcı diviziyaları, 2-ci motoatıcı, 5-ci dağatıcı və 543-cü alayları ordumuzun ağır zərbələrindən sonra ciddi itkilərə məruz qalıb.

Düşmənin alay komandiri, tabor komandiri, snayper qrupu və tank heyəti daxil olmaqla, xeyli sayda canlı qüvvəsi, 2 tankı, 3 topu, 1 pilotsuz uçuş aparatı, 3 hərbi yük maşını, “Zastava M-55” tipli zenit qurğusu və şəxsi heyətlə dolu UAZ markalı avtomobili məhv edilib

Paylaş:

Baxılıb: 778 dəfə