Önəmli təşəbbüslərin ünvanı

Bakı:

11 °C

87 %

1 m/s

Əlaqə

AZ RU EN

Ana səhifə / Gündəm / Önəmli təşəbbüslərin ünvanı

Önəmli təşəbbüslərin ünvanı

21.02.2022 [10:02]

Mehriban xanım Əliyeva Azərbaycanda savadlı, peşəkar və sağlam yeni nəslin formalaşmasına xidmət edən önəmli təşəbbüslərlə çıxış edir

Ölkəmizdə həyata keçirilən uğurlu dövlət siyasəti milli maraqların təmini ilə yanaşı, müasir çağırışlar əsasında gələcək inkişafın da təməllərini möhkəmləndirməkdədir. Azərbaycanın Birinci vitse-prezidenti, Heydər Əliyev Fondunun və Azərbaycan Mədəniyyətinin Dostları Fondunun prezidenti, UNESCO-nun və ISESCO-nun xoşməramlı səfiri Mehriban xanım Əliyevanın səmərəli, çoxşaxəli və ali məramlara söykənən fəaliyyəti də respublikamızın tərəqqisinin sürətləndirilməsi və davamlı xarakter alması, ayrı-ayrı sahələrdə qarşıya qoyulmuş məqsədlərin gerçəkləşdirilməsi, milli maraqlardan irəli gələn strateji əhəmiyyətli vəzifələrin reallaşdırılması baxımından böyük əhəmiyyətə malikdir. Birinci vitse-prezident Mehriban xanım Əliyeva Azərbaycanda savadlı, peşəkar və sağlam yeni nəslin formalaşmasına xidmət edən önəmli təşəbbüslərlə daim çıxış edir. Mehriban xanım Əliyevanın rəhbərlik etdiyi Heydər Əliyev Fondunun təşəbbüsü ilə həyata keçirilən bir sıra mühüm layihələr ölkəmizdə ayrı-ayrı sahələrin sürətli və müasir dövrün reallıqlarına uyğun inkişafını təmin edib.

Təhsilin inkişafı ilə bağlı layihələr mühüm uğurlara yol açır

Gənclərin keyfiyyətli təhsillə təmin olunması, ayrı-ayrı regionlarda gənclərin rahat və yeni məktəblərdə təhsil alması Mehriban xanım Əliyevanın çoxşaxəli humanist fəaliyyətinin əsas prioritetlərindəndir. Bunun nəticəsidir ki, “Yeniləşən Azərbaycana yeni məktəb” proqramı, “Uşaq evləri və internat məktəblərinin inkişafı” proqramı, “Təhsilə dəstək” və bu kimi onlarla layihələr ölkəmizdə təhsilin kefiyyətində və gənclərin təhsilə olan marağının artmasında əhəmiyyətli yer tutur. Qeyd olunan layihə və proqramların uğurlu icrası yeni savadlı və vətənpərvər nəslin formalaşdırılması prosesində əsaslı nailiyyətlərin əldə olunmasına yol açır. Təkcə 2020-2021-ci tədris ilində Heydər Əliyev Fondunun təşəbbüsü və dəstəyi ilə ölkəmizdə, o cümlədən Bakı, Gəncə və Mingəçevir şəhərlərində, eləcə də müxtəlif rayonlarda 100-ə qədər, ümumilikdə isə ötən dövr ərzində 3000-dən artıq təhsil müəssisəsi inşa və əsaslı təmir olunaraq müəllim və şagirdlərin ixtiyarına verilib. Müasir tipli məktəblərin inşası, tədris prosesində normal şəraitin yaradılması, təhsilin keyfiyyətinin yaxşılaşdırılması son illər ərzində Azərbaycan təhsilinin beynəlxalq təhsil məkanına inteqrasiyasını gücləndirib. Bu isə özlüyündə Azərbaycan təhsilinin beynəlxalq arenada tanınması və yüksək yer tutması üçün zəmin yaradır. Fondun hərtərəfli dəstəyi Azərbaycan məktəblilərinin beynəlxalq fənn olimpiadalarında uğur qazanmasının əsas təminatçısını çevrilib.
Heydər Əliyev Fondu Azərbaycan məktəblisinin hərtərəfli inkişafının təmini üçün məktəblərdə mühüm infrastrukturların qurulmasını da mühüm şərtlərdən sayır. Orta məktəb və digər təhsil müəssisələrinin idman zalları ilə təchiz olunması, futbol meydançalarının, yeni salınan parklarda mini stadionların, idman qurğularının istifadəyə verilməsi, bölgələrdə və paytaxtda şahmat məktəblərinin, idman komplekslərinin tikilməsi isə həm də Azərbaycanda idman hərəkatının genişlənməsinə səbəb olub.

Sağlam gələcəyin formalaşdırılması əsas prioritetlərdəndir

Xüsusilə uşaq və yeniyetmələrin sağlamlıqlarının qorunması, bu istiqamətdə əsaslı tədbirlərin görülməsi, layihələrin reallaşdırılması da Birinci vitse-prezidenti Mehriban xanım Əliyevanın və Heydər Əliyev Fodnunun fəaliyyətinin əsas istiqamətlərindəndir. Sağlamlığın qorunması istiqamətində beynəlxalq tədbirlər çərçivəsində Heydər Əliyev Fondu Dünya Diabet Günü kampaniyasına qoşularaq əhalinin sağlamlığının qorunması, xüsusilə uşaqların fiziki cəhətdən sağlam böyüməsinə lazımi səviyyədə diqqət yetirilməsi üçün “Talassemiyasız həyat naminə” layihəsini başladıb. Bundan əlavə, 2010-cu ildə Heydər Əliyev Fondu və UNICEF-in birgə təşkilatçılığı ilə keçirilən anemiya və talassemiya üzrə “dəyirmi masa”da bu istiqamətdə bir çox mühüm problemlər müzakirə edilmişdir. Məhz bu xidmətlərinə görə Ümumdünya Səhiyyə Təşkilatı İcraiyyə Komitəsinin 2007-ci il yanvarın 29-da Cenevrədə keçirilən 120-ci sessiyasının yekdil qərarı ilə ana, uşaq və ailə sağlamlığının qorunması və möhkəmlənməsi işində müstəsna xidmətlərinə görə Mehriban xanım Əliyeva bu beynəlxalq təşkilatın ali mükafatına layiq görülüb.
Heydər Əliyev Fondu II Qarabağ Müharibəsində sağlamlıqlarını itirmiş Azərbaycan əsgərlərinin müalicəsi, onların müasir tipli protezlərlə təmin olunması yönündə də əsaslı addımları ilə seçilib. Birinci vitse-prezidentin göstərişi əsasında Heydər Əliyev Fondu Vətən müharibəsi zamanı torpaqlarımızın ərazi bütovlüyü uğrunda şəhid olan hərbçilərin ailələrini və qazilərimizi daim diqqətdə saxlayır, onların qayğısına qalır. Fond bu kateqoriyadan olan insanların problemləri ilə yaxından maraqlanır, onları narahat edən məsələlərin həlli üçün mütəmadi olaraq tədbirlər həyata keçirir. Fondun dəstəyi ilə Vətən müharibəsində ağır yaralanan qazilərimiz müalicə və reabilitasiya üçün Türkiyəyə göndərilib və müasir protezlərlə təmin edilib.

Pərviz SADAYOĞLU

Paylaş:

Baxılıb: 757 dəfə