Enerjimiz həyatımızı necə dəyişdirir?

Bakı:

12°C

87%

0m/s

Əlaqə

AZ RU EN

Ana səhifə / Maraqlı / Enerjimiz həyatımızı necə dəyişdirir?

Enerjimiz həyatımızı necə dəyişdirir?

13.05.2023 [12:00]

Güclü enerji

Enerji insan həyatının ayrılmaz hissəsidir. İnsanlar arzularını, ehtiyaclarını və istəklərini reallaşdırmaq üçün böyük enerji sərf edirlər. Enerji bizim yalnız həyatımızı idarə etmir. Bu, həm də baş verən proseslərin yönünü də dəyişir. Bəzən hətta problemləri və maneələri də aradan qaldırır. Dolayısı ilə, insan enerjisini istədiyi istiqamətə yönləndirə bilər. Bəs bizə həm mənfi, həm də müsbət hadisələr kimi qayıdan enerjini necə idarə edə bilərik?

İnsanın həyat keyfiyyəti həm də onun həyat tərzindən asılıdır. Güclü enerji həm də insanın bacarıqlarına təsir edir. Unutmaq olmaz ki, külli-kainat bütövlükdə enerji ilə əhatələnib. Özü də bu enerji yalnız canlı varlıqları yox, cansız varlıqları da əhatə edir. Məsələn, sevdiyimiz ətir, yorğunluq sonrası içdiyimiz qəhvə, günəşli bir gün, sevdiyimiz hər hansı bir rəng, dəyərli olan hədiyyə və s. Bəzi düşüncə sahiblərinin qənaətinə görə, müasir dövrdə insanların enerjisinə ən çox təsir edən vasitə puldur. Bəli, pulun da enerjisi var. Araşdırmalar nəticəsində məlum olur ki, depressiyaya düşmüş insan pulu, rifahı özünə cəlb edə bilməz. İstəkləri reallaşması üçün həyat keyfiyyətini artırmalı, enerjimizi daim yüksək tutmalıyıq. Bu dünyada hər şeyin özəyi, mənbəyi var. Yəni baş verənlər təsadüfi olmur. Enerjinin idarə edilməsi “The secret” kitabında geniş şəkildə öz əksini tapıb. Burada düşüncə və enerji ilə həyatı dəyiməyin yolları geniş aspektdə alimlər tərəfindən araşdırılıb.

Yaxşı düşün, yaxşı olsun

Hər şeyi dəyişdirmək gücünə sahib olan yalnız insanın özü olduğunu deyən “The secret” kitabının müəllifi Rhonda Byrne insanlara tövsiyəsi zamanı bu sözləri kitabında qələmə alıb: “Haqqında ən çox nəyi düşünürsünüzsə, ya ən çox nədən ehtiyat edirsinizsə, real həyatda üzləşəcəksiniz. Bolluq içərisində yaşadığınızı təsəvvür edin... Görəcəksiniz ki, bolluğu özünüzə cəlb edəcəksiniz. Bu qayda mütləq şəkildə hər zaman hər kəsə aiddir. İnsanların istədiklərini əldə etməmələrinin yeganə səbəbi, istədiklərindən çox istəmədiklərini düşünmələridir”. Rhonda Byrnenin də dediyi kimi, biz istəmədiyimiz “yox”ları daha çox düşünürük. Onun əvəzinə istəklərimizi düşünsək, baş verən prosesləri dəyişdirəcəyik. Bu düşüncə insanlarda belə baş verir. Məsələn, mən imtahandan kəsilmək istəmirəm. Təbii ki, burada özünüz üçün yaxşı olanı istəyirsiniz, lakin bu düşüncədə olmaq, artıq kəsilmək faizini çoxaldır. Mən imtahandan yüksək bal yığacağam düşüncəsi ilə hadisəyə yanaşmaq, şəxsin imtahandan keçməyinə nail olacaq.

Orqanizmlə ətraf mühitin qarşılıqlı əlaqəsinin qorunmalı olmasını özündə ehtiva edən bir qanun var. Deməli, bir şey əldə etmək üçün nələrisə verməlisiniz. Yəni yaxşı bir hadisənin baş verməsi üçün pis bir hadisə ilə qarşılaşa bilərsiniz. Əgər insan bu tarazlıqdan imtina edərsə, o zaman böyük problemlər yarana bilər. Bu qanunu dərk edən insanlar yaşayır və inkişaf edir - böyük uğurlar qazanırlar.

Dünyanın və kainatın cazibə qüvvəsi düşüncələr ilə birləşərək qarşımıza çıxır. Məsələn, bəzən düşüncəmizi başqa insanların dilindən eşidirik. Düşüncəmizin və enerjimizin idarə olunması ilə öz istəklərimizi gərçəkləşdirməklə yanaşı, onlara hətta yön də verə bilərik. Ətrafımız enerji ilə əhatələnib. Görülməyən, lakin var olan bu enerjilər dünyamızda baş verən proseslərlə birbaşa əlaqəlidir. Bəs enerjimizi dəyişdirə bilərikmi? Bu sualla psixoloq Vüsalə Əmiraslanovaya müraciət etdik.

Düşüncələrimizi inanclarımız formalaşdırır

Psixoloq deyir ki, enerji insan həyatında çox mühüm rola malikdir: “İnsanlar enerjini müxtəlif cür qəbul edirlər. Məsələn, bu, müsbət hadisələrlə və ya adi eşitdiyimiz bir xəbərlə baş verə bilər. Düşüncələrimiz mənfi və mübət mənada həyatımıza təsir göstərir. Əgər insan yaxşı şeylər haqqında düşünərsə, bizim müsbət enerjimiz artır”.

Enerjinin necə yaranmasına gəlincə psixoloq bildirib ki, düşüncələrimizi inanclarımız formalaşdırır: “İnanclar isə davranışlarımıza birbaşa təsir edir. Bunlar isə enerjini formalaşdırır. Enerji həyatımızın böyük bir hissəsini təşkil edir.

Əgər yazının bu hissəsini oxuyursunuzsa, deməli, müsbət enerji ötürməyi haradasa bacardım. Bumeranq effektinə görə isə bu, müəllifə, yəni mənə geri qayıtmalıdır.

Enerjimiz bol olsun!

Qönçə QULİYEVA

Paylaş:

Baxılıb: 693 dəfə