İsveçrədə Azərbaycan mədəniyyəti günləri

Bakı:

2 °C

87 %

4 m/s

Əlaqə

AZ RU EN

Ana səhifə / Mədəniyyət / İsveçrədə Azərbaycan mədəniyyəti günləri

İsveçrədə Azərbaycan mədəniyyəti günləri

07.11.2009 [10:54]

Azərbaycanın İsveçrədəki səfirliyindən verilən məlumatda bildirilir ki, İsveçrədə keçirilən Azərbaycan mədəniyyəti günləri kimi möhtəşəm tədbirin hazırlanmasında ölkəmizlə əməkdaşlıq etmiş İsveçrənin nüfuzlu Culturescapes agentliyinin internet saytının “Mədəniyyət” bölməsində “İsveçrədə Azərbaycan günləri” başlıqlı məqalə yerləşdirilib.
Məqalənin əvvəlində oktyabrın 19-da Azərbaycan Prezidenti İlham Əliyevin İsveçrəyə rəsmi səfərə gəldiyi xatırlanır və elə həmin gün dövlət başçısının İsveçrə Prezidenti Hans-Rudolf Mertslə birgə Berndə dekabrın 6-dək İsveçrənin hər yerində keçiriləcək Azərbaycan mədəniyyəti günlərinin təntənəli açılış mərasimində iştirak etdiyi bildirilir.
Mədəniyyət günlərinin rəngarəngliyinin isveçrəliləri heyrətə saldığı, hər şeyin nəzərə alındığı xüsusi qeyd olunan məqalədə onların Azərbaycanın zəngin klassik (kamera və simfonik), milli (muğam) musiqisi ilə yanaşı, caz, estrada, rəqs incəsənəti, xalça sərgisi və sairlə yaxından tanış olacaqları göstərilib.
Yazıda istedadlı cazmen İsfar Sarabskidən ayrılıqda bəhs olunub, cari ilin yayında Montre şəhərində keçirilən Beynəlxalq Caz Festivalında müvəffəqiyyətli çıxışı xatırlanıb, qarşıdakı konserti barədə oxuculara məlumat verilib.
Noyabrın 10 və 11-də Bazelin caz klubunda tanınmış Azərbaycan musiqiçisi, bəstəkar və pianoçu Salman Qəmbərov və müğənni Fəridə Məmmədovanın, habelə, S.Qəmbərovun rəhbərlik etdiyi “Bakustik-caz” ansamblının çıxış edəcəkləri bildirilib.
Noyabrın 18-də fotoqraf Rəna Əfəndinin sərgisinin keçiriləcəyi ilə bağlı məlumatda azərbaycanlı fotoqrafın Amerikanın “Photo District” jurnalının 2007-ci ildə dünyanın 30 ən yaxşı foroqrafı siyahısına daxil edildiyi, 2006-cı ildə Getti İmages müsabiqəsinin xüsusi mükafatını aldığı, İtaliyada Giacombelli mükafatına layiq görüldüyü, Fransanın Perpian və Bordo şəhərlərində Visa pour l’image 18-ci Beynəlxlaq Fotojurnalist sərgisində fotolarının fərdi şəkildə nümayiş etdirdiyi, onun fotolarının Fransanın, Amerikanın, Yaponiyanın, Rusiyanın və digər ölkələrin müxtəlif mətbu orqanlarında çap edildiyi məqalədə yer alıb.
Yazıda, həmçinin, noyabrın 25-də Usterdə, 29-da isə Berndə dahi Azərbaycan şairi Nizami Gəncəvinin “Leyli və Məcnun” poeması ilə bağlı seminarın keçiriləcəyi diqqətə çatdırılıb. Poemanın süjetinin Yaxın və Orta Şərqdə, xüsusən də, Azərbaycanda populyar olan tarixi faciəvi sevgidən götürüldüyü, bu poemanın təsiri altında “Romeo və Cülyetta”nın yarandığı, Nizami Gəncəvinin poemasından təsirlənmiş Füzulinin eyniadlı poema yazdığı, dahi bəstəkar üzeyir Hacıbəylinin yaratdığı operada Leyli və Məcnunun ülvi məhəbbətindən bəhs olunduğu məqalədə öz əksini tapıb.
Müəllif tarixi səhvi təkrarlayaraq Nizami Gəncəvini fars şairi kimi qələmə verib.
Məqalədə Azərbaycan mədəniyyəti günlərində “Qarabağ bülbülləri” vokal ansamblının çıxış edəcəyi, xalqımızın keçmiş tarixindən bu günədək populyarlığını itirməmiş aşıq musiqisinin səslənəcəyi, Vinterture şəhərində Bakı Marionetka və Usterdə isə Dövlət Pantomim teatrlarının isveçrəli tamaşaçılar qarşısında çıxış edəcəyi bildirilib. ü.Hacıbəyli adına Dövlət simfonik orkestrinin dekabrın 6-da Bazeldə konserti ilə İsveçrədə Azərbaycan mədəniyyəti günlərinə yekun vurulacağı bəyan edilib.

Paylaş:

Baxılıb: 1392 dəfə