DTXK 2013-cü ilin yekunlarına həsr olunmuş geniş kollegiya iclası keçirib

Bakı:

25 °C

64 %

8 m/s

Əlaqə

AZ RU EN

Ana səhifə / Siyasət / DTXK 2013-cü ilin yekunlarına həsr olunmuş geniş kollegiya iclası keçirib

DTXK 2013-cü ilin yekunlarına həsr olunmuş geniş kollegiya iclası keçirib

13.02.2014 [09:21]

Azərbaycan Respublikasının Dövlət Torpaq və Xəritəçəkmə Komitəsi (DTXK) 2013-cü ilin yekunlarına həsr olunmuş geniş kollegiya iclası keçirib. Kollegiya iclasını giriş sözü ilə açan komitə sədri, akademik Qərib Məmmədov bildirib ki, komitənin struktur vahidlərinin, o cümlədən tabeçiliyində olan Dövlət Yerquruluşu Layihə İnstitutunun, Dövlət Aerogeodeziya Müəssisəsinin, Dövlət Torpaq Kadastrı və Monitorinqi Elm-İstehsalat Mərkəzinin və Bakı Kartoqrafiya Fabrikinin üzərinə 2013-cü ildə də torpaq, geodeziya və kartoqrafiya sahəsində Azərbaycan Respublikasının qanunlarına, Azərbaycan Respublikası Prezidentinin fərmanlarına, Azərbaycan Respublikası Nazirlər Kabinetinin qərarlarına müvafiq olaraq mühüm dövlət tapşırıqları qoyulub: “Bu tapşırıqlarla əlaqədar icraçı struktur vahidlərinin rəhbərlərinin hesabatları dinlənilmiş, müzakirə olunaraq müvafiq qərar qəbul olunmuşdur”.
Qərib Məmmədov qeyd edib ki, Ümummilli lider Heydər Əliyevin uzaqgörən siyasəti, Azərbaycan xalqına diqqət və qayğısının nəticəsi olaraq həyata keçirilməyə başlanılan və bu gün Prezident İlham Əliyevin rəhbərliyi ilə uğurla davam etdirilən, ölkəmizin inkişafında iqtisadi və siyasi əhəmiyyət kəsb edən torpaq islahatının qarşıya qoyduğu vəzifələrlə bağlı Dövlət Torpaq və Xəritəçəkmə Komitəsi 2013-cü ildə də mühüm təxirəsalınmaz tədbirlər görülüb.
Bələdiyyələrə yerquruluşu sənədlərinin verilməsi istiqamətində ardıcıl işlər görülüb
Akademik Qərib Məmmədov deyib ki, hesabat ilində Azərbaycan Respublikasının Milli Məclisində dövlət reyestri aparılaraq şəhadətnamənin verilməsi məqsədilə respublikanın 41 rayonu üzrə 262 inzibati ərazi dairəsinin sərhədlərinin döngə nöqtələrinin koordinatlarının müəyyən edilməsi, mərzçəkmə işlərinin aparılması və xəritələşdirilməsi işləri həyata keçirilib, 34 rayon üzrə 176 bələdiyyənin ərazi sərhədlərinin döngə nöqtələrinin koordinatlarının müəyyən edilməsi, mərzçəkmə işlərinin aparılması və xəritələşdirilməsi işlərinə başlanılıb və bundan 35 bələdiyyənin xəritələrinin hazırlanması işləri başa çatdırılıb.
Dövlət sərhədlərinin delimitasiyası və demarkasiyası üzrə bir sıra işlər görülüb
DTXK sədrinin sözlərinə görə, qeyd edilənlərlə yanaşı, Azərbaycan Respublikası Prezidentinin “Azərbaycan Respublikası ilə Gürcüstan və Rusiya arasında dövlət sərhədlərinin delimitasiyası və demarkasiyası üzrə Dövlət Komissiyası haqqında” 2002-ci il 30 iyul tarixli 965 və 966 nömrəli sərəncamlarının və Nazirlər Kabinetinin “Dövlət sərhədlərinin delimitasiyası və demarkasiyası üzrə Dövlət Komissiyasının ekspert qrupu haqqında” 2002-ci il 23 oktyabr tarixli 233 nömrəli Sərəncamının icrası məqsədi ilə 2013-cü ildə Azərbaycan Respublikası ilə Gürcüstan arasındakı dövlət sərhədində delimitasiya ilə bağlı razılaşdırılmamış sahələr üzrə ekspertlər səviyəsində işlər davam etdirilib: “Azərbaycan Respublikası ilə Rusiya Federasiyası arasındakı dövlət sərhədində demarkasiya üzrə işlərə start verilmişdir. Belə ki, 2013-cü ilin may ayında Rusiya Federasiyasının və Azərbaycan Respublikasının dövlət sərhədlərinin demarkasiyası ilə bağlı Dövlət Komissiyalarının ilk iclası keçirilmişdir. Hal-hazırda ekspertlər səviyyəsində demarkasiya ilə bağlı normativ sənədlər hazırlanır”.
Onun sözlərinə görə, Azərbaycan Respublikası ilə İran İslam Respublikası arasındakı dövlət sərhədində redemarkasiya (sərhəd nişanlarının bərpası və yenidən qurulması) və sahilbərkitmə ilə bağlı müvafiq topoqrafiya, geodeziya və yerquruluşu işləri aparılıb.
Qarşıda duran vəzifələrə uyğun davamlı tədbirlər görülür
Komitə sədri bildirib ki, torpaq müsabiqələri və hərracları, məcburi köçkünlərə torpaq sahəsinin ayrılması, daşınmaz əmlakın qeydiyyatı layihəsi, Milli Atlasın hazırlanması, iri taxılçılıq təsərrüfatlarının yaradılması, geodeziya, topoqrafiya, kartoqrafiya fəaliyyətinə dövlət nəzarəti və bu fəaliyyətlə bağlı lisenziyaların verilməsi və digər məsələlərə dair mühüm tədbirlər görülüb, qarşıda duran vəzifələr müəyyənləşdirilib.
NURLAN

Paylaş:

Baxılıb: 955 dəfə