Siyavuş Novruzov: Amnistiya aktı Heydər Əliyev Fondunun humanizm prinsiplərinə sadiqliyini göstərir

Bakı:

19 °C

94 %

1 m/s

AZ RU EN

Ana səhifə / Siyasət / Siyavuş Novruzov: Amnistiya aktı Heydər Əliyev Fondunun humanizm prinsiplərinə sadiqliyini göstərir

Siyavuş Novruzov: Amnistiya aktı Heydər Əliyev Fondunun humanizm prinsiplərinə sadiqliyini göstərir

17.06.2016 [10:06]

Azərbaycanın birinci xanımı, Heydər Əliyev Fondunun prezidenti, millət vəkili Mehriban Əliyevanın təşəbbüsü ilə Milli Məclisdə qəbul olunan amnistiya aktı Heydər Əliyev Fondunun öz siyasətində humanizm prinsiplərinə sadiqliyinin bariz nümunəsidir.
Bunu Trend-ə Milli Məclisin deputatı Siyavuş Novruzov deyib.
S.Novruzov bildirib ki, Heydər Əliyev Fondu yarandığı dövrdən onun siyasətində humanizm prinsipləri mühüm yer tutur: “Heydər Əliyev Fondunun prezidenti Mehriban xanım Əliyevanın amnistiya elan olunması ilə bağlı təşəbbüsləri də cəmiyyət tərəfindən yüksək qiymətləndirilir”.
Millət vəkili deyib ki, hazırkı amnistiya aktı Mehriban xanım Əliyeva tərəfindən irəli sürülən 4-cü amnistiya aktıdır: “Ümumiyyətlə, Azərbaycan müstəqilliyini bərpa etdiyi 18 oktyabr 1991-ci ildən Ümummilli lider Heydər Əliyev hakimiyyətə qayıdana qədər ölkəmizdə hər hansı amnistiya və ya əfv haqqında qərar və sərəncam olmayıb. Məhz Ümummilli liderin hakimiyyətə qayıdışından sonra 1996-cı ildən başlayaraq amnistiya haqqında qərarlar qəbul olunub. Mehriban xanım Əliyevanın təşəbbüsü ilə qəbul edilən indiki amnistiya aktına qədər Azərbaycanda bu yöndə 10 qərar qəbul olunub. 7 amnistiya aktı Ümummilli lider Heydər Əliyevin prezidentliyi dövründə qəbul edilib”.
O bildirib ki, digər 3 amnistiya aktının təşəbbüskarı isə məhz Heydər Əliyev Fondunun prezidenti, Milli Məclisin deputatı Mehriban xanım Əliyevadır: “Belə ki, Mehriban xanım Əliyevanın təşəbbüsü ilə Milli Məclis tərəfindən 8 may 2007-ci ildə qəbul olunmuş qərarla 9877 məhkum barəsində, 17 mart 2009-cu il tarixli qərarla 9564 məhkum barəsində amnistiya tətbiq edilib. 7 may 2013-cü il tarixli qərar isə 9000 şəxsə şamil edilib, o cümlədən 2 mindən artıq məhkum azadlıqdan məhrumetmə yerlərindən azad edilib. Mehriban xanım Əliyevanın təşəbbüsü ilə qəbul edilən indiki amnistiya aktının isə 10 min nəfərə şamil ediləcəyi, o cümlədən 3500 nəfərin azadlıqdan məhrumetmə cəzasından azad ediləcəyi gözlənilir”.
S.Novruzov deyib ki, nəticə etibarilə Mehriban xanım Əliyevanın təşəbbüsü ilə təqdim olunan amnistiya aktlarının şamil olunma dərəcəsi 40 min nəfərdən çox olacaq: “Bütövlükdə isə ölkəmizdə qəbul olunmuş amnistiya aktları 110 min insanı əhatə edir. Bununla yanaşı, həm Ulu öndər Heydər Əliyev, həm də Prezident İlham Əliyev tərəfindən milli və dövlət bayramları ərəfəsində 20-dən artıq əfv sərəncamı imzalanıb və bu humanist aksiya nəticəsində minlərlə məhkum olunmuş insan cəzalarının çəkilməyən hissəsindən azad edilərək ailələrinə qovuşub. Bax, budur Heydər Əliyev siyasətinin nəticəsi”.

Paylaş:

Baxılıb: 715 dəfə