31 mart soyqırımı qurbanlarının xatirəsi yaddaşlardan silinməyəcək

Bakı:

22 °C

65 %

7 m/s

Əlaqə

AZ RU EN

Ana səhifə / Siyasət / 31 mart soyqırımı qurbanlarının xatirəsi yaddaşlardan silinməyəcək

31 mart soyqırımı qurbanlarının xatirəsi yaddaşlardan silinməyəcək

01.04.2017 [09:21]

31 Mart- Azərbaycanlıların Soyqırımı Günü ilə əlaqədar Azərbaycanın Gürcüstandakı səfirliyində anma mərasimi təşkil olunub.
Mərasimdə Azərbaycan Respublikasının Millətlərarası, multikulturalizm və dini məsələlər üzrə Dövlət müşaviri Kamal Abdullayev, ABŞ-ın və Bolqarıstanın Tbilisidəki səfirliklərinin məsul əməkdaşları, Gürcüstanın hökumət üzvləri, siyasətçilər, tarixçi alimlər və ictimaiyyət nümayəndələri iştirak ediblər.
Tədbir iştirakçıları səfirliyin binasının foyesində erməni terrorundan bəhs edən kitabların sərgisinə baxıblar.
Səfir Dursun Həsənov tədbiri açaraq erməni-bolşevik birləşmələri tərəfindən Azərbaycan ərazisində törədilən vəhşiliklər haqqında məlumat verib. Bildirib ki, həmin dövrdə erməni-bolşevik dəstələri əvvəlcədən Şamaxıda yerləşdirilib. 2000 min erməni əsgəri və 60 yük maşınına doldurulmuş silah-sursat əvvəlcədən müəyyənləşdirilən yerə gətirilib. 1918-ci il martın 31-də, eləcə də aprelin 1-2-də erməni-bolşevik hərbi birləşmələri Bakıda, eləcə də, Şamaxı, Quba, Kürdəmir, Salyan, Qarabağ, Zəngəzur, Naxçıvan və Lənkəranda əliyalın insanları kütləvi şəkildə, amansızcasına qətlə yetiriblər. Bu barədə tarixi mənbələrdə də geniş məlumat verilib və sübut olunub ki, bu, əsl soyqırımı idi.
Diplomat 1998-ci il martın 26-da Prezident Heydər Əliyevin imzaladığı “Azərbaycanlıların soyqırımı haqqında” Fərmanla azərbaycanlıların soyqırımına əsl hüquqi və siyasi qiymət verildiyini qeyd edib.
Akademik Kamal Abdullayev çıxışında deyib ki, biz hər il bu soyqırımı hadisələrinin qurbanlarını anırıq. Bu, soyqırımı Azərbaycan xalqının qan yaddaşına yazılan hadisədir. Akademik erməni terrorçularının həmin dövrdə azərbaycanlıları, gürcüləri, rusları, yəhudiləri, həmçinin ermənilərin özlərini də qətlə yetirdiklərini bildirib.
Azərbaycanda və Gürcüstanda multikulturalizmin inkişafından danışan Kamal Abdullayev deyib ki, multikulturalizmin inkişafı bizim dostluğumuzun daha da möhkəmlənməsinə xidmət edir. Gürcü və azərbaycanlı gənclər bu mövzuya böyük maraq göstərirlər. Bu da çox vacibdir. Azərbaycan-Gürcüstan dostluğu bizə həmişə əzizdir.
Terrorizm və Problemlər Araşdırmalar Mərkəzinin sədri Badri Naçkebia çıxışında deyib ki, Azərbaycan xalqı soyqırımı qurbanı olub. Bu, tarixi həqiqətdir. Bu gün qardaş Azərbaycan xalqı üçün ağrılı bir gündür.
Suxumi Dövlət Universitetinin professoru, tarixçi alim Quram Marxuliya isə bildirib ki, bu gün Ermənistanın yerləşdiyi torpaqlar Azərbaycanın tarixi torpaqlarıdır. Ermənilər 1918-ci ildə Gürcüstana da hücum ediblər. Tiflisdə yaşayan ermənilər onlara kömək ediblər. Ermənilər sovet dövründə də Abxaziyada Baqramyan adına alay yaradaraq gürcülərə qarşı vuruşublar. Belə bir hadisə 1905-1906-cı illərdə də baş verib. Bu illərdə ermənilər tərəfindən həm gürcülər, həm də azərbaycanlılar öldürülüblər.
Gürcüstan Ağsaqqallar Şurası sədrinin müavini Mayak Nemətov çıxışında Azərbaycan və gürcü xalqlarının oxşar tarixindən, müstəqillik mübarizəsindən, ermənilərin Cənubi Qafqazdakı pozuculuq fəaliyyətindən danışıb.
Çıxışlarda bir fikir xüsusi vurğulanıb ki, ermənilər zaman-zaman azərbaycanlılara və gürcülərə qarşı soyqırımı, kütləvi qırğınlar, terror və digər ağır cinayətlər törədiblər. Ötən əsrin əvvəllərində ermənilərin Azərbaycanda və Gürcüstanda törətdikləri qırğınlardan 100 il keçsə də, həmin qanlı cinayətlərin izi hələ də xalqımızın yaddaşından silinməyib.
Sonda soyqırımı haqqında sənədli film nümayiş etdirilib.

Paylaş:

Baxılıb: 496 dəfə