Azərbaycan-Qətər münasibətləri bütün sahələrdə yüksələn xətlə inkişaf edir

Bakı:

22 °C

78 %

3 m/s

Əlaqə

AZ RU EN

Ana səhifə / Siyasət / Azərbaycan-Qətər münasibətləri bütün sahələrdə yüksələn xətlə inkişaf edir

Azərbaycan-Qətər münasibətləri bütün sahələrdə yüksələn xətlə inkişaf edir

16.12.2017 [00:53]

Bakıda Qətərin milli bayramı qeyd edilib
Qətərin milli bayramı ilə əlaqədar bu ölkənin Azərbaycandakı səfirliyi dekabrın 14-də rəsmi qəbul təşkil edib. Rəsmi şəxslərin, Milli Məclisin deputatlarının, səfirlərin, jurnalistlərin, ictimaiyyətin nümayəndələrinin iştirak etdiyi rəsmi qəbulda öncə hər iki ölkənin dövlət himnləri səsləndirilib.
Sonra çıxış edən səfir Yusif bin Həsən əl-Sai ölkəsinin keçdiyi inkişaf yolundan danışıb. Ölkələrimiz arasında əlaqələrə toxunan səfir Azərbaycan-Qətər münasibətlərinin bütün sahələrdə yüksələn xətlə inkişaf etdiyini söyləyib. O, bu ilin yanvarında keçirilən Qətər və Azərbaycan hökumətləri arasında birgə iqtisadi, ticari və texniki komissiyanın birinci toplantısının əlaqələrimizin inkişafına töhfə verdiyini vurğulayıb.
Səfir Azərbaycan Prezidenti İlham Əliyevin 2017-ci ilin fevralında Dohaya etdiyi tarixi səfərin iki dost ölkə arasındakı münasibətlərin inkişafına təkan verdiyini söyləyib. Qeyd edib ki, ölkələrimiz arasında müxtəlif sahələrdə əməkdaşlıqla bağlı sənədlər imzalanıb.
Tədbirdə çıxış edən fövqəladə hallar naziri Kəmaləddin Heydərov əlamətdar gün münasibətilə Qətər xalqını Azərbaycan Respublikasının Prezidenti İlham Əliyevin adından təbrik edib. Nazir deyib ki, iki ölkə arasındakı dostluq və əməkdaşlıq münasibətlərinin xoş ənənələri mövcuddur. Ölkələrimiz arasında ikitərəfli diplomatik əlaqələrin əsasının 1994-cü ildə qoyulduğunu deyən nazir bildirib ki, 2004-cü ildə Azərbaycan Respublikasının Prezidenti İlham Əliyev tərəfindən həyata keçirilən rəsmi səfər və bu səfər çərçivəsində iqtisadiyyat, mədəniyyət, turizm, səhiyyə və idman kimi sahələrdə imzalanmış müvafiq sənədlər ikitərəfli əməkdaşlığın daha da genişlənməsinə təkan verib.
2016-cı ilin martında Qətər Dövlətinin Əmiri Şeyx Təmim bin Həməd Al-Taninin Azərbaycana rəsmi səfəri və səfər zamanı əldə edilmiş razılaşmalar iki ölkə arasındakı əlaqələrin sürətli inkişafı üçün möhkəm zəmin yaradıb. Hər iki dövlətin rəhbərləri səviyyəsində olan səmimi və yüksək etibara söykənən münasibətlər ölkələrimiz arasındakı ikitərəfli əməkdaşlığın yüksək templərlə genişlənməsi üçün əsas yaradıb. Hazırda iki ölkənin müxtəlif sahələrdə, o cümlədən fövqəladə hallarla mübarizə və mülki müdafiənin təşkili sahəsində əməkdaşlıq etdiyini deyən nazir istər ikitərəfli qaydada, istərsə də beynəlxalq təşkilatlar çərçivəsində gələcək əməkdaşlığımızın daha da möhkəmlənəcəyinə əminliyini ifadə edib.
NADİR

Paylaş:

Baxılıb: 592 dəfə