Cavid Osmanov: Yeni Azərbaycan Partiyasının VI Qurultayı ölkəmizin ictimai-siyasi həyatının ən mühüm hadisələrindən biridir

Bakı:

22 °C

78 %

3 m/s

AZ RU EN

Ana səhifə / Siyasət / Cavid Osmanov: Yeni Azərbaycan Partiyasının VI Qurultayı ölkəmizin ictimai-siyasi həyatının ən mühüm hadisələrindən biridir

Cavid Osmanov: Yeni Azərbaycan Partiyasının VI Qurultayı ölkəmizin ictimai-siyasi həyatının ən mühüm hadisələrindən biridir

10.02.2018 [00:58]

“Yeni Azərbaycan Partiyasının (YAP) VI Qurultayı ölkəmizin ictimai-siyasi həyatının ən mühüm hadisələrindən biridir. Qurultayın partiyamızın Sədri, cənab İlham Əliyevin prezidentliyə namizədliyinin irəli sürülməsi haqqında qəbul etdiyi qərar Azərbaycan cəmiyyətinin mütləq mövqeyidir”. Bu fikirləri yap.org.az saytına YAP Ağdaş rayon təşkilatının sədri, Milli Məclisin deputatı Cavid Osmanov deyib.
C.Osmanov bildirib ki, öz sıralarında 700 min nəfərdən çox insanı birləşdirən YAP ümumxalq partiyası statusu qazanıb. Çünki Ümummilli liderimiz Heydər Əliyevin qurucusu olduğu partiyanın amalı xalqımıza və dövlətimizə xidmət etməkdən ibarət olub. Onun sözlərinə görə, Prezident İlham Əliyevin rəhbərliyi ilə YAP daha da güclənərək regionun ən böyük siyasi qüvvəsinə çevrilib.
“Əlbəttə ki, ümumxalq partiyasının qurultayında qəbul olunan qərar bilavasitə xalqın mövqeyini ifadə edir. Hazırda cəmiyyətimizdə bu qərar geniş müzakirə olunur və çox yüksək qiymətləndirilir. Cənab İlham Əliyev 2003-cü ildən etibarən Azərbaycana rəhbərlik etdiyi müddət ərzində ölkəmiz bütün sahələr üzrə misilsiz nailiyyətlər qazanıb. Məhz Prezidentimizin siyasətinin nəticəsidir ki, ötən 15 il ərzində Azərbaycan böyük inkişaf yolu keçib, sosial-iqtisadi göstəricilər dəfələrlə artıb, eləcə də beynəlxalq müstəvidə mövqeyimiz daha da güclənib. Azərbaycan mötəbər beynəlxalq tədbirlərin keçirildiyi mərkəzlərdən birinə çevrilib. Bu gün Azərbaycanın iştirakı olmadan regionda hər hansı qlobalmiqyaslı layihələri reallaşdırmaq mümkün deyil. Təkcə bu fakt Prezident İlham Əliyevin siyasətinin nə qədər yüksək nəticələr verdiyini göstərir. Çünki əldə olunan bu nəticələr məhz cənab Prezidentin düşünülmüş, qətiyyətli siyasəti sayəsində əldə olunub. Bu baxımdan, qarşıdan gələn prezident seçkilərində cənab İlham Əliyevin namizədliyinin irəli sürülməsinin ölkə vətəndaşları tərəfindən böyük sevinclə qarşılamasının ciddi əsasları var. İnanırıq ki, bu seçkilər də azad və demokratik şəkildə baş tutacaq. Rəhbərlik etdiyim YAP Ağdaş rayon təşkilatı da seçki kampaniyasına fəal şəkildə hazırlaşır və partiyanın İcra Katibliyinin bütün tövsiyə və tapşırıqlarını layiqincə yerinə yetirməyə çalışacaq”, - deyə C.Osmanov qeyd edib.

Paylaş:

Baxılıb: 2276 dəfə