Xəyanətkar Orduxan Teymurxan ermənilərin müdafiəçisi rolunda

Bakı:

20 °C

94 %

6 m/s

Əlaqə

AZ RU EN

Ana səhifə / Siyasət / Xəyanətkar Orduxan Teymurxan ermənilərin müdafiəçisi rolunda

Xəyanətkar Orduxan Teymurxan ermənilərin müdafiəçisi rolunda

23.02.2018 [10:04]

Antimilli mərkəzlərin maliyyəsi ilə ortaya atılmış “beşinci kolon” nümayəndəsi ermənilərin işğal altında olan torpaqlarda vandalizm törətmədiyini iddia edir
Son illərdə iqtisadi-siyasi nailiyyətləri ilə dünya ictimaiyyətinin diqqətini cəlb edən Azərbaycan dövləti beynəlxalq münasibətlər sistemində də etibarlı tərəfdaş kimi qəbul edilməkdədir. Azərbaycanın qlobal miqyaslı bir sıra layihələrin reallaşmasında əsas söz sahibi kimi çıxış etməsi, Avropanın enerji təhlükəsizliyinin təmin olunmasında mühüm rol oynaması, o cümlədən Şərq ilə Qərbin qovuşma nöqtəsi olması ölkəmizə mühüm üstünlüklər yaradır. Həmçinin bu gün Azərbaycanın apardığı hücum diplomatiyası Ermənistanın işğalçılıq siyasətini, vandalizmini, terroru dövlət siyasətinə çevirməsini bütün dünyaya açıq şəkildə nümayiş etdirməkdədir.
Təəssüf ki, ölkəmizin milli maraqları, inkişafı və sabitliyi özündə ehtiva edən, eləcə də Dağlıq Qarabağın işğaldan azad olunmasına yönəlik siyasi kurs yürütməsi başda ermənipərəst mərkəzlər, erməni lobbisi olmaqla düşmənlərimizi narahat etməkdədir. Bu narahatlıq isə zaman-zaman ölkəmizə, milli maraqlarımıza qarşı həmin mərkəzlər tərəfindən çirkin kampaniyalar aparılması, yalan təbliğata yer verilməsi ilə nəticələnir. Erməni lobbisinin bu məsələdə ən yaxın “köməkçiləri” isə, təbii ki, “sapı özümüzdən olan balta”lar, yəni “beşinci kolon” nümayəndələridir. Ermənilərə xidmət göstərən bu xəyanətkar qrup maddi təminat qarşılığında torpaqlarımızı işğal edən düşmənlərlə eyni səfdə yer alır, ölkəmizə qarşı olmazın yalanları söyləməkdən çəkinmirlər. Bu xainlər hətta bəzi anlarda özlərini “ermənidən daha artıq erməni” qiyafəsində təqdim edirlər. Onlar ermənilərin Azərbaycan dövlətinə qarşı apardıqları “qara piar” kampaniyasına açıq şəkildə dəstək verir, Ermənistan dövlətinin Azərbaycana qarşı işğalçılıq, xalqımıza qarşı soyqırımı siyasəti ilə bağlı həqiqətləri təhrif edirlər. Bu antimilli ünsürlər sırasında xüsusi fəallıq göstərənlərdən biri də Hollandiyada məskunlaşmış Orduxan Teymurxandır.
Bu bir həqiqətdir ki, ölkəmizdə mühüm əhəmiyyətli tədbirlər ərəfəsində erməni diasporunun və anti-azərbaycançı mərkəzlərin diktəsi və maliyyə dəstəyi ilə fəaliyyət göstərən antimilli ünsürlər xüsusi “fəallıq” fazasına daxil olurlar. Nəzərə alsaq ki, ölkəmizdə aprel ayında prezident seçkiləri baş tutacaq, bu baxımdan artıq ənənə halını alan kampaniyalar “başadüşüləndir”. Amma Azərbaycan dövlətinə qarşı faktiki olaraq düşmənçilik edən O.Teymurxan öz davranışları ilə bütün “sərhədləri yandırır”. Belə ki, ermənipərəst mərkəzlərin “əsas aləti” və ən etibarlı kadrı olmaq üçün dəridən-qabıqdan çıxan Orduxan Teymurxan ermənilərin işğal etdikləri Dağlıq Qarabağ ərazisində vəhşilik etmədiyini bildirib. Bu şəxs iddia edir ki, ermənilər işğal altında olan torpaqlarda qəbirləri, məscidləri bilərəkdən dağıtmayıblar.
Bəli, bu faktın özü bir daha ermənipərəstlərə sığınaraq Azərbaycanın milli maraqlarına qarşı cəbhə alan, ermənilərin işğal altındakı torpaqlarda vandalizm aktları törətmədiyini iddia edən Orduxan Teymurxanın əsl məqsədlərini, simasını ortaya qoyur və erməni lobbisi tərəfindən maliyyələşən və onların sifarişləri əsasında hərəkət edən “beşinci kolon” bir daha özünü ifşa edir. Xocalı soyqırımını törətmiş, Azərbaycanın 20 faizdən artıq torpaqlarını işğal altında saxlayan, bir milyondan artıq insanı öz doğma yurd-yuvalarından qaçqın və didərgin halına salan erməniləri müdafiə edən Orduxan Teymurxan həm də açıq şəkildə hansı mərkəzlərin direktivləri ilə hərəkət etdiyini göstərir. Amma xəyanəti özünə peşə seçmiş belələri unutmamalıdırlar ki, Azərbaycan dövləti öz torpaqlarını işğaldan azad edəcək və ermənilərin pulu ilə ölkəsinə qarşı xəyanət edənlərin isə arzuları puça çıxacaq...
Pərviz SADAYOĞLU

Paylaş:

Baxılıb: 470 dəfə