Heydər Əliyev
yeni azerbaycan logo

Ana səhifə / Siyasət / Milli Məclisdə görüş olub

Milli Məclisdə görüş olub

03.03.2010 [10:41]

Yeni Azərbaycan Partiyası (YAP) ilə Avropa Xalq Partiyası (AXP) arasında yaranmış münasibətlər Azərbaycan-Belçika parlamentləri arasında əlaqələrin inkişafında da mühüm rol oynayacaq. Bu fikir dünən Milli Məclisin sədri Oqtay Əsədovla  Azərbaycanda səfərdə olan Avropa Xalq Partiyasının (AXP) prezidenti, Belçikanın sabiq Baş naziri Vilfred Martinsin görüşündə səslənib. O.Əsədov qonağa Milli Məclisin fəaliyyəti, beynəlxalq əlaqələri, Azərbaycanın xarici siyasətinin həyata keçirilməsindəki rolu barədə ətraflı məlumat verib. Bildirib ki, ölkələrimiz arasında əlaqələrin inkişafında dövlətlərimizin başçılarının xüsusi xidmətləri var.
V.Martinsin “Avropa: Mən mübarizə aparıram, mən qalib gəlirəm” (“Europe: I Struggle, I Overcome”) kitabının Azərbaycanda təqdimatının keçirilməsini yüksək qiymətləndirən O.Əsədov deyib ki, müəllifin həyat təcrübəsinə əsaslanan bu kitab siyasi fəaliyyətə yol açan fəlsəfi əsərdir. Milli Məclisin sədri bildirib ki, dünyanın 39 ölkəsindən 74 siyasi partiyanın təmsil olunduğu AXP ilə ölkəmizin ən güclü və nüfuzlu siyasi təşkilatı olan YAP arasında yaranmış xoş münasibət həm parlamentlərimiz, həm də xalqlarımızın əlaqələrinin inkişafına müsbət təsir göstərəcək.
V.Martins göstərilən qonaqpərvərliyə və kitabının təqdimatının təşkilinə görə minnətdarlıq edərək bildirib ki, kitabın Azərbaycan dilinə tərcüməsi də nəzərdə tutulub. O deyib ki, rəhbərlik etdiyi AXP Azərbaycanın hakim Yeni Azərbaycan Partiyası ilə əlaqələrin inkişafında maraqlıdır. Müxtəlif sahələrdə, eləcə də siyasi partiyalar arasında əməkdaşlıq demokratiyanın inkişafı, inteqrasiya, xalqlar arasındakı əlaqələrin genişlənməsində mühüm rol oynayır. Qonaq YAP-ın AXP alyansına daxil olması məsələsinin müzakirə edildiyini və bu məsələnin müsbət həll olunacağına ümidvar olduğunu bildirib. Görüşdə qarşılıqlı maraq doğuran digər məsələlər ətrafında da fikir mübadiləsi aparılıb.

Paylaş:
Baxılıb: 1065 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30