Bakı şəhərində Naxçıvan Muxtar Respublikası daimi nümayəndəliyinın məlumatı

Bakı:

16°C

82%

1m/s

Əlaqə

AZ RU EN

Ana səhifə / Siyasət / Bakı şəhərində Naxçıvan Muxtar Respublikası daimi nümayəndəliyinın məlumatı

Bakı şəhərində Naxçıvan Muxtar Respublikası daimi nümayəndəliyinın məlumatı

05.03.2010 [10:02]

Naxçıvan Muxtar Respublikasının Bənəniyar kəndi yenidən müxalifət mətbuatının gündəliyinə çıxarılıb. “Azadlıq” qəzetinin rəsmi internet saytında bu məsələ ilə əlaqədar müxtəlif başlıqlar altında iki məlumat yerləşdirilib. İstinad olunan mənbələr - “Turan” İnformasiya Agentliyinin bölgədəki üzdəniraq müxbiri Məlahət Nəsibova və insan hüquqlarının müdafiəçisi adı altında dəllallıqla məşğul olan Leyla Yunusdur.
“Azadlıq” qəzetinin “Turan”ın bölgə müxbirinə istinadla verdiyi məlumatda bildirilir ki, “Keçən il dekabrın 28-dən etibarən ötən iki ayda Naxçıvanın Bənəniyar kəndində Aşura mərasimi ilə bağlı sakinlərə edilən təzyiqlər nəticəsində 4 nəfər - Fərzalı Əliyev, Əliyar Əliyev, Eldəniz Cəbiyev və Rza Nuriyev vəfat edib, bir nəfər - Əli Rəhimov hələ də ağır xəstədir”.
Leyla Yunus isə “Bənəniyar hadisələri zamanı işgəncədən artıq dörd nəfərin dünyasını dəyişdiyini” deyərək bu faktların hüquq-müdafiə təşkilatlarının hesabatlarına salınacağı ilə təhdid edir.
Bəs əslində nə baş verib? Faktların təhlili göstərir ki, ötən ilin dekabrından bu günə kimi həmin kənddən dünyasını dəyişən insanların hamısı işgəncə qurbanları kimi qələmə verilir. Bir qayda olaraq, yoxlanılmamış və əsassız materiallar dərc edən “Azadlıq” qəzetində iddia olunur ki, Fərzalı Əliyev işgəncə qurbanıdır. Əslində isə 1969-cu il aprelin 1-də Bənəniyar kəndində anadan olan Əliyev Fərzalı Əli oğlu səkkiz ay əvvəl ailəsi ilə birlikdə Bakı şəhərinə köçərək orada yaşamış və tikintidə çalışıb. ürəyindən şikayətləri olmuş, iki dəfə gizli infarkt keçirib. 2010-cu il yanvarın 15-də ürək ağrılarından şikayəti ilə Bakı şəhərindəki Sabunçu Rayon Xəstəxanasına yerləşdirilib, orada infarkt xəstəliyindən vəfat edib.
“Azadlıq” qəzetinin “işgəncə qurbanları”nın siyahısında Əliyar Əliyev adlı şəxsin də adı var. Əslində soyadı qeyd olunduğu kimi Əliyev yox, Həsənov olan Əliyar Tahar oğlu Həsənov 1964-cü il iyulun 1-də Bənəniyar kəndində anadan olub, Rusiya Federasiyasının Saratov şəhərində yaşayıb, böyrək çatışmazlığı xəstəliyinə düçar olub, uzun müddət Bakı şəhərində müalicə alıb. Böyrək çatışmazlığı problemi ilə bağlı həmin şəxsdə karlıq və qaraciyər xəstəliyi yaranıb və o, 2010-cu il yanvarın 18-də kəskin böyrək çatışmazlığından vəfat edib.
“Azadlıq” qəzeti xərçəng xəstəliyindən dünyasını dəyişmiş Bənəniyar kənd sakini mərhum Cəbiyev Eldəniz Məhəmməd oğlunu da “işgəncə qurbanları” sırasına daxil edib. 1975-ci il sentyabrın 22-də Culfa rayonunun Bənəniyar kəndində anadan olan Eldəniz Cəbiyevə 2009-cu ilin avqust ayında ağ ciyər xərçəngi diaqnozu qoyulub. Naxçıvanda, Bakıda və İran İslam Respublikasında müalicə olunub. O, yanvarın 2-dən 24-dək müalicə almaq məqsədi ilə İrana gedib, Təbrizdə “Şəhriyar” xəstəxanasında müalicə alıb, səhhəti ağırlaşdığından kəndə gətirilib və fevralın 6-da xərçəng xəstəliyindən vəfat edib.
“Azadlıq” qəzeti və ona məxsus böhtançı kampaniyası “işgəncə qurbanları” siyahısında Rza Nuriyevin də adını hallandırır. Bildiririk ki, Culfa rayon Bənəniyar kənd sakini 1948-ci il təvəllüdlü Nuriyev Rza İbrahim oğlu fevralın 23-də Naxçıvan Muxtar Respublikası Kardioloji Dispanserinə gətirilib və onda kardiogen şok, II dərəcə şəkərli diabet diaqnozu təsdiq edilib, təcili tədbirlər görülüb. Aparılan bütün müalicə tədbirlərinə baxmayaraq, Rza Nuriyev kəskin ürək-damar çatışmazlığından və yüksək şəkərdən vəfat edib.
Qəzetin adı çəkilən məqaləsində Bənəniyar kənd sakini Rəhimov Əli Qəzənfər oğlunun da guya işgəncə nəticəsində xəstəlik tapdığı iddia edilir. Əslində isə Qəzənfər Rəhimov 1989-cu ildə beyin insultu keçirib. Həmin dövrdən birinci qrup əlildir. Bədəninin sağ tərəfi iflic vəziyyətindədir.
öz əcəli ilə dünyasını dəyişmiş, yaxud xəstəlik taparaq əlil olmuş insanları “işgəncə qurbanları” kimi hüquq-müdafiə təşkilatlarının hesabatlarına saldırmaq istəyənlərin çirkin niyyəti və mənəviyyatsızlığı göz qabağındadır. Hətta, bu insanlar xəstə təxəyyülləri nəticəsində o dərəcədə reallıq hissini itiriblər ki, bundan əvvəlki yazılarında Bənəniyar kənd sakini Nadir Ələkbərovu da “işgəncə qurbanları” sırasına daxil ediblər. 1958-ci ildə Bənəniyar kəndində anadan olmuş Nadir Qadir oğlu Ələkbərov 1976-cı ildə hərbi xidməti bitirdikdən sonra yaşayış yeri kimi Rusiya Federasiyasını seçib, orada qalıb. Voloqda şəhərində sahibkarlıq fəaliyyəti ilə məşğul olan Nadir Ələkbərov 2010-cu il fevralın 3-də Voloqda şəhərində vəfat edib, orada dəfn olunub. Valideynləri mərhuma Bənəniyar kəndində yas saxladığından bu fakt da “hüquq müdafiəçilərinin” işinə yarayıb və Nadir Ələkbərov “işgəncə qurbanları” siyahısına düşüb.
“İşgəncə qurbanları” siyahısına daxil edilən Eldəniz Cəbiyevin ailəsi isə vəfat edən insanların acısından öz məqsədləri naminə istifadə edənlərə yerini göstərmək, məhkəməyə müraciət etmək qərarına gəlib.
Bir daha bildiririk ki, əsassız ittihamlarla başlanan kampaniya reallığı əks etdirmədiyindən Muxtar Respublika sakinləri tərəfindən nifrətlə qarşılanır və rədd edilir.

Paylaş:

Baxılıb: 1008 dəfə