Heydər Əliyev
yeni azerbaycan logo

Ana səhifə / Siyasət / YAP MSK-dakı boş yerə namizədini irəli sürəcək

YAP MSK-dakı boş yerə namizədini irəli sürəcək

06.04.2010 [09:53]

Hakim Yeni Azərbaycan Partiyası (YAP) yaxın günlərdə Mərkəzi Seçki Komissiyasında boş olan yerə namizədini irəli sürəcək. YAP icra katibinin müavini, deputat Siyavuş Novruzov “Media forum” saytına açıqlamasında deyib ki, partiya ötən ilin noyabrında vəfat etmiş Svetlana Qasımovanın yerinə namizədini müəyyənləşdirib Milli Məclisə təqdim edəcək: “Parlament seçkisinədək MSK tam formalaşdırılmalıdır. Əgər Milli Məclisdə azlıqda olan partiyalardan biri komissiyaya nümayəndə göndərmək istəmirsə, azlıqda olan digər partiyalar bunu həyata keçirməlidir”.
Seçki Məcəlləsinin 24-cü maddəsinə görə (Mərkəzi Seçki Komissiyasının yaradılması qaydası), MSK 18 üzvdən ibarətdir. MSK üzvlərini Milli Məclis seçir. Qurumun 6 üzvü deputatları Milli Məclisdə çoxluq təşkil edən və onların namizədliklərini təqdim edən siyasi partiyanı, 6 üzvü heç bir siyasi partiyaya mənsub olmayan (müstəqil) və onların namizədliklərini təqdim edən deputatları, 6 üzvü deputatları Milli Məclisdə azlıq təşkil edən və onların namizədliklərini təqdim edən siyasi partiyaları təmsil edir. Hazırda MSK-da üç yer boşdur. Digər iki yerə parlament azlığı təşkilatı - Müsavat Partiyası təmsilçi göndərməli olsa da, qurum MSK-nın formalaşdırılma prinsipinə qarşı çıxdığından bu addımı atmır.

Paylaş:
Baxılıb: 936 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30