Əlisahib Hüseynov: Prezident İlham Əliyev Azərbaycan Televiziyasına son müsahibəsində çox mühüm məqamlara toxunub

Bakı:

23 °C

47 %

1 m/s

AZ RU EN

Ana səhifə / Siyasət / Əlisahib Hüseynov: Prezident İlham Əliyev Azərbaycan Televiziyasına son müsahibəsində çox mühüm məqamlara toxunub

Əlisahib Hüseynov: Prezident İlham Əliyev Azərbaycan Televiziyasına son müsahibəsində çox mühüm məqamlara toxunub

09.02.2021 [09:20]

“Prezident İlham Əliyev fevralın 1-də Abşeron Rayon Mərkəzi Xəstəxanasının yeni inşa edilmiş binasının açılışı ilə bağlı tədbir çərçivəsində tibb müəssisəsində yaradılan şəraitlə tanışlıqdan sonra Azərbaycan Televiziyasına verdiyi geniş müsahibədə çox mühüm məqamlara toxunub. Dövlət başçısı sözügedən müsahibəsində ölkəmiz üçün, Qarabağımızın bu günü və gələcəyi üçün, Şuşamız üçün mühüm əhəmiyyət kəsb edən fikirlər səsləndirdi”. Bu fikirləri qəzetimizə açıqlamasında Milli Həmrəylik Partiyasının (MHP) sədri Əlisahib Hüseynov deyib.
Əlisahib Hüseynov bildirib ki, cənab Prezident müsahibəsində COVID-19-la mübarizənin nəticələrindən və indi dünyada və Azərbaycanda yeni bir mərhələnin - kütləvi vaksinasiyanın başlanmasından danışarkən dünyanın inkişaf etmiş aparıcı ölkələri ilə kasıb ölkələrinin arasında vaksin dozlarının ədalətsiz bölgüsü, paylanması məsələsinə də toxundu və dünyada BMT-dən sonra ikinci mötəbər beynəlxalq təşkilatın - Qoşulmama Hərəkatının Sədri kimi Azərbaycanın bu cür ədalətsiz bölgüyə qarşı tənqidi mövqeyini ortaya qoydu: “Prezident İlham Əliyev tamamilə haqlı olaraq soruşdu ki, əgər inkişaf etmiş ölkələr bu vaksinləri öz aralarında ədalətli bölə bilmirlərsə və qarşılıqlı ittihamlar irəli sürürlərsə, onda başqa ölkələr nə fikirləşməlidir? Kasıb ölkələr, inkişafda olan ölkələrin vətəndaşları, bəs onlara kim kömək göstərəcək?”
Partiya sədrinin sözlərinə görə, cənab Prezident Qoşulmama Hərəkatının Sədri kimi Azərbaycanın bu istiqamətdə gördüyü və görə biləcəyi işlərdən danışdı. Azərbaycan Prezidenti, həmçinin Qoşulmama Hərəkatının Sədri kimi Kanadanın və bir sıra digər böyük dövlətlərin peyvəndlərin dünya üzrə bölgüsü məsələsində eqoist mövqe tutmasını açıq mətnlə qeyd etdi. Cənab İlham Əliyevin bu fikirləri kifayət qədər cəsarətli və ifşa xarakterli açıqlamalardır.
“Prezident İlham Əliyev dövlət televiziyasına verdiyi həmin müsahibəsində super dövlətlərin vaksinasiya məsələsində zəif inkişaf etmiş ölkələrə münasibətdə nümayiş etdirdikləri ədalətsiz və qeyri-humanist mövqeyi ilə bağlı səsləndirdiyi etiraz xarakterli fikirləri ilə göstərdi ki, Azərbaycan lokal miqyasda - Cənubi Qafqaz bölgəsində Ermənistanın faşizm siyasətinə qarşı barışmaz mübarizə apardığı kimi qlobal miqyaslı beynəlxalq məsələlərdə də daim haqsızlığa qarşı prinsipial mövqe sərgiləyir. Cənubi Qafqazda, Qarabağda haqqı, tarixi ədaləti bərpa edən Azərbaycan beynəlxalq siyasi-iqtisadi proseslərdə də daim haqqın, haqlının yanında duracaq”, - deyə Ə.Hüseynov qeyd edib.
NARDAR

Paylaş:

Baxılıb: 623 dəfə