Nizami rayonunda 15 İyun - Milli Qurtuluş Günü qeyd olunub

Bakı:

11°C

87%

3m/s

Əlaqə

AZ RU EN

Ana səhifə / Siyasət / Nizami rayonunda 15 İyun - Milli Qurtuluş Günü qeyd olunub

Nizami rayonunda 15 İyun - Milli Qurtuluş Günü qeyd olunub

15.06.2011 [09:27]

Dünən Nizami rayon İcra Hakimiyyəti və Yeni Azərbaycan Partiyası (YAP) rayon təşkilatının birgə təşkilatçılığı ilə 15 İyun - Milli Qurtuluş Günü münasibətilə tədbir keçirilib.
öncə Ulu öndər Heydər Əliyevin İcra Hakimiyyətinin foyesində qoyulmuş büstünün önünə tər çiçəklər düzülüb.
Nizami rayon İH-nin akt zalında keçirilən mərasimi giriş sözü ilə açan İcra Hakimiyyətinin başçısı Tahir Budaqov vurğulayıb ki, ümummilli lider Heydər Əliyevin hakimiyyətə qayıdışı ilə bağlı olan Milli Qurtuluş Günü Azərbaycanın milli müstəqilliyini, suverenliyini əbədiləşdirən tarixdir: “Hər birimiz üçün əziz və müqəddəs olan 15 iyun tarixi müasir Azərbaycanın milli müstəqilliyinin, hüquqi dövlət quruculuğunun başlanğıcıdır. Daxili çəkişmələr, iqtisadi böhran içərisində qalan Azərbaycanın xilas yolunu müəyyənləşdirən Ulu öndər Heydər Əliyevin 15 iyun 1993-cü ildə Ali Sovetin sədri seçilməsindən sonra respublikada siyasi sabitlik təmin olunmaqla iqtisadi, siyasi, sosial inkişafın keyfiyyətcə yeni mərhələsi başlanıb”.
Millət vəkili Fəttah Heydərov dövlətçiliyimizin müasir tarixi üçün əlamətdar olan 15 İyun - Milli Qurtuluş Gününün mahiyyət və əhəmiyyəti barədə danışıb: “Milli qurtuluş günü kimi qeyd olunan bu tarix həqiqətən bir xalqın azadlığa qovuşması ilə əlamətdardır. ölkəsini inkişaf etmiş dövlətlər səviyyəsinə qaldırmaq istiqamətində Onun göstərdiyi fəaliyyət barədə danışmaq üçün qərinələr lazımdır. çünki, Ulu öndərin hər iş günü, həyatının hər saatı Azərbaycanın gələcəyi naminə hesablanmış ideyalarla zəngindir. Hakmiyyətə qayıdış ifadəsi siyasi məhfum olmaqla bir çox məqamları özündə ehtiva etdirir”.
“Hakimiyyətə qayıdışı ilə müstəqilliyimizin əbədi qarantı kimi həm də iqtisadi inkişafımızın strategiyasını müəyyənləşdirən Heydər Əliyev qətiyyəti sayəsində Azərbaycan yenidən dirçəlib” - deyən F.Heydərov vurğulayıb ki, bəlkə də heç bir liderin, dövlət başçısının yerinə yetirə bilmədiyi bir missiyanı reallaşdıran Heydər Əliyev “Əsrin müqaviləsi” kimi əfsanəvi bir kontraktın imzalanmasını gerçəkləşdirməklə tarixi şəxsiyyət kimi tanınıb.
Millət vəkili Aydın Mirzəzadə çıxışında bildirib ki, Azərbaycanın rəsmən qazandığı müstəqilliyinin itirilməsi təhlükəsi ilə üz-üzə dayandığı bir zamanda hakimiyyətə qayıdan Heydər Əliyev respublikanı xəritədən silinmək təhlükəsindən qurtaran xilaskar kimi xalqın imdadına çatıb. Heydər Əliyevin çox mürəkkəb bir dövrə təsadüf edən hakimiyyətə qayıdışı taleyüklü problemlərin həlli üçün dönüş nöqtəsi olub.
Millət vəkilləri, YAP Nizami rayon təşkilatının sədri Sədaqət Vəliyeva, Mirkazım Kazımov, Rasim Musabəyov çıxış edərək Ulu öndərin Azərbaycan üçün göstərdiyi xidmətlərdən danışıblar. Vurğulayıblar ki, Heydər Əliyev tarix, cəmiyyət üçün yaranmış müdrik zəka sahibi idi. Yalnız yaşadığı dövr üçün xarakterik olan vəzifələri deyil, bir neçə on illər üçün inkişaf strategiyasını planlaşdıran dahilər liderlik adına layiqdirlər. ümummilli lider Heydər Əliyev tarixdə özünəməxsus səhifə yaradan, dünya şöhrətli korifeylər sırasında fərqlənən belə liderlərdəndir.
Nizami rayon İH başçısının müavini Gülnaz İsrafilova çıxış edərək rayonda 27 apreldən başlayaraq bu günə kimi davam edən ümummilli lider Heydər Əliyevə həsr olunmuş silsilə tədbirlər barədə məlumat verib.
Qeyd olunub ki, Ulu öndərin ad günü münasibətilə keçirilən Gül bayramında daha fəal iştirak edən Nizami rayonu birinci yerə layiq görülüb, diplomla mükafatlandırılıb.
Mərasimdə rayon üzrə keçirilən bilik, idman yarışlarında, interaktiv oyunlarda, müsabiqələrdə fərqlənən pedaqoji kollektivlərə və şagirdlərə qiymətli hədiyyələr təqdim olunub.
Ramil VƏLİBƏYOV

Paylaş:

Baxılıb: 888 dəfə