Mübariz Qurbanlı: Partiyamızın gəncləri sosial şəbəkələrin imkanlarından maksimum yararlanmaq isiqamətində ciddi işlər görməkdədir

Bakı:

8 °C

87 %

0 m/s

AZ RU EN

Ana səhifə / Siyasət / Mübariz Qurbanlı: Partiyamızın gəncləri sosial şəbəkələrin imkanlarından maksimum yararlanmaq isiqamətində ciddi işlər görməkdədir

Mübariz Qurbanlı: Partiyamızın gəncləri sosial şəbəkələrin imkanlarından maksimum yararlanmaq isiqamətində ciddi işlər görməkdədir

01.03.2012 [22:50]

“Yeni Azərbaycan Partiyasının Gənclər Birliyinin (YAP GB) nümayəndələri üçün keçirilmiş ikigünük seminar müxtəlif mövzuları əhatə edib. Seminarlarda İKT ilə bağlı gəncləri maraqlandıran məsələlər izah olunub, xüsusilə sosial şəbəkələrdə bu və digər mövzularla bağlı gedən müzakirələrdə fəal iştirak imkanları haqda fikir mübadiləsi aparılıb. Bu seminarlar bizim qarşımıza qoyduğumuz vəzifələrin yerinə yetirilməsi üçün mühüm rol oynayacaq”. Bu fikirləri yap.org.az saytına YAP İcra katibinin müavini, Milli Məclisin deputatı Mübariz Qurbanlı deyib.
M.Qurbanlı bildirib ki, Azərbaycanda Prezident İlham Əliyevin rəhbərliyi ilə həyata keçirilən siyasət sosial şəbəkələrdə təşviq olunur və bu işin daha da genişləndirilməsi əsas vəzifələrdən biridir. Onun sözlərinə görə, YAP-ın sosial şəbəkələrdə fəaliyyət göstərən qrupları, eləcə də, gənclərimiz bu yöndə çox geniş fəaliyyət göstərirlər.
“Partiyamızın gəncləri “Böyük xalq dəstəyi” adlı internet şəbəkədə bloq açıblar. Bloqda Azərbaycan hakimiyyətinin bütövlükdə həyata keçirdiyi siyasət təşviq olunur. Həmçinin, digər sosial şəbəkələrdə gənclərimiz bir neçə istiqamətdə fəaliyyət göstərirlər. Təbii ki, bizim əsas hədəflərimizdən biri ermənilərin anti-Azərbaycan təbliğatına qarşı geniş və çoxşaxəli fəaliyyət göstərməkdir. Bəllidir ki, ermənilər müxtəlif sosial şəbəkələrdə Azərbaycan əleyhinə yalan məlumatlar yayırlar və bu yalan məlumatlar vasitəsilə ölkəmizin imicinə xələl gətirməyə cəhd göstərirlər. Ermənistanın lobbi qrupları və ayrı-ayrı ölkələrdəki nümayəndələri internet saytlarında Azərbaycanın mövcud vəziyyəti, daxili və xarici siyasəti ilə bağlı yanlış məlumatlar yaymaqdadırlar. Bütün bunlara qarşı hazırladığımız proqram əsasında ciddi işlər görülməkdədir. Gənclərimiz ermənilərin sosial şəbəkələrdə yaydığı yalanları ifşa etmək istiqamətində ciddi fəaliyyət göstərirlər. Eyni zamanda, Azərbaycanı təbliğ və təşviq edən çoxsaylı məlumatları, video-çarxları xarici saytlara yerləşdirirlər. Digər tərəfdən, hakim partiya olaraq iqtidarın fəaliyyətini, azərbaycançılığı, iqtisadi inkişafımızı, ordumuzun gücünü, mədəniyyətimizi, turizm imkanlarımızı təşviq edirik. Həmçinin, bir istiqamətimiz də ölkə daxilində bəzi müxalifət partiyalarının Azərbaycan hakimiyyətinə qarşı yönələn yalanlarını ifşa etmək və onlarla sosial şəbəkələrdə faktların dili ilə danışaraq Azərbaycan haqqında həqiqətləri bir daha çatdırmaqdır”, - deyə YAP İcra katibinin müavini vurğulayıb.
Sosial şəbəkələrdə fəaliyyətin çox geniş olduğunu deyən M.Qurbanlının sözlərinə görə, partiyamızın gəncləri internetin imkanlarından maksimum yararlanmaq isiqamətində ciddi işlər görməkdədir. O qeyd edib ki, gənclərin hazırlığını daha da təkmilləşdirmək üçün keçirilən seminarda həm texniki, həm ideoloji-təbliğati, həm də piarla bağlı məsələlər onlara izah olunur.
“Bütövlükdə, seminarların gedişi göstərdi ki, YAP-ın gəncləri internet şəbəkələrdə işləməyə tam hazırdırlar və bu yöndə bir sıra nailiyyətlərə imza atıblar. Bu tədbirlər davamlı olacaq. Bu seminarlarda iştirak edənlər tədbirləri regionlarda davam etdirəcəklər. YAP İcra katibliyi və Gənclər Birliyi bu layihələri zonalarda da davam etdirmək niyyətindədir. Hesab edirəm ki, bu cür seminarlar müasir dövrün tələblərinə və çağırışlarına uyğundur və bunu hər zaman diqqət mərkəzində saxlayırıq”, - deyə M.Qurbanlı vurğulayıb.

Paylaş:

Baxılıb: 943 dəfə