Azərbaycan Dövlət Pedaqoji Universitetinin 90 illik yubileyinə həsr olunmuş tədbir keçirilib

Bakı:

14 °C

72 %

7 m/s

Əlaqə

AZ RU EN

Ana səhifə / Siyasət / Azərbaycan Dövlət Pedaqoji Universitetinin 90 illik yubileyinə həsr olunmuş tədbir keçirilib

Azərbaycan Dövlət Pedaqoji Universitetinin 90 illik yubileyinə həsr olunmuş tədbir keçirilib

23.04.2012 [10:57]

Dünən Azərbaycan Dövlət Pedaqoji Universitetində (ADPU) bu ali məktəbin 90 illik yubileyinə həsr olunmuş təntənəli tədbir keçirilib. Azərbaycan Respublikasının Dövlət himni səsləndirilib, Ulu öndər Heydər Əliyevin xatirəsi yad olunub. AzərTAc xəbər verir ki, ayrı-ayrı qurumların nümayəndələrinin, Milli Məclis deputatlarının, ali məktəb rektorlarının, Türkiyədən ölkəmizə gəlmiş təhsil işçilərinin iştirak etdikləri tədbirdə Azərbaycanın təhsil naziri Misir Mərdanov ümummilli lider, dahi şəxsiyyət Heydər Əliyevin təhsilin inkişafına daim böyük önəm verdiyini, Ulu öndərin ideyalarının Prezident İlham Əliyev tərəfindən uğurla həyata keçirildiyini vurğulayıb. Nazir Azərbaycanda təhsilin inkişafındakı xidmətlərinə görə Azərbaycan Dövlət Pedaqoji Universitetinin 10 əməkdaşının “Tərəqqi” medalı ilə təltif olunması və 28 əməkdaşına müxtəlif fəxri adların verilməsi barədə Prezident İlham Əliyevin bu il aprelin 18-də imzaladığı sərəncamlarını oxuyub.
ADPU-nun təhsilimizə böyük töhfələr verdiyini qeyd edən M. Mərdanov əlamətdar gün münasibətilə universitetin müəllim və tələbələrini təbrik edib.
ADPU-nun rektoru, AMEA-nın müxbir üzvü Yusif Məmmədov Azərbaycan Prezidenti İlham Əliyevin, Heydər Əliyev Fondunun prezidenti, UNESCO-nun və İSESCO-nun xoşməramlı səfiri, Milli Məclisin deputatı Mehriban xanım Əliyevanın təhsilimizin, mədəniyyətimizin inkişafına xüsusi əhəmiyyət verdiklərini vurğulayıb.
Rektor Azərbaycan Dövlət Pedaqoji Universitetinə göstərdiyi diqqət və qayğıya görə kollektiv adından Prezident İlham Əliyevə dərin minnətdarlığını bildirib.
Ulu öndər Heydər Əliyevin təhsilimizə, o cümlədən Azərbaycan Dövlət Pedaqoji Universitetinə göstərdiyi diqqət və qayğıdan bəhs edən film nümayiş etdirilib.
Milli Məclis sədrinin müavini Bahar Muradova, Yeni Azərbaycan Partiyası (YAP) Sədrinin müavini-İcra katibi, Milli Məclisin deputatı Əli Əhmədov, Bakı Dövlət Universitetinin rektoru, Milli Məclisin deputatı, akademik Abel Məhərrəmov, Azərbaycan Tibb Universitetinin rektoru, akademik Əhliman Əmiraslanov, Azərbaycan Dövlət İqtisad Universitetinin rektoru, Milli Məclisin Elm və təhsil komitəsinin sədri, professor Şəmsəddin Hacıyev, Azərbaycan Müəllimlər İnstitutunun rektoru, Milli Məclisin deputatı Aqiyə Naxçıvanlı və digər çıxış edənlər Ulu öndər Heydər Əliyevin təhsilimizə göstərdiyi qayğıdan bəhs edib, dahi rəhbərin siyasətinin Prezident İlham Əliyev tərəfindən uğurla davam etdirildiyini vurğulayıblar.
Azərbaycanın təhsil tarixində xüsusi yeri olan ADPU-nun fəaliyyəti barədə fikirlərini qeyd edən natiqlər universitetin müəllim və tələbələrinə yeni nailiyyətlər arzulayıblar.
Tədbir maraqlı konsert proqramı ilə başa çatıb.

Paylaş:

Baxılıb: 903 dəfə