Ölkəmizdə belə ziyalıların olması təəssüf doğurur

Bakı:

21 °C

78 %

4 m/s

Əlaqə

AZ RU EN

Ana səhifə / Siyasət / Ölkəmizdə belə ziyalıların olması təəssüf doğurur

Ölkəmizdə belə ziyalıların olması təəssüf doğurur

25.04.2012 [00:17]

“Ziyalı bayrağı altında, ziyalı libası geyinərək siyasətlə məşğul olmaq mahiyyət və nəticə etibarilə ziyalılıq məfkurəsinə və mövqeyinə xəyanət kimi bir şeydir”. Hakim Yeni Azərbaycan Partiyasının Sədr müavini-İcra katibi, millət vəkili Əli Əhmədov “Media forum” saytına belə deyib. Azərbaycan Ziyalılar Forumu ilə İctimai Palatanın əməkdaşlığına münasibət bildirən Əli Əhmədov qeyd edib ki, ziyalı məfhumu tamamilə başqa ideyalar uğrunda mübarizəni nəzərdə tutmalıdır, bütövlükdə isə ziyalılıq hərəkatı tamamilə başqa məfkurə bazasına söykənməlidir: “Azərbaycanda elə ziyalılar var ki, onlar əsrlər boyu formalaşmış ziyalılıq ənənəsinə uyğun gəlməyən bir yol seçiblər. ölkəmizdə belə ziyalıların olması təəssüf doğurur. Siyasətlə siyasətçilər məşğul olurlar. İndiyədək Azərbaycanda siyasətlə məşğul olmaq istəyənlərə hər hansı problem yaradılmayıb. Bir kimsə çıxıb deyə bilməz ki, mən siyasətlə məşğul olmaq istəyirdim, amma buna imkan verilmədi. özlərini ziyalı adlandıran həmin şəxslər siyasətlə məşğul olmaq istəyirlərsə, partiya yaratsınlar və siyasi təşkilat daxilində fəaliyyət göstərsinlər”.
YAP İcra katibi hesab edir ki, Ziyalılar Forumu ilə İctimai Palatanın əməkdaşlığı heç bir effekt verməyəcək: “Əvvəla, ona görə ki, müxalifət partiyaları Azərbaycan ictimaiyyətinin və vətəndaşların azacıq da olsa dəstəyinə malik deyillər. Onlar bu dəstəkdən çoxdan məhrum olublar. İkincisi, cəmiyyətin, vətəndaşların əhəmiyyətli bir hissəsinin müdafiə etmədiyi siyasi təşkilat ölkənin ictimai-siyasi həyatına təsir göstərəcək hansısa hərəkətlər etmək, fəaliyyət ortaya qoymaq iqtidarında deyil. üçüncüsü, Ziyalılar Forumu adlanan qurum Azərbaycan ziyalılarını birləşdirən və onların adından çıxış etmək səlahiyyətinə malik olan təşkilat deyil. Orada bir necə alim, yazıçı və digərləri birləşibsə, bu, Azərbaycan ziyalılığının və ziyalıların çox böyük əksəriyyətinin mənafe və fikirlərini ifadə etmir. Olsa-olsa özlərinin, bir necə ziyalının fikirlərini ifadə edirlər. Ona görə də ziyalıların adından danışmaq, ziyalıların adından danışaraq hansısa qurumla müqavilə bağlamaq, əməkdaşlıq etmək, əxlaq kateqoriyasına uyğun gəlmir. çünki kiçik bir dəstənin böyük bir ziyalılar ordusunun adından danışmaq haqqı yoxdur. Bu, əxlaq anlayışına tam uyğun gəlmir. Bundan başqa, onların birləşməsi heç bir effekt verməyəcək. İndiyədək çox birləşmələr olub, onların taleyinin nə ilə qurtardığını da hamı yaxşı bilir”.

Paylaş:

Baxılıb: 1019 dəfə