Heydər Əliyev
yeni azerbaycan logo

Ana səhifə / Sosial / Gənc əsgərlər Vətənə sədaqət andı içiblər

Gənc əsgərlər Vətənə sədaqət andı içiblər

14.11.2013 [09:27]

Bu günlərdə Qazax rayonu N saylı hərbi hissədə gənc əsgərlər Vətənə sədaqət andı içiblər. And içənlərin arasında əsgər Tural Cəfərov da olub. 
Andiçmə mərasimi Azərbaycan torpaqlarının azadlığı və suverenliyi uğrunda canlarını qurban verən şəhidlərin xatirəsinin yad edilməsi ilə başlayıb. Andiçmə mərasimindən sonra tədbirdə çıxış edən zabitlər gənc əsgərləri ordu sıralarına daxil olmaları münasibəti ilə təbrik ediblər.
Ümummilli liderimiz Heydər Əliyevin “Azərbaycan Ordusu, Azərbaycan əsgəri bilməlidir ki, ölkəmizin ərazi bütövlüyü nəyin bahasına olursa-olsun bərpa edilməlidir, işğal edilmiş torpaqlar azad olunmalıdır” sözlərini xatırladan natiqlər qeyd ediblər ki, bu gündən əsgər adını daşıyan hər bir gənc Vətən, xalq, dövlət qarşısında xidməti borcunu şərəflə yerinə yetirməli, Azərbaycanın dövlət müstəqilliyinin, ərazi bütövlüyünün, azadlığının qorunması və işğal olunmuş torpaqlarımızın azad edilməsi uğrunda mübarizədə Silahlı Qüvvələrimizin Ali Baş Komandanı İlham Əliyevin hər bir çağırışına hər bir zaman hazır olmalıdır. Vətənə sədaqət andı içən gənc əsgərlərə Vətənin keşiyində mətin dayanmaq və hərbi sirlərə mükəmməl yiyələnmək tövsiyə edilib.
Mərasimdə iştirak edən valideynlər isə bildiriblər ki, bu gün onların həyatlarında, yaddaşlarında ömürlük qalan gündür. Belə ki, böyüdüb, boya-başa çatdırdıqları övladları Vətənə sədaqət andı içib.
Daha sonra valideynlər övladları üçün yaradılan şəraitlə tanış olublar. Onlar dövlətin orduya göstərdiyi diqqətə və qayğıya görə ölkə başçısına, cənab Ali Baş Komandan İlham Əliyevə öz minnətdarlıqlarını bildiriblər.
Mərasimin sonunda hərbi hissənin xüsusi təyinatlıları bacarıqlarını göstəriblər.
TURAL

Paylaş:
Baxılıb: 1327 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30