“Dini radikalizmlə mübarizə, milli mənəvi dəyərlərimizin təbliği” adlı layihənin icrası başa çatıb

Bakı:

32 °C

43 %

5 m/s

AZ RU EN

Ana səhifə / Sosial / “Dini radikalizmlə mübarizə, milli mənəvi dəyərlərimizin təbliği” adlı layihənin icrası başa çatıb

“Dini radikalizmlə mübarizə, milli mənəvi dəyərlərimizin təbliği” adlı layihənin icrası başa çatıb

11.08.2016 [10:12]

Azərbaycan Respublikasının Prezidenti yanında Gənclər Fondunun maliyyə dəstəyi ilə dini radikalizm və ekstremizmə qarşı yönəlmiş maarifləndirici tədbirlər çərçivəsində “Gələcək və İnkişaf” Gənclər İctimai Birliyi tərəfindən keçirilən “Dini radikalizmlə mübarizə, milli mənəvi dəyərlərimizin təbliği” adlı layihənin icrası yekunlaşıb.
AZƏRTAC xəbər verir ki, layihə Ağdam, Naftalan, Goranboy və Bərdədə reallaşdırılıb. Layihə zamanı iştirakçılara “Dini radikalizmə qarşı maarifçilik yolu ilə mübarizənin aparılması”, “Dini ekstremizmin törətdiyi fəsadlar” və “Zərərli vərdişlərin yaratdığı boşluq: problemlər və mülahizələr” kimi mövzularda seminarlar keçirilib.
Tədbirlərdə “Gələcək və İnkişaf” Gənclər İctimai Birliyinin fəalları və könüllüləri ilə yanaşı, Dini Qurumlarla İş üzrə Dövlət Komitəsinin müvafiq bölgələr üzrə şöbə müdirləri, rayon icra hakimiyyətləri başçıları aparatının ictimai-siyasi və humanitar məsələlər şöbələrinin müdir müavinləri - dini qurumlarla işin təşkilatçıları, ziyalılar, din xadimləri, ictimaiyyət nümayəndələri iştirak ediblər.
Layihənin icrası zamanı iştirakçılara radikal dini qrupların və qeyri-ənənəvi təriqətlərin zərərli təbliğatının qarşısının alınması, onlara qarşı effektiv mübarizə aparılması və dini maarifçilik işinin düzgün metodlarla təşkili istiqamətində məlumat verilib, həmçinin gənclərin milli mənəvi ruhda tərbiyə edilməsi və düzgün maarifləndirilməsinin əhəmiyyətindən, onları radikal təsirlərdən qorumağın yollarından bəhs olunub.
Çıxış edənlər son illər dini radikalizmin müxtəlif formalarda təzahürünün, xüsusən Yaxın Şərqdə cərəyan edən proseslərin İslam dünyasında böyük narahatlıqlar doğurduğunu bildiriblər. Vurğulanıb ki, dini radikalizm gənclərin ənənəvi İslam dəyərlərindən uzaqlaşmasına və onlarda radikal meyillərin yaranmasına gətirib çıxarır.
Dini radikalizmin qarşısının alınmasında ən mühüm addımın maarifləndirmə olduğunu qeyd edən natiqlər gənclərin radikalizmdən uzaqlaşdırılması, onlara vətənpərvərlik və dövlətçilik hissinin aşılanması, milli mənəvi dəyərlərimizin qorunması və gələcək nəsillərə çatdırılması istiqamətində bu cür layihələrin reallaşdırılmasının vacibliyindən danışıblar.
Layihə çərçivəsində Dini Qurumlarla İş üzrə Dövlət Komitəsinin sifarişi əsasında çəkilən, dini radikalizmlə mübarizənin dini, psixoloji, hüquqi, siyasi və mənəvi tərəflərinin işıqlandırıldığı “Fitnə” sənədli filmi nümayiş edilib və film ətrafında müzakirələr aparılıb.
Tədbir iştirakçılarına maarifləndirici kitabçalar verilib. Layihənin sonunda iştirakçılara sertifikatlar təqdim edilib.

Paylaş:

Baxılıb: 651 dəfə