Şahidlər danışır: Yanğına səbəb tezalışan konstruksiyalar idi

Bakı:

18 °C

94 %

2 m/s

Əlaqə

AZ RU EN

Ana səhifə / Sosial / Şahidlər danışır: Yanğına səbəb tezalışan konstruksiyalar idi

Şahidlər danışır: Yanğına səbəb tezalışan konstruksiyalar idi

17.08.2016 [16:02]

Dünən Bakı Ağır Cinayətlər məhkəməsində ötən il Xətai rayonu, Zığ yolu küçəsi 16 ünvanında yerləşən çoxmərtəbəli yaşayış binasında baş vermiş yanğınla bağlı hakim Eldar İsmayılovun sədrliyi ilə məhkəmə iclası keçirilib. SİA xəbər verir ki, məhkəmə iclasında zərərçəkmiş vətəndaşların çıxışları dinlənilib.
Zərərçəkmiş bina sakinləri Firavan Məlikov, Fərrux Səmədov, Salman Məmmədov, Pərvanə Məmmədova, Əzizulla Kərimov, Hümbətəli Bayramov, Habil İsmayılov, Tünzalə Hacıyeva, Rauf İsmayılov, Qurban Balayev, Azadə Mustafayeva yanğının anidən baş verdiyini deyərək bildiriblər ki, buna səbəb binanın üzlüyünə vurulmuş tezlışan konstruksiyalardır. Belə ki, yanğın zamanı güclü küləyin əsməsi də yanğının tez alovlamasına səbəb olub.
Çıxış edən zərərçəkmişlər ayrı-ayrılıqda bildiriblər ki, hadisə baş verən an onların mənzilləri yanmaqla yanaşı, mənzillərində olan məişət və s. əşyaları da istifadə olunmaz hala düşüb və onlara xeyli maddi ziyan dəyib.
Hakim Eldar İsmayılov zərərçəkmişlərin ifadələrini dinlədikdən sonra növbəti məhkəmə iclasının vaxtını müəyyən edib. Növbəti iclas avqustun 23-ü, səhər saat 10:30-a təyin edilib.
Qeyd edək ki, hadisə ötən il aprelin 10-da Bakı şəhəri, Xətai rayonu, Zığ yolu küçəsi 16 saylı ünvanda baş verib. Həmin ünvanda “TNH” şirkəti tərəfindən fasadında poliuretan materialla üzləmə işləri aparılan doqquzmərtəbəli yaşayış binasında ağır nəticələrə səbəb olan yanğın qeydə alınıb. Faktı üzrə Baş Prokurorluğun Ağır Cinayətlərə Dair İşlər üzrə İstintaq İdarəsində Cinayət Məcəlləsinin müvafiq maddələri ilə cinayət işi başlanıb. Cinayət işi üzrə aparılan baxış, axtarış, götürmə istintaq hərəkətləri ilə “TNH” şirkətinin fəaliyyətinə, istehsal etdiyi poliuretan məmulatının keyfiyyət və istehsal texnologiyasına dair zəruri materiallar, həmçinin iş üçün əhəmiyyət kəsb edən digər sənədlər müvafiq qaydada maddi sübut kimi götürülüb. Ağırlaşdırıcı hallarda vəzifə səlahiyyətlərindən sui-istifadə etməklə yanğın təhlükəsizliyi qaydalarını kobud surətdə pozaraq Xətai rayonu ərazisində yerləşən - qeyd edilən yaşayış binasına və bina sakinlərinə külli miqdarda maddi ziyan vurulmasına səbəb olan əməllərinə görə “TNH” şirkətinin fəaliyyətinə və görülən işlərə faktiki rəhbərliyi həyata keçirən Fərid Sadıqov, şirkətin direktoru Zaur Əşrəfov, şirkət direktorunun tikinti işləri üzrə müavini Nüsrət Muxtarov Cinayət Məcəlləsinin 225.2-ci (ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə təqsirləndirilən şəxs qismində cəlb edilərək barələrində Nəsimi rayon Məhkəməsinin qərarları ilə 4 ay müddətinə həbs-qətimkan tədbiri seçilib. Sonradan həbs-qətimkan tədbirinin müddəti artırılıb.

Paylaş:

Baxılıb: 789 dəfə