“AppLab” Mərkəzi biznes planın hazırlanması üzrə intensiv təlim təşkil edib

Bakı:

23 °C

68 %

12 m/s

Əlaqə

AZ RU EN

Ana səhifə / Sosial / “AppLab” Mərkəzi biznes planın hazırlanması üzrə intensiv təlim təşkil edib

“AppLab” Mərkəzi biznes planın hazırlanması üzrə intensiv təlim təşkil edib

29.08.2017 [10:16]

Azərbaycanın ilk mobil operatoru və aparıcı mobil internet provayderi “Bakcell” şirkəti “AppLab” proqramının iştirakçılarının davamlı inkişafını dəstəkləmək məqsədilə təlimlərə başlayıb. Təlimlərin mövzuları seçilərkən şirkətin inkubasiya mərkəzində fəaliyyət göstərən komandaların istək və ehtiyacları nəzərə alınıb. “Biznes planın qurulması” adlanan ilk təlimdə düzgün tərtib olunmuş biznes planının startapın uğur qazanmasında rolu, onun strukturu, hazırlanması, tətbiqi və qiymətləndirilməsi prosesi haqqında danışılıb. Təlimin sonunda “AppLab” iştirakçıları üzərində çalışdıqları layihələrin ilk biznes planlarını qurublar.
“İştirak etdiyim bu ilk təlim sayəsində məhsulun satışa çıxarılması və investorlarla əlaqələrin qurulmasının müxtəlif üsulları barədə ətraflı məlumat əldə etmişəm. Bundan əlavə, bu təlim biznes planın hazırlanması və biznes planın istənilən startap üçün nə dərəcədə əhəmiyyətli olmasını əyani şəkildə sübut etdi”, - deyə “BuilDay” adlı tətbiqetmənin təsisçisi Sadıq Hüseynov bildirib.
Şirkətin inkubasiya mərkəzində fəaliyyət göstərən 7 layihənin komanda üzvləri bundan sonra “Piçinq üzrə master klass”, “Blockchain”ə giriş üzrə intensiv təlim”, “İnvestorlarla Əlaqələrin İnkişaf etdirilməsi üzrə intensiv təlimi, “Biznes Planın Hazırlanması üzrə intensiv təlim” və “Layihələrin İdarə Olunmasının Əsasları üzrə təlim” mövzularında keçirilən təlimlərdə iştirak etməklə öz bacarıqlarını artıracaqlar.
Şirkətdən verilən məlumatda qeyd olunur ki, hər bir təlim əsas nəzəri hissə və praktiki hissədən (“case study”) ibarət olacaq. Ümumilikdə, təlimlərin müddəti 25 saatdır. 3 ay davam edəcək təlimlərdə “AppLab” tərəfindən dəstəklənən komandalar düzgün biznes planın yazılması, layihələrin idarə olunması, investorlar qarşısında çıxış və əlaqələrin qurulması üzrə lazımi bilik və bacarıqlar əldə edəcək.
Tədbirlər ölkə daxilində təlim, qiymətləndirmə və konsaltinq xidməti göstərən aparıcı şirkətlərdən olan “CAC Training Center” şirkəti ilə birgə təşkil olunur.
Xatırladaq ki, “AppLab” regional səviyyədə ideyaların, mobil tətbiqlərin və texnologiyaların pilot versiyadan hazır məhsul halına gətirilməsi üçün seçilmiş developerlərə kömək etmək məqsədilə yaradılmış sürətləndirilmiş icra modelidir.
Səlim LOĞMANOĞLU

Paylaş:

Baxılıb: 584 dəfə