Daşkəsəndə 20 Yanvar faciəsinin 28-ci ildönümü ilə bağlı tədbirlər keçirilib

Bakı:

34 °C

40 %

5 m/s

Əlaqə

AZ RU EN

Ana səhifə / Sosial / Daşkəsəndə 20 Yanvar faciəsinin 28-ci ildönümü ilə bağlı tədbirlər keçirilib

Daşkəsəndə 20 Yanvar faciəsinin 28-ci ildönümü ilə bağlı tədbirlər keçirilib

20.01.2018 [01:19]

20 Yanvar faciəsinin 28-ci ildönümü ilə bağlı ölkəmizin bütün şəhər və rayonlarında olduğu kimi, Daşkəsən rayonunda da tədbirlər keçirilib. Belə ki, Daşkəsən rayon İcra Hakimiyyətinin başçısı Əhəd Abıyevin müvafiq sərəncamına əsasən faciənin ildönümünün geniş şəkildə qeyd olunmasını nəzərdə tutan tədbirlər planı hazırlanıb, yanvar ayının 5-dən 20-dək rayonun təhsil, səhiyyə, mədəniyyət müəssisələrində, idarə və təşkilatlarında, inzibati ərazi dairələri üzrə nümayəndəliklərində “dəyirmi masa”lar, müzakirələr və digər geniş anım tədbirləri keçirilib, həmçinin mədəni-maarif müəssisələrində 20 Yanvar faciəsinə həsr olunmuş fotostend, rəsm və kitab sərgiləri hazırlanıb, kitabxana müəssisələrində oxucu konfransları təşkil olunub, faciə ilə bağlı məruzələr oxunub, xüsusi dərslər keçilib.
Qeyd edilən tədbirlərin tərkib hissəsi olaraq dünən 20 Yanvar faciəsinin 28-ci ildönümü münasibətilə rayon ictimaiyyətinin nümayəndələrinin iştirakı ilə Daşkəsən rayon Şəhidlər xiyabanında ümumrayon anım mərasimi keçirilib.
Rayon İcra Hakimiyyətinin başçısı Əhəd Abıyev ümumrayon anım tədbirində şəhid ailələri, Qarabağ müharibəsi əlilləri və iştirakçıları, rayon ağsaqqalları və veteranları ilə görüşüb, onların qayğıları ilə maraqlanıb.
Daşkəsən Rayon İcra Hakimiyyətinin başçısı Əhəd Abıyev ümumrayon anım tədbirində çıxış edərək deyib ki, 1990-cı ilin 20 yanvarında törədilmiş qanlı, faciəli hadisələr xalqımızın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olub. 1990-cı il yanvarın 19-dan 20-nə keçən gecə sovet ordusu erməni silahlı quldur dəstələri ilə birgə Azərbaycan xalqına qarşı terror aktı həyata keçirib. Bu qanlı faciə Azərbaycan xalqının milli azadlığı və ərazi bütövlüyü uğrunda aparmış olduğu şanlı mübarizə tarixində heç vaxt unudulmayacaq, yaddan çıxmayacaq.
20 Yanvar hadisələrinə ilk siyasi və hüquqi qiymətin Ümummilli lider Heydər Əliyev tərəfindən verildiyini xatırladan Əhəd Abıyev deyib ki, Ulu öndər şəhidlərin ailələrinə daim diqqət və qayğı göstərib. Eləcə də 20 Yanvar hadisələrində sağlamlığını itirən əlillərin sosial müdafiəsi, pensiya təminatı hər zaman Ulu öndərin diqqətində olub. Hazırda Prezident İlham Əliyevin 20 Yanvar faciəsində qətlə yetirilənlərin yaxınlarının, müharibə veteranlarının, şəhid ailələrinin, əlillərin problemlərinin dövlət səviyyəsində həllini mühüm vəzifələrdən biri kimi qarşıya qoyduğunu söyləyən icra başçısı əlavə edib ki, şəhid ailələrinin, əlillərin sosial təminatı ildən-ilə daha da möhkəmləndirilir.
Ümumrayon anım tədbirindən sonra Daşkəsən rayon İcra Hakimiyyətinin başçısı Əhəd Abıyev rayon İcra Hakimiyyətinin inzibati binasında şəhid ailələri və Qarabağ müharibəsi əlilləri ilə görüş keçirib, onların ehtiyac və qayğıları ilə maraqlanıb, aidiyyəti üzrə tapşırıqlarını verib. Şəhid ailələri və Qarabağ müharibəsi əlilləri dövlətin onlara göstərdiyi yüksək diqqət və qayğıya görə ölkə başçısı Prezident İlham Əliyevə, Birinci vitse-prezident Mehriban xanım Əliyevaya minnətdarlıqlarını bildiriblər.

Paylaş:

Baxılıb: 611 dəfə