Azərbaycan Misir əməkdaşlığı üçün böyük potensial var

Bakı:

23 °C

50 %

3 m/s

Əlaqə

AZ RU EN

Ana səhifə / YAP xəbərləri / Azərbaycan Misir əməkdaşlığı üçün böyük potensial var

Azərbaycan Misir əməkdaşlığı üçün böyük potensial var

10.06.2024 [13:34]

İlqar İlyasov, YAP Laçın rayon təşkilatının sədri

Ötən əsrin 90-cı illərində Azərbaycan müstəqilliyini bərpa etdikdən sonra Misir 1991-ci il dekabrın 26-da ölkəmizin müstəqilliyini tanıyıb və 1993-cü ildə qarşılıqlı diplomatik əlaqələrin yaradılması haqqında protokola əsasən Misirin Bakıda, 1994-cü ilin yanvarında isə Azərbaycanın Qahirədə səfirlikləri açılıb. Ümummilli Lider Heydər Əliyev 1994-cü ildə BMT-nin Əhali və İnkişaf üzrə Beynəlxalq Konfransında iştirak etmək üçün Qahirədə işgüzar səfərdə olarkən Misir Prezidenti ilə görüşüb. Prezidentlərin 1994-cü ildə keçirilən görüşündə Azərbaycan-Misir münasibətlərinin yeni perspektivlərinin müəyyənləşdirilməsi istiqamətində çox mühüm məsələlər müzakirə edilib. Misirlə Azərbaycan bir çox beynəlxalq təşkilatlar çərçivəsində sıx əməkdaşlıq edir. Misir torpaqlarımızın Ermənistan tərəfindən işğalı dövründə ölkəmizin ərazi bütövlüyünü dəstəkləyib, həmçinin İƏT-in Ermənistanın işğalçı siyasətini pisləyən qərarlarına qoşulub. Azərbaycan Respublikasının Prezidenti İlham Əliyevin iyunun 7-də Misir Ərəb Respublikasına rəsmi səfəri ölkələrimiz arasında münasibətlərin inkişafında yeni mərhələnin başlanğıcını qoydu. Bu səfər zamanı ikitərəfli münasibətlərin gündəliyində olan aktual məsələlərin müzakirəsi məqsədilə Azərbaycan və Misir prezidentlərinin görüşləri keçirildi. Səfər çərçivəsində imzalanan sənədlər ölkələrimiz arasında əməkdaşlığın dərinləşdirilməsi üçün hüquqi bazanı daha da möhkəmləndirdi. Elə bundan çıxış edən Azərbaycan Prezidenti cənab İlham Əliyev mətbuata verdiyi bəyanatda cari səfərin Misir-Azərbaycan əlaqələrinin inkişafına böyük töhfə verəcəyini bildirib və deyib: “Ölkələrimiz arasındakı siyasi dialoq müntəzəm xarakter daşıyır. Bu siyasi dialoq bundan sonra da davam edəcək”. Azərbaycan və Misir dövlətinin bütün beynəlxalq məsələlərdə fikri üst-üstə düşür. Hər iki ölkə beynəlxalq təşkilatlar çərçivəsində birlikdə fəal çalışır, o cümlədən BMT, Qoşulmama Hərəkatı, İslam Əməkdaşlıq Təşkilatı çərçivəsində fəal əməkdaşlıq edirlər. Prezident İlham Əliyev deyir: “Misirin dəstəyi ilə Azərbaycan dörd il ərzində Qoşulmama Hərəkatına sədrlik etmişdir. Bu sədrliyin nəticəsində Hərəkat daha böyük imkanlara malik olmuşdur”. Bu o deməkdir ki, iki ölkə arasındakı siyasi-diplomatik əlaqələr ən yüksək səviyyədədir. Bu isə həm hə iki dövlətin, həm də bu dövlətlərin xalqlarının mənafeyinə cavab verir. Dövlətimizin başçısının verdiyi bəyanatda ikitərəfli münasibətlərin bir sıra məqamlarına toxunmaqla yanaşı ölkələrarası ticarət dövriyyəsinin bir neçə dəfə artmasına baxmayaraq bunu qaneedici olmadığı, lakin imzalanmış sənədlərin, əldə edilmiş razılaşmaların bu istiqamətdə dönüş yaradacağına ümid bəsləndiyi diqqətə çatdırmışdır. Ümumiyyətlə, yaxın perspektivdə iki ölkə arasında energetika, bərpaolunan enerji növlərinin istehsalı, neft sənayesi, əczaçılıq, alüminium sənayesi və digər sahələrində yüksək nəticələr əldə ediləcəyi bildirilib: “Ticarət dövriyyəsi bir neçə dəfə artıb. İmzalanmış sənədlər, əldə edilmiş razılaşmalar ticarət dövriyyəsini artıracaqdır. İlk növbədə, energetika, bərpaolunan enerji növlərinin istehsalı, neft sənayesi, əczaçılıq, alüminium sənayesi sahələrində və digər sahələrdə yaxşı nəticələr əldə etmək mümkün olacaq”. İki ölkə rəhbəri arasında keçirilən görüşlərdə yeni nəqliyyat dəhlizləri ilə əlaqədar fikir mübadiləsi də aparılıb. Həm Şərq-Qərb, həm Şimal-Cənub nəqliyyat dəhlizləri Azərbaycan ərazisindən keçdiyi, respublikamızın ərazisində bütün infrastrukturun yaradıldığı və beləliklə nəqliyyat-logistika sahəsində əməkdaşlıq üçün çox gözəl imkanlar açıldığı da xatırladılıb: “Həm Şərq-Qərb, həm Şimal-Cənub nəqliyyat dəhlizləri Azərbaycan ərazisindən keçir. Azərbaycan ərazisində bütün infrastruktur yaradılıb və nəqliyyat-logistika sahəsində əməkdaşlıq üçün çox gözəl imkanlar açılmaqdadır”. Bütün bunlar iki ölkə arasında münasibətlərin inkişafı üçün böyük potensialın olduğunu və qarşılıqlı səfərlərin əməkdaşlığın sürətlə genişləndirilməsi baxımından mühüm imkanlar yaratdığını göstərir.

Paylaş:

Baxılıb: 562 dəfə