Xalqın YAP-a böyük inam və ehtiramı var

Bakı:

23 °C

68 %

10 m/s

Əlaqə

AZ RU EN

Ana səhifə / YAP xəbərləri / Xalqın YAP-a böyük inam və ehtiramı var

Xalqın YAP-a böyük inam və ehtiramı var

15.08.2024 [22:07]

2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası (YAP) tərəfindən 96 saylı Goranboy-Naftalan seçki dairəsindən deputatlığa namizədliyi irəli sürülmüş Bədəl Bədəlovun Goranboy rayonunun Xoylu kəndində Xoylu, Yolqullar, Nizami kənd seçiciləri və Naftalan şəhər Qaşaltı Qaraqoyunlu kəndində Naftalan şəhərindən olan seçicilərlə görüşü keçirilib.

Görüşdən əvvəl Xoylu kəndindən olan şəhidlərin xatirəsinə tikilmiş ehsan bulağı ziyarət olunub, önünə gül dəstələri qoyulub.

Əvvəlcə Azərbaycan Respublikasının Dövlət Himni səsləndirilib, Ulu Öndər Heydər Əliyevin və Azərbaycanın ərazi bütövlüyü və suverenliyi uğrunda canlarını qurban vermiş şəhidlərimizin əziz xatirəsi ehtiramla yad edilib.

Görüşdə YAP Goranboy rayon təşkilatının sədri Samir Qocayev çıxış edərək Yeni Azərbaycan Partiyasının bu seçkilərə Azərbaycan Prezidenti İlham Əliyevin rəhbərliyi ilə əldə etdiyimiz möhtəşəm ümumxalq Zəfərindən sonra yaranmış reallıqlardan irəli gələn hədəflərlə “Yeni dövrə Yeni Azərbaycanla!” şüarı ilə qatıldığını diqqətə çatdırıb. Qeyd edib ki, Ulu Öndər Heydər Əliyev tərəfindən əsası qoyulan müasir müstəqil Azərbaycan inkişaf yolunda əmin addımlarla irəliləyir.

Çıxış edən YAP Naftalan şəhər təşkilatının sədri Rövlan Heydərov bildirib ki, müasir müstəqil Azərbaycanın hər bir uğurunda Ulu Öndər Heydər Əliyevin yaradıcısı olduğu, dünənin, bu günün və gələcəyin partiyası kimi dəyərləndirdiyi, hazırda cənab İlham Əliyevin Sədrliyi ilə inkişaf edən Yeni Azərbaycan Partiyasının müstəsna rolu var. Vurğulanıb ki, bu baxımdan parlament seçkilərində YAP-ın qələbəsi labüddür.

Deputatlığa namizəd Bədəl Bədəlov YAP-ın seçki platforması haqqında ətraflı məlumat verib. O, Ulu Öndər Heydər Əliyevin təməlini qoyduğu dövlət siyasətinin uğurla davam etdirilməsindən danışaraq, ölkəmizin təkcə Cənubi Qafqazın lideri deyil, bütün dünyanın ən nüfuzlu dövlətlərindən birinə çevrildiyini qeyd edib.

Tədbirdə Goranboy rayonu üzrə təşviqat qrupunun üzvləri şəhid Orxan Namazovun anası Nailə Məmmədova, şəhid mayor Əlövsət Məmmədovun həyat yoldaşı Rahinə Məmmədova, Naftalan şəhəri üzrə təşviqat qrupunun üzvləri Hatəm Qocayev və Fuad Zamanov çıxış edərək hər bir seçicini öz seçki hüququndan istifadə edərək parlament seçkilərində fəal olmağa, yeni dövrün hədəflərinə yüksək səviyyədə nail olmaq, qalib Azərbaycanın tarixini daha möhtəşəm uğurlarla zənginləşdirmək üçün Yeni Azərbaycan Partiyasına bir daha etimad göstərməyə çağırıblar.

Görüşdə çıxış edən seçicilər YAP-ın namizədinə səs verəcəklərini bildiriblər.

Daha sonra deputatlığa namizəd Bədəl Bədəlov Goranboy rayonunun Qaradağlı, Şadılı, Xoylu, Yolqullar kəndlərindən və Naftalan şəhərindən olan şəhid ailələri və həmin kəndlərdən olan bir qrup ziyalı, ağsaqqal ilə çay süfrəsi ətrafında səmimi söhbət aparıblar.

Paylaş:

Baxılıb: 633 dəfə