Türk dövlətləri arasında qardaşlığın sarsılmazlığının nümayişi

Bakı:

17°C

72%

6m/s

Əlaqə

AZ RU EN

Ana səhifə / YAP xəbərləri / Türk dövlətləri arasında qardaşlığın sarsılmazlığının nümayişi

Türk dövlətləri arasında qardaşlığın sarsılmazlığının nümayişi

28.08.2024 [10:43]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Ortaq dəyərləri, türk soyunu bölüşən dövlətlərin əsrlər boyu milli-mənəvi birliyə söykənən əlaqələri yüksələn xətlə inkişaf edib. Türk dövlətləri ilə münasibətlərin inkişaf etdirilməsi Azərbaycanın xarici siyasətinin əsas istiqamətlərindən olub.

Azərbaycanla Özbəkistan arasında əlaqələr bu gün də ən yüksək səviyyədədir və həyata keçirilən hər bir qarşılıqlı səfər ikitərəfli münasibətlərin inkişafına öz töhfəsini verir. Azərbaycanın xarici siyasətində Ulu Öndər Heydər Əliyev tərəfindən müəyyənləşdirilmiş məqsədyönlü siyasətin günümüzdə cənab Prezident İlham Əliyev tərəfindən uğurla və müasir çağırışlara uyğun davam etdirilməsi hər bir ölkə kimi Özbəkistanla münasibətlərə də yeni məzmun, dinamika qatıb.

Ölkəmizin Prezidenti cənab İlham Əliyevin ötən həftə Özbəkistana dövlət səfəri iki türk dövləti arasında əlaqələrin daha yüksək səviyyəyə çatdırılması baxımından tarixi hadisəyə çevrildi. Eyni zamanda, Azərbaycan Prezidentinin Özbəkistan səfəri türk dövlətləri arasında qardaşlığın sarsılmazlığının beynəlxalq icimaiyyətə yenidən nümayişi ilə yadda qaldı.

Türk dünyasında layiqli yer tutan Azərbaycanın Prezidentinin qardaş ölkəyə son iki ildə beşinci səfəri, Prezident İlham Əliyevin və Prezident Şavkat Mirziyoyevin dostluq münasibətləri deməyə əsas verir ki, Azərbaycan-Özbəkistan əlaqələri həm ikitərəfli, həm də çoxtərəfli platformalarda intensiv şəkildə inkişaf edir.

İki türk dövləti və xalqı arasındakı dostluq, qardaşlıq münaisbətlərinin ruhundan xəbər verən prezidentlərin qarşılıqlı səfərləri, imzalanan sənədlər, o cümlədən "Azərbaycan Respublikası ilə Özbəkistan Respublikası arasında müttəfiqlik münasibətləri haqqında Müqavilə"nin imzalanması ilk növbədə özündə yüksək siyasi əlaqələri təcəssüm etdirir.

Mətbuata verdiyi bəyanatda Prezident İlham Əliyev xüsusi ilə vurğuladı:"Şavkat Miromonoviçin qeyd etdiyi kimi, bu gün biz rəsmən müttəfiq olduq. Bu, razıyam ki, əslində, tarixi məqamdır. Müttəfiqlik münasibətləri haqqında müqavilə iki ölkənin imzalaya biləcəyi ən yüksək beynəlxalq sənəddir. Biz bu gün Daşkənddə həqiqətən də münasibətlərimizin yeni fəslini deyil, kitabını yazırıq. Zənnimcə, əminəm ki, üzərimizdə dolaşan və bununla bağlı bizə xeyir-dua verən əcdadlarımızın ruhları şad olacaq. Bu gün iki qardaş xalq, iki müstəqil, güclü, suveren, nüfuzlu dövlət rəsmi müttəfiq oldular. Bu, çox mühüm xarici siyasət addımıdır və gələcək illərdə bizim münasibətlərimizi, həmçinin bir çox hallarda regional siyasəti müəyyən edəcək. Çünki biz fəal işləyirik və Şavkat Miromonoviçin dediyi kimi, ən müxtəlif – regional və beynəlxalq siyasət məsələləri müzakirə olundu. Bu gün Mərkəzi Asiya, Cənubi Qafqaz, Xəzər regionları vahid geosiyasi regiona çevrilir və regionlarımızda müsbət proseslər Özbəkistan ilə Azərbaycan arasında səmərəli əməkdaşlıqdan asılıdır."
Göründüyü kimi, indiyə qədər strateji tərəfdaş olan Azərbaycanla Özbəkistan artıq rəsmən müttəfiq dövlətlər oldular. İki ölkənin imzaladığı müttəfiqlik münasibətləri haqqında müqavilə Özbəkistan-Azərbaycan münasibətlərində yeni-yeni əməkdaşlıq üçün böyük perspektivlər açacaq.

Paylaş:

Baxılıb: 110 dəfə