Dostluq, mehriban qonşuluq, uğurlu əməkdaşlıq

Bakı:

30 °C

48 %

6 m/s

Əlaqə

AZ RU EN

Ana səhifə / YAP xəbərləri / Dostluq, mehriban qonşuluq, uğurlu əməkdaşlıq

Dostluq, mehriban qonşuluq, uğurlu əməkdaşlıq

21.01.2025 [16:07]

Anar Şahmuradov,

YAP Ağdaş rayon təşkilatının ideoloji işlər üzrə məsləhətçisi

Əsrlər boyu dostluq, mehriban qonşuluq şəraitində yaşayan Azərbaycan və Gürcüstan arasında ikitərəfli siyasi münasibətlərin yüksək səviyyəyə çatdırılmasında Ulu Öndər Heydər Əliyevin böyük xidmətləri olmuşdur. Hər bir sahədə Ulu Öndərin siyasi kursunu müasir dövrün tələblərinə uyğun formada uğurla davam etdirən Prezident İlham Əliyev Gürcüstanla əlaqələrin davamlı inkişaf etdirilməsini xarici siyasətində prioritet hesab edir. Ölkələrimiz arasında çoxşaxəli əməkdaşlıq əlaqələrin dərinləşdirilməsinin təməlində yüksək səviyyəli siyasi təmaslar dayanır. Həmçinin, ölkələrimizin bir sıra təşkilatlar və qurumlar daxilində əməkdaşlığı ikitərəfli strateji əlaqələri daha da möhkəmləndirir. Məlumdur ki, Azərbaycan və Gürcüstanı çox mühüm qlobal əhəmiyyətli enerji və nəqliyyat layihələri birləşdirir.

Yanvarın 17-də Gürcüstanın Baş naziri İrakli Kobaxidzenin ölkəmizə işgüzar səfəri çərçivəsində mətbuata bəyanatında Prezident İlham Əliyev Azərbaycan-Gürcüstan əlaqələrinin bütün istiqamətlər üzrə uğurla inkişaf etdiyini qeyd etdi. Azərbaycanın Gürcüstan iqtisadiyyatına 3,6 milyard dollar sərmayə qoyması uğurlu iqtisadi siyasətin nəticəsi hesab edilə bilər. Ölkə başçısı energetika sahəsindəki əməkdaşlıq haqqında fikir bildirərkən vurğuladı ki, bu sahədəki əməkdaşlıq həm ölkələrimiz, həm də geniş coğrafiya üçün xüsusi əhəmiyyət daşıyır. Belə ki, ölkəmiz Gürcüstan vasitəsilə 11 ölkəyə təbii qaz ixrac edir. Qarşıdakı illərdə ixracın həcminin artırılması planlaşdırılır. Bundan əlavə, Azərbaycan və Gürcüstan birlikdə yaşıl enerji layihələri də həyata keçirir. Mətbuata bəyanatında Prezident İlham Əliyev bildirdi ki, bazarda yaşıl enerjiyə böyük təlabat var və bu sahədəki layihə də digər layihələr kimi uğurla icra ediləcəkdir.

Məlum olduğu kimi, ölkəmizin Xəzər dənizində, eləcə də quruda, xüsusilə də Qarabağ və Şərqi Zəngəzurda çox böyük həcmdə bərpaolunan enerji potensialı mövcuddur. Bu potensial imkan verir ki, ölkəmiz ənəvi enerji növləri ilə paralel yaşıl enerjini də ixrac etsin. Bu baxımdan, Gürcüstanla əməkdaşlıq xüsusi əhəmiyyət daşıyır. Ölkələrimizin yerləşdiyi coğrafi mövqe Avopa ilə Asiya arasında körpü rolunu oynayır. Bu şəraitdən səmərəli istifadə üçün ölkələrimiz Orta Dəhliz layihəsində də yaxın tərəfdaşlar kimi fəaliyyət göstərirlər. Nəzərə alsaq ki, Orta Dəhliz layihəsi böyük coğrafiyanı əhatə etdiyi üçün həm Azərbaycanın, həm də Gürcüstanın iqtisadi maraqları çərçivəsindədir.

Gürcüstanın Baş naziri İrakli Kobaxidze mətbuata bəyanatında bölgədə sabitlik və təhlükəsizliyin təmin edilməsində ölkələrimizin münasibətlərinin əhəmiyyətini, xüsusilə də Prezident İlham Əliyevin yüksək xidmətlərinin olduğunu bildirdi. Gürcüstanın Baş naziri vurğuladı ki, Prezident İlham Əliyev regionda fərqli bir Liderdir və bir çox ölkə rəhbərləri üçün nümunədir.

Paylaş:

Baxılıb: 559 dəfə