Yeni çağırış: Keçmişdən güc alaraq gələcəyə doğru addımlamaq !

Bakı:

12 °C

76 %

9 m/s

Əlaqə

AZ RU EN

Ana səhifə / YAP xəbərləri / Yeni çağırış: Keçmişdən güc alaraq gələcəyə doğru addımlamaq !

Yeni çağırış: Keçmişdən güc alaraq gələcəyə doğru addımlamaq !

28.08.2025 [14:07]

Avqust ayının 22-də Türkmənistanda daha bir zirvə görüşü baş tutdu. Bu görüş təkcə bir zirvə görüşünə deyil, bir dostluq, bir qardaşlıq və gələcəyə inamın simvoluna çevrildi. Azərbaycan, Türkmənistan və Özbəkistan liderlərinin iştirak etdiyi bu üçtərəfli yüksək səviyyəli görüş regionun taleyində yeni bir səhifə açdı. Mətbuata səslənən bəyanatlar, imzalanan sənədlər və səsləndirilən mesajlar yalnız diplomatik protokolun tərkib hissəsi deyildi – onlar bir millətin, bir coğrafiyanın, bir mədəniyyətin çağırışı idi.

Azərbaycan Respublikasının Prezidenti cənab İlham Əliyev çıxışında səsləndirdiyi fikirlər təkcə Azərbaycan xalqının deyil, bütün türkdilli xalqların arzusunu ifadə etdi. Qardaşlıq, ortaq tarix, ortaq mədəniyyət və ortaq gələcək – bu dörd sütun üzərində qurulan əməkdaşlıq region üçün yeni nəfəs, yeni güvənlik və yeni fürsətlər deməkdir. Füzuli şəhərində türkmən xalqının hədiyyəsi olaraq tikiləcək məscid, Özbəkistanın hədiyyə etdiyi məktəb və parklar – bunlar siyasətin yox, qəlbin danışdığı layihələrdir.

Görüşdə səslənən ən mühüm fikirlərdən biri də bu ölkələrin geosiyasi mövqelərinin strateji əhəmiyyətinin vurğulanması oldu. Şərqlə Qərbi, Şimalla Cənubu birləşdirən bu üç ölkə, sanki təbiətin öz əlilə birləşdirilmiş bir düyündür. Bu düyünü açmaq deyil, onu möhkəmləndirib körpüyə çevirmək liderlərin və xalqların məsuliyyətidir. İmzalanan nəqliyyat və logistika sazişləri, hava əlaqələrinə dair memorandumlar, qardaşlaşan şəhərlər və inkişaf edən enerji dəhlizləri bu məqsədə doğru atılmış möhkəm addımlardır.

Zirvə görüşü sübut etdi ki, beynəlxalq münasibətlər yalnız böyük dövlətlərin, super güclərin diktəsi ilə formalaşmalı deyil. Orta Asiya və Cənubi Qafqazın üç güclü dövləti, öz daxili harmoniyasını taparaq, müstəqil və balanslı siyasət qura bilir. Bu, region xalqları üçün qürurverici olduğu qədər, dünya üçün də nümunəvi yanaşmadır.

Bu birlik sadəcə siyasi və iqtisadi platforma deyil, mədəniyyətin, dilin, dinin və ümumi mənəvi dəyərlərin birliyidir. Bu zirvə göstərdi ki, xalqlar arasında humanitar yaxınlıq olmadan real inteqrasiya mümkün deyil. Azərbaycan Prezidenti İlham Əliyev və digər liderlərin humanitar layihələrə, sosial təşəbbüslərə verdikləri önəm də məhz bu yanaşmadan irəli gəlir.

Bu yanaşma yeni bir çağırışdır: birlikdə irəliləmək, keçmişdən güc alaraq gələcəyə doğru addımlamaq çağırışı. Azərbaycanın, Türkmənistanın və Özbəkistanın dostluğu yeni bir əməkdaşlıq modelinin əsasını qoyur. Və bu model, təkcə iqtisadi mənfəət deyil, həm də insanlıq, qardaşlıq və əbədi birlik fəlsəfəsi üzərində qurulmuşdur.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 296 dəfə