Xalq–dövlət birliyi

Bakı:

13 °C

71 %

7 m/s

Əlaqə

AZ RU EN

Ana səhifə / YAP xəbərləri / Xalq–dövlət birliyi

Xalq–dövlət birliyi

07.01.2026 [15:18]

Mansur Quliyev

YAP Ağdam rayon təşkilatının sədri

Azərbaycan Respublikasının Prezidenti cənab İlham Əliyevin 05 yanvar 2026-cı il tarixdə yerli televiziya kanallarına verdiyi müsahibə bir daha dövlətimizin həyata keçirdiyi siyasətin əsas fəlsəfəsini və prioritetlərini aydın şəkildə ortaya qoydu. Dövlət başçısının müsahibəsində səsləndirdiyi fikirlər göstərir ki, Azərbaycanın daxili və xarici siyasətinin mərkəzində məhz Azərbaycan vətəndaşı, onun rifahı, təhlükəsizliyi və layiqli həyat səviyyəsi dayanır.

Prezident İlham Əliyev daim vurğulayır ki, dövlətin gücü onun vətəndaşına verdiyi dəyərdən başlayır. Son illər həyata keçirilən sosial islahatlar, əməkhaqlarının, pensiya və müavinətlərin mütəmadi olaraq artırılması, yeni iş yerlərinin yaradılması, regionların kompleks inkişafı bu siyasətin bariz nümunəsidir. Müsahibə zamanı da dövlət başçısı sosial ədalətin təmin olunmasının, əhalinin həssas təbəqələrinin sosial müdafiəsinin gücləndirilməsinin prioritet istiqamət olduğunu xüsusi qeyd etdi.

Cənab Prezidentin rəhbərliyi ilə həyata keçirilən siyasət yalnız iqtisadi göstəricilərlə məhdudlaşmır. Təhsil, səhiyyə, mədəniyyət və idman sahələrində aparılan islahatlar insan kapitalının inkişafına xidmət edir. Yeni məktəblərin, xəstəxanaların, idman komplekslərinin istifadəyə verilməsi, gənclərin bilik və bacarıqlarının artırılması üçün yaradılan imkanlar vətəndaşa yönəlmiş dövlət siyasətinin mühüm tərkib hissəsidir.

Müsahibədə postmünaqişə dövründə azad edilmiş ərazilərdə aparılan bərpa və yenidənqurma işlərinə də geniş yer ayrıldı. Prezident İlham Əliyev bildirdi ki, Böyük Qayıdış Proqramının əsas məqsədi həmin ərazilərdə məhz vətəndaşlar üçün müasir, təhlükəsiz və rahat yaşayış mühiti yaratmaqdır. “Ağıllı kənd” və “ağıllı şəhər” layihələri bir daha sübut edir ki, dövlət siyasətinin hədəfi insanın rahatlığı və gələcəyə inamıdır.

Eyni zamanda, Prezidentin müsahibəsində səsləndirdiyi fikirlər ölkəmizin müstəqil və prinsipial xarici siyasət xəttini də əks etdirir. Bu siyasətin nəticəsi olaraq Azərbaycan regionda söz sahibi olan, beynəlxalq aləmdə etibarlı tərəfdaş kimi tanınan dövlətə çevrilmişdir. Bu uğurların əsas məqsədi isə yenə də Azərbaycan vətəndaşının təhlükəsizliyinin və maraqlarının qorunmasıdır.

Xüsusilə qeyd etmək lazımdır ki, Prezident İlham Əliyevin yerli televiziya kanallarına verdiyi müsahibə bir daha təsdiq etdi ki, həyata keçirilən bütün islahatların, qəbul olunan qərarların və strateji hədəflərin mərkəzində Azərbaycan vətəndaşı dayanır. Bu siyasət xalq–dövlət birliyini daha da möhkəmləndirir və ölkəmizin davamlı inkişafını təmin edən əsas amil kimi çıxış edir.

Paylaş:

Baxılıb: 412 dəfə