20 Yanvar faciəsinin 36-cı ildönümünə həsr edilmiş tədbir keçirilib

Bakı:

26 °C

47 %

6 m/s

Əlaqə

AZ RU EN

Ana səhifə / YAP xəbərləri / 20 Yanvar faciəsinin 36-cı ildönümünə həsr edilmiş tədbir keçirilib

20 Yanvar faciəsinin 36-cı ildönümünə həsr edilmiş tədbir keçirilib

19.01.2026 [17:01]

19 yanvar 2026-cı il tarixdə YAP Tərtər rayon təşkilatının inzibati binasında YAP Tərtər rayon təşkilatı və Tərtər rayon icra hakimiyyətinin birgə təşkilatçılığı ilə 20 yanvar faciəsinin 36-cı ildönümünə həsr edilmiş tədbir keçirilib.

Tədbirdə YAP Tərtər rayon təşkilatının sədri Eldar Əsədov və rayon təşkilatının əməkdaşları, ƏPT sədrləri, rayon icra hakimiyyətinin əməkdaşları, şəhid ailələri və qazilər, idarə, müəssisə və təşkilatların nümayəndələri iştirak ediblər.

Öncə tədbir iştirakçıları Yeni Azərbaycan Partiyasının qurucusu Ulu Öndər Heydər Əliyevin, torpaqlarımızın suverenliyi uğrunda canlarından keçmiş şəhidlərin və 20 yanvar faciəsinin qurbanlarının xatirəsini ehtiramla yad ediblər.

Tədbirdə 20 Yanvar hadisələrindən bəhs edən videoçarx nümayiş olunub.

Sonra YAP rayon təşkilatının sədri Eldar Əsədov çıxış edərək bildirdi ki, Azərbaycan xalqının müasir tarixində 20 Yanvar faciəsi xüsusi yer tutur. 1990-cı ilin 20 yanvar gecəsi sovet imperiyasının totalitar rejimi tərəfindən Bakıda və ölkənin bir sıra bölgələrində dinc əhaliyə qarşı həyata keçirilən hərbi müdaxilə nəticəsində yüzlərlə günahsız insan qətlə yetirilmiş, minlərlə insan yaralanmışdır. Bu qanlı hadisə Azərbaycan xalqının azadlıq və müstəqillik arzularını boğmaq məqsədi daşısa da, əksinə, milli iradəni daha da gücləndirmiş, müstəqillik yolunda dönüş nöqtəsinə çevrilmişdir.

Tədbirdə YAP Tərtər rayon təşkilatının sədr müavini Azər Ağayev 36 il öncə 1990-cı il yanvarın 19-dan 20-nə keçən gecə SSRİ rəhbərliyinin göstərişi ilə sovet ordusunun və xüsusi təyinatlı birləşmələrinin, habelə daxili qoşunların kontingentinin Bakı şəhəri və respublikanın digər şəhər və rayonlarına yeridilməsi nəticəsində dinc əhaliyə, o cümlədən uşaqlara, qadınlara və qocalara qarşı amansız qırğınlar törədildiyini qeyd etmişdir. Həmiçinin çıxışda hərbi təcavüz nəticəsində 147 dinc sakin həlak olduğu, 744 nəfər ağır yaralandığı, 4 nəfər isə itkin düşdüyü qeyd edilmişdir. 20 Yanvar faciəsinə dövlət səviyyəsində tam siyasi-hüquqi qiymət verilməsi məsələsi Ümummilli Lider Heydər Əliyevin sayəsində həllini tapdı. Faciənin ertəsi günü - yanvarın 21-də Heydər Əliyev Azərbaycanın Moskvadakı daimi nümayəndəliyinə gələrək xalqla birgə olduğunu bildirdi, 20 Yanvar faciəsinə siyasi qiymət verdi, onun hüquqa, demokratiyaya, humanizmə zidd olduğunu, mərkəzin və ozamankı respublika rəhbərlərinin xəyanəti üzündən baş vermiş siyasi səhv olduğunu bəyan etdi.

Sonra rayon icra hakimiyyəti başçısı aparatının Müharibə iştirakçıları və şəhid ailələri ilə işin təşkili sektorunun müdiri Ülvü Nəcəfov çıxış edərək Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən, keçmiş sovet dövlətinin hərb maşınının həmin gün Azərbaycan xalqına qarşı həyata keçirdiyi vəhşi terror aktından, insanlığa qarşı törədilmiş ən ağır cinayətlərdən biri kimi bəşər tarixində qara səhifə düşmüş faciə qurbanlarından danışmış, milli azadlığı, ölkəsinin ərazi bütövlüyü uğrunda mübarizəyə qalxmış dinc əhaliyə divan tutulması, kütləvi terror nəticəsində yüzlərlə günahsız insanın qətlə yetirilməsi və yaralanması totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdiyini bildirib.

Sonra DAİM ƏPT-nın sədri Mehman Babayev, Əksipara ƏPT-nın sədri Elvin Məhərli, İrəvanlı ƏPT-nın sədri Lətifə İbrahimova, rayon mərkəzi xəstəxanası ƏPT-nın sədri Nailə Həsənova, Qaz İstismar İdarəsi ƏPT-nın sədri Kəmalə Baxşəliyeva çıxış ediblər. Çıxışlarda 20 yanvar faciəsinin müstəqilliyə aparan yolun başlanğıcı olduğu vurğulanıb və 20 yanvar şəhidlərinin xatirəsinin əbədiləşdirilməsi üçün respublikamızda görülən işlərdən, dövlət tərəfindən onlara ayrılan sosial paketlərdən və imtiyzlardan da söhbət açılıb, onların xatirəsinin hər zaman əziz tutulduğu qeyd olunub.

Paylaş:

Baxılıb: 424 dəfə